मोठी बातमी ! राज ठाकरेंना सलग दुसऱ्या दिवशीही धक्का, असंख्य पदाधिकाऱ्याचा भाजमध्ये प्रवेश, मनसेत खळबळ

राज्यात सध्या महानगर पालिकांच्या निवडणुकीची रणधुमाळी सुरू आहे. राजकीय पक्ष जोमाने प्रचार करत आहेत. सर्वत राजकीय नेते दररोज वेगवेगळ्या ठिकाणी सभा घेत आहेत. मात्र या काळात अनेक नेते पक्षांतर करत असल्याचेही समोर आले आहे. राज ठाकरेंना सलग दुसऱ्या दिवशी मोठा धक्का बसला आहे. डोंबिवलीतील अनेक पदाधिकाऱ्यांनी भाजपमध्ये प्रवेश केला आहे. त्यामुळे आगामी निवडणुकीपूर्वी राज ठाकरेंची चिंता वाढली आहे. या पक्षांतराचा परिणाम थेट निवडणुकीच्या निकालावर होण्याची शक्यता आहे. ऐन निवडणुकीत कोणत्या पदाधिकाऱ्यांनी राज ठाकरेंची साथ सोडली ते जाणून घेऊयात.

मनसेला मोठा धक्का

महानगर पालिकांच्या निवडणुकीच्या प्रचाराला वेग आला असताना मनसेला मोठा धक्का बसला आहे. मनसेचे डोंबिवली उपशहर अध्यक्ष योगेश म्हात्रे, शाखा अध्यक्ष अनिकेत गायकवाड, शाखा अध्यक्ष दिपेश धुरी, मनविसे डोंबिवली शहर सचिव चैतन्य सावंत, मनविसे विभाग सचिव सर्वेश लोंढे, योगेश पडवळ, निलेश निरकर, अनिकेत सावंत, अभिषेक गायकवाड, रोहन वगळ यांनी भाजपचा झेंडा हाती घेतला आहे. त्यामुळे आगामी निवडणुकीत भाजपची ताकद वाढली असून मनसेची चिंता वाढली आहे. या पक्षप्रवेशाच्या कार्यक्रमाला भाजप कल्याण जिल्हाध्यक्ष नंदू परब, भाजप कल्याण जिल्हा उपाध्यक्ष संदीप माळी, माजी जिल्हाध्यक्ष नाना सूर्यवंशी, माजी नगरसेवक मंदार टावरे यांच्यासह इतर पदाधिकारी व कार्यकर्ते उपस्थित होते.

मंगळवारी मनसेला दोन धक्के

काल मुंबईतील मनसेचे नेते संतोष धुरी यांनी भाजपमध्ये प्रवेश केला होता. यामुळे ऐन निवडणुकीत मनसेची ताकद कमी झाली होती. उद्धव ठाकरे आणि राज ठाकरेंच्या युतीमध्ये नुकसान होत असल्याने संतोष धुरी यांनी भाजपमध्ये सामील होण्याचा निर्णय घेतला होता. यानंतर त्यांनी पक्षावर अनेक गंभीर आरोप केले होते. त्यामुळे राजकीय चर्चांना उधाण आले आहे.

🪷 तुमची आमची भाजपा सर्वांची 🪷

आदरणीय मोदीजी व आदरणीय देवेंद्रजींच्या विकासाभिमुख नेतृत्वाने प्रेरित होऊन मनसेच्या पदाधिकारी व कार्यकर्त्यांचा भाजपा परिवारात प्रवेश!

📍पक्ष प्रवेश करणारे मान्यवर- मनसेचे डोंबिवली उपशहर अध्यक्ष योगेश म्हात्रे, शाखा अध्यक्ष अनिकेत गायकवाड, शाखा… pic.twitter.com/lT7ZdoO5n2

— Ravindra Chavan (@RaviDadaChavan) January 7, 2026

संतोष धुरी यांच्यानंतर महाराष्ट्र नवनिर्माण सेनेचे माजी नगरसेवक आणि सरचिटणीस राजाभाऊ चौगुले यांनी राज ठाकरेंची साथ सोडत एकनाश शिंदे यांच्या उपस्थितीत शिवसेनेत प्रवेश केला होता. राजाभाऊ चौगुले यांच्यासह मनसेचे प्रवक्ते हेमंत कांबळे, मनसे चित्रपट सेनेचे सरचिटणीस राहुल तूपलोंढे, महाराष्ट्र नवनिर्माण विद्यार्थी सेनेचे संदेश शेट्टी, मुनव्वर शेख, जनहित कक्षाचे ऍड.देवाशीष मर्क, प्रथमेश बांदेकर, संतोष यादव यांनीही शिवसेनेचा झेंडा हाती घेतला होता. त्यानंतर आज अनेक पदाधिकाऱ्यांनी भाजपची वाट धरल्याने राज ठाकरेंची चिंता वाढली आहे.