Maharashtra News LIVE : विधानसभा अध्यक्ष राहुल नार्वेकर यांनी घेतली ज्येष्ठ समाजसेवक अण्णा हजारेंची भेट

गडचिरोली लसीकरणानंतर दोन महिन्यांच्या बाळाचा मृत्यू

गडचिरोली लसीकरणानंतर दोन महिन्यांच्या बाळाचा मृत्यू

मृत्युच्या नेमक्या कारणांची चौकशी सुरू

अहवालानंतर मृत्यूचं कारण स्पष्ट होणार

अहेरी तालुक्यातील कपेवांचा येथील घटना

रायपूर येथे वाघाच्या हल्ल्यात शेतकरी ठार

रायपूर येथे वाघाच्या हल्ल्यात शेतकरी ठार

शेतातून घरी जात असताना शेतकरी भगवान भगवान धुर्वे यांच्यावर वाघाचा हल्ला

सेलू तालुक्यातील रायपूर परिसरातील शेत शिवारातील घटनेने खळबळ

वनविभाग तसेच पोलीस विभागाचे अधिकारी, कर्मचारी घटनास्थळी दाखल

मनोज जरांगे पाटील यांच्या तब्येतीवर 24 तास वैद्यकीय पथकाची नजर

मनोज जरांगे पाटील यांच्या आरोग्यावर 24 तास वैद्यकीय पथकाची नजर

उपोषणाचा बारावा दिवस; प्रकृती सध्या स्थिर असल्याची माहिती

मंगळवारी सात सलाईन, आज आणखी एका सलाईनद्वारे उपचार

दीर्घ उपोषणामुळे होणाऱ्या संभाव्य धोक्यांची आरोग्य यंत्रणे कडून जरांगे पाटलांना देण्यात आली माहिती

रुग्णालयात दाखल होण्यास जरांगे पाटील यांची अद्याप संमती नाही.

जालना जिल्हा आरोग्य यंत्रणेची माहिती

विधानसभा अध्यक्ष राहुल नार्वेकर यांनी घेतली ज्येष्ठ समाजसेवक अण्णा हजारेंची भेट

विधानसभा अध्यक्ष राहुल नार्वेकर यांनी घेतली ज्येष्ठ समाजसेवक अण्णा हजारेंची भेट

बॉम्बे हॉस्पिटल मध्ये अण्णा हजारेंवर उपचार सुरु

राहुल नार्वेकर यांनी अण्णा हजारेंच्या तब्येतीची केली विचारपूस

अण्णा हजारेंनी लवकरच बरे होत समाजसेवेत दाखल होण्याच्या दिल्या शुभेच्छा

विद्यानंद बापट यांच्यावर हल्ला करणाऱ्या आरोपीचा जामीन अर्ज फेटाळला

पुण्यातील सामाजिक कार्यकर्ते विद्यानंद बापट यांच्यावर हल्ला करणाऱ्या आरोपीचा जामीन अर्ज कोर्टाने फेटाळला आहे. संतोष चव्हाण यांच्या जामीन अर्जावर कोर्टाने हा निर्णय दिला आहे. तपासाच्या प्राथमिक टप्प्यात आरोपीला सोडणे हे समाजासाठी घातक ठरू शकत असा प्राथमिक निष्कर्ष कोर्टाने काढला आहे. संतोष चव्हाण याच्यावर गंभीर गुन्हे आहेत असा पुरावा सरकारी वकिलांनी कोर्टात दिला आहे.

जळगाव : कृषी उत्पन्न बाजार समितीमध्ये लिलाव प्रक्रियेवरून व्यापारी आणि शेतकऱ्यांमध्ये गोंधळ

जळगाव कृषी उत्पन्न बाजार समितीमध्ये लिलाव प्रक्रियेवरून व्यापारी आणि शेतकऱ्यांमध्ये गोंधळ झाला. लिलाव प्रक्रिया लवकर सुरू करण्यावरून तसेच व्यापारी हे कमी रुपयांवरून लिलावाची बोली असा आरोप करत संतप्त शेतकऱ्यांनी लिलावाला नकार दिल्याने गोंधळ झाला.

परभणी : भ्रष्टाचारी अधिकाऱ्यांचे निलंबन करण्याच्या मागणीसाठी आंदोलन

परभणीच्या जिल्हा हिवताप कार्यालयामध्ये बोगस मजूर बोगस रुग्ण आणि बोगस आकडेवारीच्या माध्यमातून मोठा भ्रष्टाचार केल्याचा आरोप करत आज रिपब्लिकन युवा सेनेच्या वतीने परभणीच्या जिल्हा परिषद कार्यालयावर आंदोलन करण्यात आल आहे. यावेळी भ्रष्टाचार करणाऱ्या अधिकारी कर्मचाऱ्यांवर कडक कारवाई करून त्यांचं निलंबन करण्यात यावं अशी मागणी आंदोलनकर्त्यांकडून करण्यात आली आहे.

शक्तिपीठ महामार्गाविरोधात माढ्यात शेतकरी आक्रमक

मुख्यमंत्री देवेंद्र फडणवीस यांचा ड्रिम प्रोजेक्ट असलेल्या शक्तिपीठ महामार्गाविरोधात माढ्यात शेतकरी आक्रमक झाले आहेत. मोजणीसाठी आलेल्या अधिकार्यासमोरच धानोरे गावात शेतकरी महिलांनी घोषणाबाजी करुन मोजणीसाठी विरोध दर्शवला आहे. महिलाच्या आक्रमकतेपुढे मोजणी अधिकार्‍यांना रिकाम्या हाताने माघारी जावे लागले आहे. शक्तिपीठ रद्द करा, आम्हाला पैसे नको आहेत असं महिलांनी म्हटले.

रायगडातील लोणेरे उड्डाणपूल धोक्याच्या उंबरठ्यावर, नागरिकांचा आरोप

रायगड : रायगडातील लोणेरे उड्डाणपूल धोक्याच्या उंबरठ्यावर असल्याचे बोलले जात आहे. पुलावरील सिमेंट प्लेट्सना मोठ्या भेगा पडलेल्या आहेत. वारंवार तक्रारीनंतरही कायमस्वरूपी दुरुस्तीचा अभाव पाहायला मिळत आहे. मुंबई-गोवा महामार्गावरील लोणेरे उड्डाणपुलाची ही दुरवस्था झाली आहे.

ऐरोली उपविभागात अनधिकृत इमारतींमधील वीजचोरीविरोधात धडक कारवाई

नवी मुबंई : महावितरणच्या ऐरोली उपविभागात अनधिकृत इमारतींमधील वीजचोरीविरोधात धडक कारवाई करण्यात आली आहे. एका दिवसात १०५ ठिकाणी वीजचोरी आढळून आली आहे. विद्युत अधिनियम २००३ च्या कलम १३५ नुसार ७८ प्रकरणांत १,४३,०६३ युनिटची ३१.३१ लाखाची वीजचोरी झालेलं समोर आलं आहे.

