Pune Civic Elections: पुण्यात इतिहास घडणार? दोन्ही पवारांच्या राष्ट्रवादीचं ठरलं, पण ठाकरे सेनेचा विरोध

पुणे आणि पिंपरी चिंचवड महापालिकेच्या निवडणुकांमध्ये राष्ट्रवादी काँग्रेसचे दोन्ही गट एकत्र येण्याची शक्यता बळावली आहे. अजित पवार गटाचे नेते अजित पवार आणि शरद पवार गटाच्या सुप्रिया सुळे यांनी यासंदर्भात चर्चा सुरू असल्याचे संकेत दिले आहेत. अजित पवार यांनी २६ तारखेला युतीची अधिकृत घोषणा होण्याची शक्यता वर्तवली आहे. मात्र, ठाकरे गटाच्या शिवसेनेने या युतीला तीव्र विरोध केला आहे. जर दोन्ही पवार एकत्र आले, तर ठाकरेंची शिवसेना त्यांच्यासोबत नसेल, असे संजय राऊत यांनी स्पष्ट केले आहे. राऊत यांनी अजित पवारांच्या भाजपाशी असलेल्या युतीवर प्रश्नचिन्ह उपस्थित केले आहे. दुसरीकडे, शरद पवार गटाच्या पुणे शहराध्यक्ष प्रशांत जगताप यांनीही या युतीला विरोध करत राजीनाम्याची तयारी दर्शवली आहे.