Maharashtra News LIVE : पोलिसांवर दगडफेक करणाऱ्या 33 जणांना अटक
Maharashtra News LIVE : अमरावती शहर वगळता अमरावती जिल्ह्याच्या ग्रामीण भागात 22 जून पासून हेल्मेट सक्ती करण्यात आली आहे. नियम मोडल्यास वाहतूक पोलिसांकडून तीन महिने परवाना रद्द केला जाणार. अमरावती जिल्ह्याच्या ग्रामीण भागात वाढलेले अपघात कमी करण्यासाठी वाहतूक पोलिसांनी हे पाऊल उचललं आहे.
LIVE NEWS & UPDATES
-
कुदळवाडीत पोलिसांवर दगडफेक करणार्या 33 जणांना अटक
पिंपरी-चिंचवड महापालिकेच्या वतीने चिखलीतील कुदळवाडी परिसरात अनधिकृत धार्मिकस्थळांच्या बांधकामांवर मंगळवारी मध्यरात्री कारवाई केली जात असताना जमावाने कारवाईला विरोध करीत पोलिसांवर दगडफेक केली होती. ह्या दगडफेकी प्रकरणात आतापर्यंत ३३ जणांना अटक करण्यात आली आहे, तर तीन अल्पवयीन मुलांना ताब्यात घेतले आहे. महापालिकेने मंगळवारी पहाटे चिखली-कुदळवाडी आणि पवार वस्ती परिसरातील अनधिकृत धार्मिकस्थळांवर अतिक्रमण कारवाई सुरू केली.
-
एकादशीनिमित्त पंढरपुरात विठ्ठल दर्शनासाठी लाखो भाविक दाखल
अधिक ज्येष्ठ कमला एकादशीनिमित्त पंढरपुरात विठ्ठल दर्शनासाठी लाखो भाविक दाखल. श्री विठ्ठल दर्शन रांग तब्बल 4 किलोमीटरपर्यंत लांबली. विठ्ठल दर्शनासाठी 12 ते 15 तासांची प्रतीक्षा. राज्यभरातून लाखो भाविक पंढरपुरात दाखल. प्रदक्षिणा मार्ग, चंद्रभागा वाळवंट आणि मंदिर परिसर भाविकांनी फुलला.
-
-
अमरावतीमध्ये काँग्रेसची महत्त्वाची बैठक होणार
अमरावती स्थानिक स्वराज्य संस्थेच्या निवडणुकीमध्ये काँग्रेसचे उमेदवार हर्षजित देशमुख हे मॅनेज झाले असल्याचा आरोप असताना आज अमरावतीमध्ये काँग्रेसची महत्त्वाची बैठक होणार. गेल्या तीन ते चार दिवसापासून काँग्रेसचे उमेदवार हर्षजित देशमुख हे जिल्हाध्यक्ष व इतर जिल्ह्यातील कोणत्याच नेत्याच्या संपर्कात नसल्याने हर्षजित देशमुख यांच्यावर विविध आरोप होत आहेत.
-
शेत जमिनीच्या वादातून दांडक्याने मारहाण
शिरूर तालुक्यातील निमगाव दुडे येथे शेतजमिनीच्या वादातून एका कुटुंबावर हल्ला झाल्याने परिसरात खळबळ उडाली आहे. नव्याने खरेदी केलेल्या शेतात काम सुरू असताना चुलत भावाने मिरचीपूड फेकून लाकडी दांडक्याने तिघांना मारहाण करून जखमी केलं आहे. या घटनेत पती, पत्नी आणि वडील जखमी झाले असून त्यांच्यावर शिरूरमधील खासगी रुग्णालयात उपचार सुरू आहेत.शिरूर पोलिस स्टेशन मध्ये गुन्हा दाखल करण्यात आला आहे.