उपमुख्यमंत्री एकनाथ शिंदे यांचे लंडनच्या हिथ्रो विमानतळावर जल्लोषात स्वागत

उपमुख्यमंत्री एकनाथ शिंदे यांचे लंडनच्या हिथ्रो विमानतळावर जल्लोषात स्वागत करण्यात आले आहे. विमानतळ परिसरात ढोल-ताशांच्या गजरात आणि ‘जय भवानी, जय शिवाजी’च्या घोषणा देण्यात आल्या आहेत. स्थानिक मराठी बांधवांकडून पारंपरिक वेशभूषेत शिंदेंचे जंगी स्वागत करण्यात आले आहे.

नंदनवन पोलिसांनी सराईत वाहन चोराला अटक

नंदनवन पोलिसांनी सराईत वाहन चोराला अटक केली असून सहा दुचाकीसह एकूण ५ लाख ४० हजार रुपयांचा मुद्देमाल जप्त केला आहे. आरोपीकडून तीन ई-रिक्षा, दोन ॲक्टिव्हा आणि एक मोटारसायकल जप्त करण्यात आले आहे.  नंदनवन आणि गणेशपेठमधील वाहन चोरीची सहा प्रकरणे उघडकीस आणली आहे.

गणेश विसर्जनाला ठाण्यात अवजड वाहनांना ‘प्रवेश बंद’

गणेशोत्सवाच्या काळात विसर्जन मिरवणुका आणि भाविकांची मोठी गर्दी लक्षात घेता वाहतूक कोंडी तसेच अनुचित घटना टाळण्यासाठी ठाणे शहरात अवजड वाहनांच्या वाहतुकीवर निर्बंध घालण्यात आले आहेत. ठाणे पोलीस आयुक्त आशुतोष डुंबरे आणि सह आयुक्त डॉ. ज्ञानेश्वर चव्हाण ह्यांनी मोटार वाहन कायद्यातील कलम ११५ व ११६ (१) अन्वये याबाबत शासनाची अधिसूचना जारी केली आहे.

प्रा.बोरसे यांचा मृत्यू मानसिक तणावामुळे – अपूर्व हिरे

प्रा.बोरसे यांचा मृत्यू मानसिक तणावामुळे झाल्याचा आरोप अपूर्व हिरे यांनी केला आहे. या संपूर्ण घटनेला शिक्षण विभाग जबाबदार असल्याचा गंभीर आरोप त्यांनी केला आहे. शिक्षकांना विविध कारणांनी त्रास देण्याच्या हेतूने शाळांची चौकशी सुरू असल्याचा आरोपही अपूर्व हिरे यांनी केला आहे.

कल्याणमध्ये डॉक्टरला मारहाण प्रकरण; 17 दिवसांनी आरोपीला अटक!

कल्याण पूर्वेतील भानुज्योत हॉस्पिटलमध्ये डॉक्टर योगेंद्र जयस्वाल यांना मारहाण प्रकरणी पोलिसांनी कारवाई केली आहे. रुग्णाला औषध कसे द्यायचे यावरून डॉक्टर आणि रुग्णाच्या मुलामध्ये वाद झाला होता. वादानंतर संतापलेल्या आरोपी विनीत देशमुख यांनी डॉक्टरांच्या केबिनमध्ये येऊन मारहाण केली होती. मारहाणीची संपूर्ण घटना CCTV कॅमेऱ्यात कैद झाल्यानंतर पोलीस ठाण्यात गुन्हा देखील दाखल करण्यात आला होता.मात्र 23 ऑगस्टच्या घटनेनंतर तब्बल 17 दिवसांनी आरोपी विनीत देशमुखला कोळसेवाडी पोलिसांनी बेड्या ठोकल्या आहेत.

 इगतपुरीच्या सॅक्रेड हार्ट चर्चमध्ये मारियम जन्मोत्सव भक्तीभावाने साजरा

इगतपुरीच्या सॅक्रेड हार्ट चर्चमध्ये मारियम जन्मोत्सव भक्तिभावाने साजरा करण्यात आला. या वेळी  विशेष प्रार्थना, पवित्र मिस्सा आणि स्तोत्रगायनाचे आयोजन करण्यात आले. चर्च परिसरात मदर मेरी यांच्या प्रतिमेची भक्तिभावपूर्ण मिरवणूक काढण्यात आली.

ठाण्यात विजेचा धक्का लागून 66 वर्षीय महिलेचा मृत्यू

ठाण्याच्या शास्त्री नगर परिसरात वाढदिवसाच्या सोहळ्याच्या तयारीदरम्यान झालेल्या कथित निष्काळजीपणामुळे एका महिलेचा बळी गेला. वाढदिवसाच्या पार्टीसाठी स्टेजला वीजपुरवठा करण्याकरिता रस्त्यावरील दिव्याच्या खांबावरून कथितरित्या बेकायदेशीर कनेक्शन घेण्यात आले होते. रस्त्यावर पडलेल्या जिवंत तारेच्या संपर्कात आल्याने विजेचा धक्का लागून 66 वर्षीय महिलेचा मृत्यू झाला.

कच्च्या तेलाच्या किमती प्रति बॅरल 100 डॉलरच्या पार

कच्च्या तेलाची किंमत प्रति बॅरल 100 डॉलरच्या वर गेली आहे. आज, 9 सप्टेंबर रोजी, आंतरराष्ट्रीय बाजारात ब्रेंट क्रूडच्या किमती 2.25% नी वाढल्या. अमेरिका आणि इराण यांच्यातील नव्याने निर्माण झालेल्या तणावामुळे हे घडले आहे. या दरवाढीपूर्वी, कच्च्या तेलाची किंमत प्रति बॅरल 98  डॉलर होती. यापूर्वी, 24 जुलै रोजी कच्च्या तेलाची किंमत प्रति बॅरल 100 डॉलरवर पोहोचली होती. जर कच्च्या तेलाच्या किमती वाढतच राहिल्या आणि प्रति बॅरल 110 डॉलरच्या वर गेल्या, तर पेट्रोल, डिझेल आणि एलपीजीच्या किमती वाढू शकतात.

जळगावमधील एका कार्यक्रमात मंत्री गुलाबराव पाटील यांनी डीजेबाबत आपबिती सांगितली

पुतण्याच्या लग्नात नाचलो, डीजेच्या आवाजामुळे मला एका कानाने चाळीस टक्के ऐकू येणे बंद झाले, असं जळगाव मधील एका कार्यक्रमात मंत्री गुलाबराव पाटील यांनी सांगितली आहे. मंत्री गुलाबराव पाटील यांचा हा व्हिडिओ सोशल मीडियावर व्हायरल झाला आहे. येत्या गणेशोत्सवात तरुणांनी डीजे लावला नाही तर चांगले होईल, असं आवाहन त्यांनी तरुणांना केलं आहे.

