Phaltan Doctor Death : लाज कशी वाटत नाही! प्रतिक्रिया देताना झोपेत बरळता का? चित्रा वाघ का अन् कुणावर भडकल्या?

भाजप नेत्या चित्रा वाघ यांनी काँग्रेस आमदार प्रणिती शिंदे यांच्यावर संवेदनशील प्रकरणांचे राजकारण केल्याबद्दल जोरदार टीका केली आहे. कुठल्याही दुर्दैवी घटनेनंतर प्रणिती शिंदे राजकारण करायला विसरत नाहीत, असे वाघ यांनी म्हटले. निर्भया डॉक्टरच्या आत्महत्येसारख्या संवेदनशील प्रकरणालाही राजकीय रंग देताना लाज वाटू नये का, असा सवाल त्यांनी उपस्थित केला.

चित्रा वाघ यांनी प्रणिती शिंदे यांच्या माहितीसाठी सांगितले की, मुख्यमंत्री देवेंद्र फडणवीस यांनी तात्काळ कारवाई केली आहे. आरोपींवर गुन्हे दाखल झाले असून, संबंधित अधिकारी निलंबित करण्यात आले आहेत. दोन्ही आरोपी सध्या पोलिसांच्या ताब्यात असून, या प्रकरणाचा तपास अजूनही सुरू आहे. सीडीआर आणि व्हॉट्सॲप डेटा पुनर्प्राप्त करण्याचे काम सुरू असल्याचे त्यांनी सांगितले. मुख्यमंत्री देवेंद्र फडणवीस यांनी या प्रकरणात कुणालाही सोडणार नाही, असे निक्षून सांगितले आहे. सरकार जबाबदारीने काम करत असल्याचे वाघ यांनी स्पष्ट केले