आमच्या वहिनी आहेत ना’ या अभियानांतर्गत राष्ट्रवादीचा मास्टर प्लॅन; रणनीतीकार प्रशांत किशोर यांच्या नेतृत्त्वात…

गणेशोत्सवाच्या उत्साहात, टीव्ही ९ मराठीवर राष्ट्रवादी काँग्रेसच्या महिला प्रदेशाध्यक्षा वैशाली नागवडेकर यांनी उपस्थिती लावली. यावेळी त्यांनी महाराष्ट्रातील दुष्काळाचे सावट दूर होऊन पाऊस पडावा आणि शेतकरी सुखी व्हावेत, अशी बाप्पाकडे प्रार्थना केली. रुपाली चाकणकर यांच्यानंतर प्रदेशाध्यक्षपदाची जबाबदारी स्वीकारलेल्या नागवडेकर यांनी सांगितले की, अजितदादांचे विचार महाराष्ट्राच्या कानाकोपऱ्यात पोहोचवणे आणि त्यांचे महाराष्ट्राबद्दलचे स्वप्न साकार करणे ही त्यांची प्रमुख भूमिका आहे. सुनेत्रा पवार यांच्या नेतृत्वाखाली “आमच्या वहिनी आहेत ना” या अभियानांतर्गत राष्ट्रवादी काँग्रेस पक्ष गावागावांपर्यंत आणि बूथ स्तरापर्यंत पोहोचवण्याचे काम करणार असल्याचे त्यांनी स्पष्ट केले.

अजितदादांनी पाहिलेल्या महाराष्ट्राच्या स्वप्नाची पूर्तता करणे ही प्रत्येक कार्यकर्त्याची जबाबदारी आहे, असेही नागवडेकर म्हणाल्या. गणेशोत्सवाच्या शुभेच्छा देताना त्यांनी संस्कृती आणि आधुनिकतेचा समन्वय साधून सण साजरे करण्याचे आवाहन केले.