राष्ट्रवादी काँग्रेस पक्षाची देवगिरी बंगल्यावर महत्त्वपूर्ण बैठक

राष्ट्रवादी काँग्रेस पक्षाची देवगिरी बंगल्यावर महत्त्वपूर्ण बैठक सुरू आहे. 27 तारखेला नाशिक मध्ये होणाऱ्या अधिवेशना संदर्भात बैठक आहे.  येत्या 27 तारखेला राष्ट्रवादी काँग्रेस पक्षाचे अधिवेशन नाशिक मध्ये होणार आहे.  बैठकीत अधिवेशना संदर्भात होणार चर्चा होणार आहे. छगन भुजबळ ,दत्ता भरणे ,धनंजय मुंडे ,हसन मुश्रीफ देवगिरीवर दाखल झाले आहेत.

ऊस गाळप हंगाम 15 ऑक्टोबर 2026 पासून सुरू करण्यास मान्यता

ऊस गाळप हंगामाचे सन 2026-2027बाबत धोरण निश्चित करण्यासाठी मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह येथे मंत्री समितीची बैठक झाली. या बैठकीत यंदाचा ऊस गाळप हंगाम 15 ऑक्टोबर 2026 पासून सुरू करण्यास मान्यता देण्यात आली.

मंत्रिमंडळाच्या बैठकीत अनेक रेल्वे प्रकल्पांना मंजुरी

मंत्रिमंडळाच्या बैठकीत अनेक महत्त्वाचे निर्णय घेण्यात आले. सात उच्च-घनता रेल्वे कॉरिडॉरसह अनेक रेल्वे प्रकल्पांना मंजुरी देण्यात आली. याशिवाय, दिल्ली-मुंबई आणि मुंबई-चेन्नई दरम्यानच्या चार पदरी ट्रॅकनाही मंजुरी देण्यात आली

राष्ट्रवादी काँग्रेस पक्षाची थोड्याच वेळात कोअर कमिटीची बैठक

राष्ट्रवादी काँग्रेस पक्षाची थोड्याच वेळात कोअर कमिटीची बैठक होणार आहे.  उपमुख्यमंत्री सुनेत्रा पवार यांच्या देवगिरी या शासकीय निवासस्थानी ही बैठक पार पडणार आहे.  या बैठकीला सुनेत्रा पवार,पार्थ पवार,सुनील तटकरे,प्रफुल्ल पटेल,हसन मुश्रीफ,धनंजय मुंडे,छान भुजबळ हे नेतेमंडळी उपस्थित असतील.  पक्षातील संघटनात्मक कामांचा आढावा या बैठकीत घेतला जाणार आहे.

चांदवडमध्ये मराठा समाजाचे चक्काजाम आंदोलन

चांदवड (नाशिक) : चांदवडमध्ये मराठा समाजाचे चक्काजाम आंदोलन.  गणूर चौफुलीवर मराठा समाज बांधवांनी रास्ता रोको केला.  जरांगे पाटलांच्या उपोषणाला चांदवडमधून पाठिंबा दर्शवण्यात आला.  विश्रामगृहापासून मोर्चा काढत आंदोलक गणूर चौफुलीवर आंदोलन कर आलं.  मराठा आरक्षणाच्या मागणीसाठी आंदोलकांची जोरदार घोषणाबाजी.

जळगाव – डीजेच्या आवाजाने मला एका कानाने 40 टक्के ऐकू येणं बंद झालं – गुलाबराव पाटलांनी सांगितली आपबिती

पुतण्याच्या लग्नात नाचलो, डीजेच्या आवाजामुळे मला एका कानाने चाळीस टक्के ऐकू येणे बंद झालं असं म्हणत जळगाव मधील एका कार्यक्रमात मंत्री गुलाबराव पाटील यांनी आपबिती सांगितली.  त्यांचा हा व्हिडिओ सोशल मीडियावर व्हायरल झालाय.

येत्या गणेशोत्सवात तरुणांनी डीजे लावला नाही तर चांगलं होईल, असं आवाहनदेखील मंत्री गुलाबराव पाटील यांनी तरुणांना केलं.

बीड – ग्राहकाच्या तक्रारीनंतर क्वालिटी बेकरीवर अन्न भेसळ विभागाचा छापा, नमुने जप्त

बीड येथील अन्न भेसळ विभागाने माजलगावच्या क्वालिटी बेकरीवर छापा टाकला आहे. एका ग्राहकाच्या तक्रारीनंतर प्रशासनाने बेकरीची तातडीने तपासणी करून विविध खाद्यपदार्थांचे नमुने ताब्यात घेतले. हे नमुने तपासणीसाठी पाठवण्यात आले असून, प्रयोगशाळेचा अहवाल आल्यानंतर काही भेसळ किंवा गैरप्रकार निदर्शनास आल्यास बेकरी चालकावर कारवाई होणार.

नांदेड – मराठा उपसमितीचे अध्यक्ष तथा मंत्री राधाकृष्ण विखे पाटलांच बॅनर फाडलं

मराठा उपसमितीचे अध्यक्ष तथा मंत्री राधाकृष्ण विखे पाटलांच बॅनर फाडण्यात आलं. जरांगे यांचं समाधान होत नसेल तर माझ्याकडचे पर्याय संपले असं  वक्तव्य राधाकृष्ण विखे पाटलांनी केलं होतं. या वक्तव्यानंतर मराठा आंदोलक आक्रमक झाले.  हदगाव शहरात   एका कार्यक्रमानिमित्त बॅनर राधाकृष्ण विखे पाटलांचे  बॅनर लावण्यात आले होते. मात्र आंदोलनकांनी राधाकृष्ण विखे पाटील आणि सरकारच्या विरोधात जोरदार घोषणाबाजी करीत विखे पाटलांचं बॅनर फाडलं.

संजय राऊत यांचे शिष्टमंडळ आणि परिवहन विभागात बैठक सुरू

संजय राऊत यांचे शिष्टमंडळ आणि परिवहन विभागात बैठक सुरू आहे. आधी संजय राऊत हे प्रताप सरनाईक यांची भेट घेऊन चर्चा करणार होते. मात्र आता संजय राऊत यांनी त्यांचं शिष्टमंडळ पाठवलंय.  नाशिकमध्ये अनधिकृत बाईक टॅक्सी च्या मुद्द्यावर परिवहन विभागाच्या दालनात बैठक सुरू आहे

अंबड घनसावंगी रस्त्यावर ताड हदगाव फाट्यावर मराठा आंदोलकांचा रास्ता रोको आंदोलन

मराठा आंदोलक मनोज जरांगे पाटील यांच्या निर्णायक आमरण उपोषणाचा आजचा बारावा दिवस असून सरकार कडून कोणताही तोडगा निघत नसल्याचा आरोप करत ठीक ठिकाणी मराठा समाज बांधव आक्रमक होत आहे,जालना जिल्ह्यातील अंबड -घनसावंगी रस्त्यावर ताडहतगाव फाट्याजवळ मराठा आंदोलकांनी रास्ता रोको आंदोलन केलं आहे.मनोज जरांगे यांच्या उपोषणाचा आज बारावा दिवस आहे.त्यामुळे त्यांच्या उपोषणाला पाठिंबा देण्यासाठी आंदोलकांनी हा रास्ता रोको करत जरांगे यांच्या मागण्या सरकारने पूर्ण करण्याची मागणी केली आहे.