-
मुंबईत गगनचुंबी टॉवर आणि झोपडपट्ट्यांसाठी स्वतंत्र रेडी रेकनर दर
मुंबईत गगनचुंबी टॉवर आणि झोपडपट्ट्यांसाठी स्वतंत्र रेडी रेकनर दर लागू होणार. मुंबईतील मालमत्तांच्या मूल्यांकनात मोठा बदल होणार असून गगनचुंबी टॉवर, उच्चभ्रू गृहनिर्माण संकुले, चाळी आणि झोपडपट्ट्यांसाठी स्वतंत्र रेडी रेकनर दर निश्चित केले जाणार आहेत. राज्य सरकारने ‘मायक्रो झोनिंग’ पद्धती लागू करण्याचा निर्णय घेतला आहे. यासाठी महाराष्ट्र रिमोट सेन्सिंग अॅप्लिकेशन सेंटरमार्फत सर्वेक्षण केले जाणार आहे.
-
-
नाशिक विधान परिषद निवडणुकीत पुन्हा मोठा ट्विस्ट
भाजप बंडखोर गोकुळ गीतेंचे बंड थंड होण्याच्या मार्गावर. उपमुख्यमंत्री एकनाथ शिंदे यांच्यासोबत गोकुळ गीतेंची महत्त्वपूर्ण बैठक. मुख्यमंत्री देवेंद्र फडणवीस आणि उपमुख्यमंत्री शिंदे यांच्या हस्तक्षेपानंतर घडामोडींना वेग. गोकुळ गीते आज पत्रकार परिषद घेऊन भूमिका स्पष्ट करणार. नरेंद्र दराडेंना जाहीर पाठिंबा देणार की फक्त प्रचार थांबवणार? याकडे लक्ष.
-
मान्सूनच्या पावसाबाबत चांगली बातमी
मुंबई शहरात अद्याप पावसाची इंट्री झाली नाहीय. प्रचंड उकाडा आणि हवेतील आर्द्रता वाढल्याने मुंबईकरांचे पुरते हाल झालेत. आज उपनगरांमध्ये अंशत: ढगाळ वातावरण राहण्याची शक्यता आहे. हलका पाऊस किंवा मेघगर्जनेसह पावसाची शक्यता वर्तवण्यात आली आहे. कमाल आणि किमान तापमान 34 अंश सेल्सिअस आणि 29 अंश सेल्सिअस राहण्याची शक्यता आहे. राज्यातील 15 जिल्ह्यांना पावसाचा यलो अलर्ट देण्यात आला आहे. यामध्ये रत्नागिरी, कोल्हापूर, सातारा, बीड, धाराशिव, अकोला, अमरावती आणि आसपासच्या जिल्ह्यांचा समावेश आहे. पुढील 3-4 दिवसांत नैऋत्य मान्सूनच्या पुढील वाटचालीसाठी परिस्थिती अनुकूल असल्याचा अंदाज हवामान विभागाने वर्तवलाय.
-
नाशिक विधान परिषद निवडणुकीत पुन्हा मोठा ट्विस्ट आला आहे. भाजप बंडखोर गोकुळ गीतेंचे बंड थंड होण्याच्या मार्गावर आहे. उपमुख्यमंत्री एकनाथ शिंदे यांच्यासोबत गोकुळ गीतेंची महत्त्वपूर्ण बैठक झाली. मुख्यमंत्री देवेंद्र फडणवीस आणि उपमुख्यमंत्री शिंदे यांच्या हस्तक्षेपानंतर घडामोडींना वेग आला आहे. गोकुळ गीते आज पत्रकार परिषद घेऊन भूमिका स्पष्ट करणार. नरेंद्र दराडेंना जाहीर पाठिंबा देणार की फक्त प्रचार थांबवणार? याकडे लक्ष आहे. गिरीश महाजन आणि उदय सामंत पुन्हा नाशिकमध्ये दाखल होणार. प्रसाद हिरे यांच्यानंतर गोकुळ गीतेंची भूमिकाही महायुतीसाठी निर्णायक ठरणार. बिनविरोध होऊ शकणारी निवडणूक गोकुळ गीतेंच्या बंडामुळे राज्यभर चर्चेत आली. गोकुळ गीते अखेर तलवार म्यान करणार का, याचा फैसला आज होऊ शकतो. त्र्यंबकेश्वर नंतर सिंहस्थ कुंभमेळ्यासाठी आज रामकुंड येथे सिंहस्थ ध्वजस्तंभाचे शिलान्यास पूजन. गंगा-गोदावरी पंचकोटी पुरोहित संघाकडून कार्यक्रमाचे आयोजन करण्यात आले आहे.
Published On - Jun 11,2026 8:08 AM