जरांगे पाटलांच्या समर्थनार्थ वडवणी शहरात रस्ता रोको आंदोलन

अंतरवाली सराटी येथील मनोज जरांगे पाटील यांच्या उपोषणाचा आज बारावा दिवस आहे. मात्र सरकार अद्यापही जरांगे पाटलांच्या मागण्यावर ठोस भूमिका घेत नाही. त्यामुळे मराठा बांधव आता रस्त्यावर उतरत आहेत. बीडच्या वडवणी शहरातील छत्रपती शिवाजी महाराज चौकातून जाणाऱ्या बीड-परळी राष्ट्रीय महामार्गावर सकल मराठा समाज बांधवांनी रास्ता रोको आंदोलन केलं. दोन तास रस्ता रोखून सरकार विरोधात जोरदार घोषणाबाजी केली. जरांगे पाटील यांच्या मागण्या तात्काळ मान्य करा अन्यथा तीव्र स्वरूपाचे आंदोलन करू असा इशाराही यावेळी सकल मराठा समाज बांधवांनी सरकारला दिला.

पावसाअभावी पिकं करपली, हेक्टरी 50 हजारांची मदत करा

नांदेड जिल्ह्यात पावसाअभावी पिकं करपली. संतप्त झालेल्या शेतकऱ्याने वाळलेल्या सोयाबीनला आग लावली. हदगाव तालुक्यातील ल्याहरी आणि उमरी शिवरातील घटना घडली. विकास वाठोरे या शेतकऱ्याने सोयाबीन पेटवून दिले. कागद काळे न करता तात्काळ शेतकर्‍यांना हेक्टरी 50 हजार रुपयाच मदत देण्याची मागणी केली. हतबलं शेतकऱ्याचा आक्रमक पवित्रा दिसून आला.

एकेरी उल्लेख कोणालाच रुचला नाही- मंत्री शंभुराज देसाई

मंत्रिमंडळ उपसमिती आहे, मंत्री राधाकृष्ण विखे पाटील यांनी भूमिका स्पष्ट केली आहे. मराठा आरक्षण बाबत जरांगे यांची मागणी समजून घेतली पाहिजे मुख्यमंत्री यांचे प्रतिनिधी म्हणून मी आंतरवली सराठी येथे गेलो होतो. हैदराबाद गॅझेटसाठी खूप प्रयत्न केले. स्कॅन कॉपी आणल्या. शिंदे समितीकडे त्या कॉपी दिल्या. साडेचार लाख लोकांनी कुणबी प्रमाणपत्र घेतले आहे. अण्णासाहेब पाटील महामंडळ व्याज परतावा तरतूद १ हजार कोटी नेली, वसतिगृह, परदेशी शिक्षण सवलती दिल्यात. गेल्या दोन दिवसांपूर्वी एकनाथ शिंदे, फडणवीस यांच्याबाबत एकेरी उल्लेख कोणाला रुचला नाही, असे मंत्री शंभुराज देसाई म्हणाले.

ओबीसींवर अन्याय होणार नाही ही भूमिका

ओबीसींवर अन्याय होणार नाही ही भूमिका सरकारची असल्याचे मंत्री उदय सामंत यांनी सांगितले. मनोज जरांगे पाटील हे गैरसमज पसरवत आहेत. मध्यला काळात आलेल्या सरकारला आरक्षण टिकवता आलेले नाही. मराठ्यांच्या वाट्याचं मराठ्यांना मिळावं ही आमची भूमिका आहे. आमच्या नेत्यांना कोणीही वाईट बोलू नये, अशी आमची विनंती असल्याचे मंत्री उदय सामंत म्हणाले.

मराठ्यांच्या वाट्याचं मराठ्यांना द्यावं ही भूमिका – उदय सामंत

मराठ्यांच्या वाट्याचं मराठ्यांना द्यावं ही सरकारची भूमिका आहे, असे मंत्री उदय सामंत म्हणाले. प्रमाणपत्र दिली जात नाही, असे पसरवलं जात आहे, असे मंत्री उदय सामंत म्हणाले. जरांगे यांचे गैरसमज दूर व्हावेत ही आमची भूमिका आहे, असे सामंत म्हणाले.

केवळ 548 जणांना कुणबी प्रमाणपत्र नाकारले

मराठवाड्यात 3 लाख 16 हजार कुणबी प्रमाणपत्र वाटप केले. तर 548 अर्ज नाकारण्यात आले. 21 हजारांपैकी 16 हजार 110 जात पडताळणी प्रमाणपत्र देण्यात आली आहेत. अधिकारी जात पडताळणी दाखला देत नसल्याचा आरोप खोटा आहे, असे मंत्री उदय सामंत म्हणाले.

डीजेविरोधात सदाभाऊ खोत, गोपीचंद पडळकर रस्त्यावर

सांगलीतील मारुती चौकामध्ये डॉल्बी आणि डीजे विरोधात भाजप आमदार गोपीचंद पडळकर आमदार सदाभाऊ खोत आणि पैलवान पृथ्वीराज पवार हे पारंपरिक वाद्यावर लेझीम खेळले

भंडाऱ्यात आमदार रोहित पवारांचा मोर्चा

राष्ट्रवादी शरदचंद्र पवार पक्षाचे नेते आमदार रोहित पवार यांनी भंडारा जिल्ह्यातील मोहाडी मध्ये शेतकऱ्यांच्या धानाच्या बोनसच्या मागणी करिता आणि विद्यार्थ्यांच्या प्रश्ना करिता भव्य मोर्चा काढला आहे.

ठाकरेंचा पक्ष असंवैधानिक पद्धतीने फोडला- रोहित पवार

ठाकरेंचा पक्ष असंवैधानिक पद्धतीने फोडला. संविधानाला मानणारा अध्यक्ष तिथे असावा, असं म्हणत रोहित पवार यांनी राहुल नार्वेकर यांच्यावर टीका केली.

राज्यमंत्री आशिष जयस्वाल कोकण दौऱ्यावर, कॅबिनेटमंत्री भरत गोगावलेही उपस्थित

राज्यमंत्री आशिष जयस्वाल कोकण दौऱ्यावर असून कॅबिनेटमंत्री भरत गोगावलेही उपस्थित आहेत. दापोलीत 54व्या संयुक्त कृषी शिक्षण आणि संशोधन विकास समितीच्या बैठकीचं उद्घाटन केलं. कृषी विद्यापीठातील विद्यार्थिनींशी संवाद साधला. कृषी शिक्षण आणि संशोधनाला चालना देण्याची ग्वाही सरकारने दिली.

उपमुख्यमंत्री एकनाथ शिंदेंवरची टीका कुणालाही पटलेली नाही- शंभुराज देसाई

उपमुख्यमंत्री एकनाथ शिंदेंवरची टीका कुणालाही पटलेली नाही. मनोज जरांगेंच्या मागण्या शिंदे-फडणवीसांनी पूर्ण केल्या. जरांगेंची शिंदेंवरची भाषा चुकीची आहे. जरांगेंना दादा म्हणतो, त्यांनी शिंदेंवर टीका करू नये, असं शंभूराज देसाई म्हणाले.

मराठा आरक्षणाच्या मागणीसाठी मराठा बांधव आक्रमक; उमरग्यात तहसीलदारांची खुर्ची जाळली

मराठा आरक्षणाच्या मागणीसाठी मराठा बांधव आक्रमक झाले आहेत. धाराशिव जिल्ह्यात मराठा आरक्षणाच्या मागणीवरून आंदोलन चांगलंच पेटलं आहे. उमरगा इथं मराठा बांधवांनी आक्रमक आंदोलन करत तहसीलदारांच्या खुर्चीला आग लावली. आरक्षणाच्या मागणीसह विविध मागण्यांसाठी आंदोलन करण्यात आलं. यावेळी आंदोलकांनी सरकारविरोधात जोरदार घोषणाबाजी करत संताप व्यक्त केला.

अमरावतीमधल्या वाघिणीच्या मृत्यूप्रकरणी शवविच्छेदन अहवाल समोर

अमरावतीमधल्या वाघिणीच्या मृत्यूप्रकरणी शवविच्छेदन अहवाल समोर आला आहे. वाघिणीवर मोर्शीमधील जेनित स्कूलमध्ये उपचार सुरू होते. हृदय आणि श्वासोच्छवास बंद पडल्याने मृत्यू झाल्याचा अंदाज आहे. अमरावतीत जेरबंद केलेल्या वाघिणीचा उपचारादरम्यान मृत्यू झाला होता. बेशुद्धीच्या हायडोसमुळे वाघिणीचा मृत्यू झाल्याची चर्चा आहे.

मुंबईत सुरू असलेल्या ग्लोबल फिनटेक फेस्ट 2026 ला मुख्यमंत्री देवेंद्र फडणवीस यांची उपस्थिती…

मुंबईतील जिओ वर्ल्ड सेंटर, बीकेसी येथे 8 ते 11 सप्टेंबरदरम्यान फिनटेक फेस्टचे आयोजन करण्यात आलं. आज 9 सप्टेंबर रोजी सकाळच्या उद्घाटन सत्रात मुख्यमंत्री देवेंद्र फडणवीस Guest of Honour म्हणून उपस्थित राहणार आहेत.  आर्टिफिशियल इंटेलिजन्स, टोकनायझेशन आणि क्वांटम तंत्रज्ञान या विषयांवर फिनटेक क्षेत्रातील दिग्गजांची चर्चा होणार .  या फेस्टमध्ये पंतप्रधान नरेंद्र मोदी यांच्यासह देश-विदेशातील धोरणकर्ते, नियामक आणि उद्योग क्षेत्रातील मान्यवर सहभागी झाले आहेत.

३२ दिवसांचा पावसाचा खंड… सोयाबीन वाळले… आणि अखेर शेतकऱ्याने उभे पीकच पेटवून दिले!

धाराशिव जिल्ह्यात ३२ दिवसांपासून पावसाचा खंड असल्याने सोयाबीन पिकाची अवस्था गंभीर झाली आहे. पावसाअभावी शेतातील सोयाबीन पूर्णपणे वाळून गेल्याने भूम तालुक्यातील ईट येथील शेतकरी शंभूराज देशमुख यांनी संताप व्यक्त करत शेतातील सोयाबीन पेटवून दिले. “मंत्री महोदय, आमच्याकडे लक्ष द्या” अशी आर्त हाक देत शेतकऱ्याने सरकारचे लक्ष वेधले. पावसाअभावी हातातोंडाशी आलेले पीक डोळ्यांसमोर नष्ट होत असल्याने शेतकऱ्यांमध्ये मोठी चिंता आणि संतापाचे वातावरण आहे.

छत्रपती संभाजीनगरच्या स्मार्ट सिटी कार्यालयात बैठकीला सुरुवात

छत्रपती संभाजीनगरच्या स्मार्ट सिटी कार्यालयात बैठकीला सुरुवात झाली आहे.  सरकारचे शिष्टमंडळ, माजी न्यायमूर्ती शिंदे  समिती आणि मराठा आरक्षण अभ्यासक बैठकीला उपस्थित आहेत. कुणबी नोंदी, हैदराबाद गॅझेटनुसार मिळालेल्या कुणबी नोंदींवर  चर्चा होणार. नोंदी मिळाल्यानंतर कुणबी प्रमाणपत्र काढताना येणाऱ्या अडचणींवरही बैठकीत चर्चा होणार…

जगांगेंनी उपोषण सोडावं, आपण चर्चेतून प्रश्न सोडवू – नरेश म्हस्के

जगांगेंनी उपोषण सोडावं, आपण चर्चेतून प्रश्न सोडवू… असं नरेश म्हस्के म्हणाले. एवढंच नाही तर, उद्धव ठाकरे यांनी वाघासारखं वागायची संधी दिलेली, ते वाघ नाहीत. उद्धव ठाकरे धनुष्यबाण द्या म्हणत नाही तर, गोठवा असं म्हणत आहेत. असं देखील नरेश म्हस्के म्हणाले.

अमरावतीच्या मोर्शी आणि चांदूरबाजार तालुक्यामधील दहशत निर्माण करणाऱ्या वाघिणीच्या मृत्यूचे प्रकरण

अमरावतीच्या मोर्शी आणि चांदूरबाजार तालुक्यामधील दहशत निर्माण करणाऱ्या वाघिणीच्या मृत्यूचे प्रकरणी माहिती समोर आली आहे. मृत वाघिणीचे परतवाड्यात शवविच्छेदन; बेशुद्धीच्या हायडोजने मृत्य झाल्याची चर्चा सुरु आहे. परतवाडा येथील ट्रांझिट ट्रीटमेंट सेंटरमध्ये वरिष्ठ वनाधिकाऱ्यांच्या उपस्थितीत वाघिणीचे शवविच्छेदन करण्यात आले होते. प्राथमिक अहवालानुसार हृदय व श्वासोच्छवास बंद पडल्याने तिचा मृत्यू झाल्याचा अंदाज आहे. मात्र वाघिणीला बेशुद्ध करण्यासाठी दोन डार्ट देण्यात आले होते. पहिला डार्ट दिल्यानंतरही ती अपेक्षित कालावधीत बेशुद्ध न झाल्याने दुसरा डार्ट देण्यात आला. डार्ट मारण्यापूर्वी त्यात 1.5 ऐवजी 3.5 औषध भरले गेले का.?या प्रकरणाची चौकशी व्हावी अशी दबक्या आवाजात चर्चा सुरू होती.

नांदेड -नागपूर महामार्गांवर सकल मराठा समाजाचा रस्तारोको सुरु

नांदेड -नागपूर महामार्गांवर सकल मराठा समाजाचा रस्तारोको सुरु आहे.  हदगाव तालुक्यातील बरडशेवाळा येथे रस्तारोकोला सुरुवात झाली आहे.  दोन्ही बाजू कडील महामार्ग आंदोलकांनी अडवला आहे,  मनोज जरांगे पाटलांच्या मागण्या मान्य करण्याच्या मागणीसाठी रस्तारोको आंदोलन करण्यात आला.  सरकार आणि राधाकृष्ण विखे पाटलांच्या निषेधार्थ आंदोलकांनी घोषणाबाजी केली.

श्रीगोंदा तालुक्यात शेतकऱ्याला जमावाकडून अमानुष मारहाण केल्याचा धक्कादायक प्रकार

श्रीगोंदा तालुक्यात शेतकऱ्याला जमावाकडून अमानुष मारहाण केल्याचा धक्कादायक प्रकार. टाकळी लोणार-पिसोरे खांड रस्त्यावर शेतकरी विजय शेळके आणि वाहनचालक महेश जाधव यांना मारहाण. काठ्या आणि लोखंडी टामीने मारहाण केल्याचा फिर्यादीत आरोप. खिशातील 21 हजार रुपये बळजबरीने काढून घेतल्याचाही आरोप. कपडे काढून बाटलीत लघवी करून पाजल्याचा आणि व्हिडिओ काढल्याचा गंभीर आरोप. गोरक्षक प्रतिक पाचपुतेसह दोन अनोळखी आणि 10 ते 15 जणांविरोधात गुन्हा दाखल. श्रीगोंदा पोलिसांकडून तपास सुरू; अद्याप कोणालाही अटक नाही

जळगावात घटस्फोटीत महिलेचे आक्षेपार्ह फोटो व्हायरल करून बदनामी केल्याचा प्रकार समोर

जळगावात घटस्फोटीत महिलेचे आक्षेपार्ह फोटो व्हायरल करून बदनामी केल्याचा प्रकार समोर. याप्रकरणी महिलेच्या फिर्यादीवरून शनिपेठ पोलिस ठाण्यात अज्ञाताविरुद्ध गुन्हा दाखल करण्यात आला आहे. एका घटस्फोटीत महिलेचे फोटो एका जणाने तिच्या नातेवाईकांना पाठविले.यातून महिलेची बदनामी करण्यासह तिला मानसिक त्रास देण्यात आल्याचे तक्रारीत नमूद

अमरावती वाघ असल्याचे फेक फोटो तयार करून सोशल मीडियावर व्हायरल

अमरावती जिल्ह्यातील तिवसा तालुक्यातील आखतवाडा परिसरामध्ये वाघ असल्याचे फेक फोटो तयार करून सोशल मीडियावर व्हायरल… AI च्या माध्यमातून फेक फोटो तयार करून व्हायरल करणाऱ्यांवर कायदेशीर कारवाई करण्याचा वन विभागाचा इशारा…काल काही व्हाट्सअप ग्रुपवर आखंतवाडा परिसरात वाघ दिसल्याचे फोटो झाले होते व्हायरल…त्यामुळे नागरिकांमध्ये भीतीचे वातावरण निर्माण झाले आता वनविभागाने फेक फोटो व्हायरल करणाऱ्यांवर कारवाईचा इशारा दिला आहे. पुन्हा प्रकार घडल्यास कायदेशीर कारवाईचा वन विभागाचा इशारा. अफवांवर विश्वास न ठेवता अधिकृत माहितीवरच विश्वास ठेवण्याचे ग्रामपंचायतीचे आवाहन.

MPSC पेपर फुटी विरोधात नाशिक मध्ये आंदोलन

MPSC पेपर फुटी विरोधात नाशिक मध्ये आंदोलन. नाशिकच्या जिल्हाधिकारी कार्यालयासमोर MPSC विद्यार्थ्यांचे आंदोलन सुरू.  घोषणाबाजी करत केला पेपर फुटीचा निषेध. जिल्हाधिकारी कार्यालयाबाहेर पोलिसांचा मोठा बंदोबस्त

महाराष्ट्र दुष्काळात होरपळतोय, सत्कार स्वीकारायला जाणं कितपत योग्य? एकनाथ शिंदे यांच्यावर रोहित पवारांचा सवाल

एकनाथ शिंदे यांच्या लंडन दौऱ्यावर रोहित पवार म्हणाले की, “महाराष्ट्र दुष्काळात होरपळतोय, सत्कार स्वीकारायला जाणं कितपत योग्य?; रोहित पवारांचा सवाल. ब्रिटनच्या संसदेत एकनाथ शिंदे यांचा गौरव होणार असून, त्याकरिता ते दोन दिवसांच्या ब्रिटन दौऱ्यावर जात आहेत. ब्रिटन सरकारकडून महाराष्ट्राचे उपमुख्यमंत्री एकनाथ शिंदे यांना बळ दिले जात असून, या माध्यमातून उद्या महाराष्ट्राचे मुख्यमंत्रिपद बदलणार असल्याचा सूचक संदेश प्रत्यक्ष-अप्रत्यक्षपणे दिला जात आहे का, असा सवाल उपस्थित केला आहे. एकीकडे महाराष्ट्रात महायुती सरकार कसे काम करते हे सर्वज्ञात असताना आणि महाराष्ट्र दुष्काळात होरपळत असताना, तसेच अनेक सामाजिक प्रश्न प्रलंबित असताना दुसऱ्या देशाकडून असा सत्कार स्वीकारण्यास जाणे योग्य आहे का?  या दौऱ्याच्या माध्यमातून एकनाथ शिंदे हे मित्रपक्षाला किंवा देवेंद्र फडणवीस यांना काही राजकीय संदेश देत आहेत का, असा प्रश्न या निमित्ताने निर्माण होत असल्याचे त्यांनी म्हटले आहे.

विद्यार्थ्यांच्या फी सवलतीच्या मागणीसाठी महाराष्ट्रात लवकरच मोठे आंदोलन – रोहित पवार

दुष्काळग्रस्त परिस्थिती आणि विद्यार्थ्यांच्या फी सवलतीच्या मागणीसाठी महाराष्ट्रात लवकरच मोठे आंदोलन छेडणार असं रोहित पवार म्हणाले. महाराष्ट्रात सरासरी पाऊस ३५ ते ४० टक्क्यांनी कमी झाला आहे. मराठवाड्यात ६०% तर विदर्भात ४५ ते ५०% पाऊस कमी झाला आहे. सरकार ऑक्टोबर महिन्यात गळीत हंगाम सुरू करण्याच्या हालचाली करत आहे, मात्र दुष्काळ आणि पिकांच्या नुकसानाबाबत सरकार कोणतीही हमीभावाची घोषणा करत नाही. इलेक्शनच्या आधी ३०० रुपयांचा बोनस आणि हेक्टरी २५,००० रुपये देण्याचे आश्वासन दिले होते, मात्र सत्तेवर आल्यावर सरकार शेतकऱ्यांना विसरले असून धानाच्या बोनसचा साधा शब्दही काढत नाही.  सरकारने शेतकऱ्यांना सरसकट कर्जमुक्त करावे, ज्या भागात १० टक्क्यांपेक्षा जास्त पाऊस कमी पडला तिथे दुष्काळ जाहीर करावा आणि हेक्टरी ५०,००० रुपये मदत द्यावी. राज्यातील शिकण्यासाठी बाहेर जाणाऱ्या विद्यार्थ्यांच्या फीमध्ये सरकारने सवलत दिली पाहिजे. शेतकऱ्यांच्या भावना समजून घेऊन सरकारवर दबाव आणण्यासाठी येत्या महिन्यात महाराष्ट्रात मोठे आंदोलन छेडले जाईल.

धुळे जिल्ह्यात ३५ दिवसांपासून पावसाची दडी; खरीप पिके धोक्यात!

धुळे जिल्ह्यात ३५ दिवसांपासून पावसाची दडी; खरीप पिके धोक्यात! ▪️ पावसाअभावी शेतकऱ्यांच्या चिंतेत मोठी वाढ ▪️ पिकांसाठी केलेला लाखो रुपयांचा खर्च वाया जाण्याची भीती ▪️ पाऊस नसल्याने कपाशी, मका आणि इतर खरीप पिकांवर रोगराईचा प्रादुर्भाव ▪️ पिकांची वाढ खुंटल्याने उत्पादनात मोठी घट होण्याची शक्यता ▪️ आता पाऊस झाला तरी अपेक्षित उत्पन्न मिळणार नसल्याची शेतकऱ्यांची चिंता ▪️ ३५ दिवसांपासून पाऊस नसताना अद्याप पंचनामे झाले नसल्याची शेतकऱ्यांची तक्रार ▪️ शासकीय अधिकाऱ्यांनी तातडीने शेतकऱ्यांच्या बांधावर जाऊन पाहणी करण्याची मागणी ▪️ पिकांचे पंचनामे करून नुकसानभरपाई जाहीर करण्याची शेतकऱ्यांची मागणी ▪️ पावसाअभावी हातातोंडाशी आलेला घास जाण्याची भीती; शासनाच्या मदतीकडे शेतकऱ्यांचे लक्ष

मुंबईत सुरू असलेल्या ग्लोबल फिनटेक फेस्ट 2026 ला मुख्यमंत्री देवेंद्र फडणवीस यांची उपस्थिती

मुंबईत सुरू असलेल्या ग्लोबल फिनटेक फेस्ट 2026 ला मुख्यमंत्री देवेंद्र फडणवीस यांची उपस्थिती… * मुंबईतील जिओ वर्ल्ड सेंटर, बीकेसी येथे 8 ते 11 सप्टेंबरदरम्यान फिनटेक फेस्टचे आयोजन. * आज 9 सप्टेंबर रोजी सकाळच्या उद्घाटन सत्रात मुख्यमंत्री देवेंद्र फडणवीस Guest of Honour म्हणून उपस्थित. * आर्टिफिशियल इंटेलिजन्स, टोकनायझेशन आणि क्वांटम तंत्रज्ञान या विषयांवर फिनटेक क्षेत्रातील दिग्गजांची होणार चर्चा. * या फेस्टमध्ये पंतप्रधान नरेंद्र मोदी यांच्यासह देश-विदेशातील धोरणकर्ते, नियामक आणि उद्योग क्षेत्रातील मान्यवर सहभागी झाले आहेत.

चिंबळी फाटा येथील प्लास्टिकच्या कारखान्याला लागली भीषण आग

चिंबळी फाटा येथील प्लास्टिकच्या कारखान्याला लागली भीषण आग. पिंपरी चिंचवड शहरातील चिंबळी फाट्या जवळ असलेल्या पॉलीमार्क या प्लास्टिकच्या कारखान्याला काही वेळापूर्वी भीषण आग लागली आहे. आग लागल्यानंतर काही खाजगी वॉटर टँकर आणि पिंपरी चिंचवड महापालिकेच्या अग्निशमन दलाने आग आटोक्यात आणली असून कुलिंग चे काम सुरू आहे. अग्निशमन दलाचे जवळपास दहा-बारा अग्निशमन विरोधी बंब घटनास्थळी दाखल होत ही आग आटोक्यात आणली. मात्र कारखान्याला आग कशामुळे लागली हे अद्याप समजू शकलो नाही.

नांदेड -नागपूर महामार्गांवर सकल मराठा समाजाचा रस्तारोको सुरु

नांदेड -नागपूर महामार्गांवर सकल मराठा समाजाचा रस्तारोको सुरु. हदगाव तालुक्यातील बरडशेवाळा येथे रस्तारोकोला सुरुवात. दोन्ही बाजू कडील महामार्ग आंदोलकांनी अडवला. मनोज जरांगे पाटलांच्या मागण्या मान्य करण्याच्या मागणीसाठी रस्तारोको आंदोलन. सरकार आणि राधाकृष्ण विखे पाटलांच्या निषेधार्थ आंदोलकांची घोषणाबाजी. पोलिसांचा ही चोख बंदोबस्त

अमरावतीच्या मोर्शी आणि चांदूरबाजारमधील दहशत निर्माण करणाऱ्या वाघिणीच्या मृत्यूचे प्रकरण

अमरावतीच्या मोर्शी आणि चांदूरबाजार तालुक्यामधील दहशत निर्माण करणाऱ्या वाघिणीच्या मृत्यूचे प्रकरण. मृत वाघिणीचे परतवाड्यात शवविच्छेदन; बेशुद्धीच्या हायडोजने मृत्य झाल्याची चर्चा….परतवाडा येथील ट्रांझिट ट्रीटमेंट सेंटरमध्ये वरिष्ठ वनाधिकाऱ्यांच्या उपस्थितीत वाघिणीचे शवविच्छेदन करण्यात आले होते. प्राथमिक अहवालानुसार हृदय व श्वासोच्छवास बंद पडल्याने तिचा मृत्यू झाल्याचा अंदाज आहे. मात्र वाघिणीला बेशुद्ध करण्यासाठी दोन डार्ट देण्यात आले होते. पहिला डार्ट दिल्यानंतरही ती अपेक्षित कालावधीत बेशुद्ध न झाल्याने दुसरा डार्ट देण्यात आला. डार्ट मारण्यापूर्वी त्यात 1.5 ऐवजी 3.5 औषध भरले गेले का.?या प्रकरणाची चौकशी व्हावी अशी दबक्या आवाजात चर्चा सुरू होती.

सरकारचे शिष्टमंडळ, माजी न्यायमूर्ती शिंदे समिती आणि मराठा आरक्षण अभ्यासकांची आज बैठक

सरकारचे शिष्टमंडळ, माजी न्यायमूर्ती शिंदे समिती आणि मराठा आरक्षण अभ्यासकांची आज बैठक. स्मार्ट सिटी कार्यालयाला पोलिस छावणीचे स्वरूप, गडा बंदोबस्त. हैदराबाद गॅझेटनुसार मिळालेल्या कुणबी नोंदी आणि प्रमाणपत्र काढताना येणाऱ्या अडचणींवर होणार चर्चा. मनोज जरांगे पाटील यांच्या उपोषणाच्या पार्श्वभूमीवर बैठकीला विशेष महत्त्व. बैठकीनंतर जरांगे पाटील यांचे समाधान होणार का? उपोषण मागे घेणार का? याकडे महाराष्ट्राचे लक्ष

नंदुरबारात पावसाअभावी बळीराजा संकटात

नंदुरबारात पावसाअभावी बळीराजा संकटात; पोळ्याच्या तोंडावर शेतकऱ्यांच्या चिंतेत वाढ….तीन महिन्यांत पावसाचे वारंवार खंड; शेती पिकांची वाढ खुंटली…. कष्टाने उभी केलेली पिकं पावसाअभावी करपण्याच्या मार्गावर….डोळ्यासमोर पीक करपत असल्याने बळीराजावर मोठे संकट….तब्बल ३० हजार हेक्टर क्षेत्रावरील कापूस लागवड घातली….पावसाअभावी कापसाची वाढ खुंटली; उत्पादनावर परिणाम होण्याची भीती….पिकाला भाव मिळणार का.? शेतकऱ्यांसमोर आर्थिक संकटाचीही चिंता…. सुखाच्या पोळ्यावर बळीराजाच्या डोळ्यात चिंता; शासनाच्या मदतीची अपेक्षा….

मनोज जरांगे पाटील यांच्या समर्थनार्थ सोलापुरात मराठा बांधवांचे शोले स्टाईल आंदोलन

मनोज जरांगे पाटील यांच्या समर्थनार्थ सोलापुरात मराठा बांधवांचे शोले स्टाईल आंदोलन. सोलापूर विद्यापीठा समोरील पाण्याच्या टाकीवर चढून मराठा समाजातील युवकांचे आंदोलन. मनोज जरांगे पाटील यांच्या आंदोलनाची दखल सरकारने तत्काळ घ्यावी या मागणीसाठी आंदोलन. कोंडी गावातील हद्दीत असलेल्या पाण्याच्या टाकीवर चढून आंदोलन सुरू

17 वर्षांपासून गाजणाऱ्या वसंत डावखरे मानहानी खटल्याचा आज निकाल

17 वर्षांपासून गाजणाऱ्या वसंत डावखरे मानहानी खटल्याचा आज निकाल; उद्धव ठाकरे-एकनाथ शिंदेंना दिलासा की धक्का?

▪️ 2009 च्या कथित CD प्रकरणी दिवंगत नेते वसंत डावखरे यांनी दाखल केलेल्या मानहानी खटल्याचा आज कल्याण न्यायालयात निकाल अपेक्षित.

▪️ तब्बल 17 वर्षे चाललेल्या या खटल्यात तक्रारदार पक्षाकडून 17 साक्षीदारांचे जबाब नोंदवण्यात आले असून पोलिस अधिकारी व तपासी अधिकाऱ्यांचीही साक्ष झाली आहे.

▪️ उद्धव ठाकरे आणि एकनाथ शिंदे यांनी व्हिडिओ कॉन्फरन्सिंगद्वारे (VC) आपले जबाब नोंदवले होते, तर कलम 313 अंतर्गत सर्व आरोपींची प्रक्रिया पूर्ण झाली आहे.

▪️ तक्रार दाखल होण्यापूर्वीच पोलिसांनी साक्षी नोंदवल्याचा दावा, कथित CD आणि फॉरेन्सिक अहवालातील विसंगती यावर बचाव पक्षाने गंभीर प्रश्न उपस्थित केले आहेत.

▪️ उद्धव ठाकरे, एकनाथ शिंदे, आनंद परांजपे आणि रमाकांत देवळेकर यांचा कथित प्रकरणाशी थेट संबंध असल्याचा कोणताही ठोस पुरावा नसल्याचा बचाव पक्षाचा दावा.

▪️ सकाळी 11 वाजल्यानंतर न्यायालयीन कामकाज सुरू झाल्यावर निकाल जाहीर होण्याची शक्यता; अन्यथा सुनावणी 23 सप्टेंबरपर्यंत पुढे जाणार का, याकडे राजकीय वर्तुळाचे लक्ष.

उपमुख्यमंत्री एकनाथ शिंदे लंडन दौऱ्यावर

उपमुख्यमंत्री एकनाथ शिंदे हे सध्या ब्रिटिश एयरवेजचा विमानात असून त्यांची फ्लाईट वेळेत असल्याची माहीती. ते पुरस्कार सोहळ्यासाठी लंडनला गेले आहेत. त्यांचे ओएसडी आणि फोटोग्राफर यांची फ्लाईट डायव्हर्ट करण्यात आली आहे.

डिंभे धरण ते माणिकडोह धरण बोगद्याला दिलेली मंजुरी रद्द करा- सुनेत्रा पवार

उत्तर पुणे जिल्ह्यातील शेतकऱ्यांचा तीव्र विरोध असतानाही डिंभे-माणिकडोह या दोन धरणांना जोडणाऱ्या बोगद्याला राज्य मंत्रिमंडळाने मंजुरी दिल्याने शेतकऱ्यांमध्ये संतापाची भावना आहे. या निर्णयाच्या विरोधात आंबेगावचे आमदार तथा माजी सहकार मंत्री दिलीप वळसे पाटील व उपमुख्यमंत्री सुनेत्रा पवार यांनी मुख्यमंत्री देवेंद्र फडणवीस यांची भेट घेत बोगद्याची मंजुरी रद्द करण्याची लेखी मागणी केली आहे.

गणेशोत्सवाच्या पार्श्वभूमीवर मुंबई-गोवा महामार्गावर अवजड वाहनांना बंदी!

गणेशोत्सवाच्या पार्श्वभूमीवर मुंबई-गोवा महामार्गावर अवजड वाहनांना बंदी घालण्यात आली आहे. 11 ते 15 सप्टेंबर अवजड वाहनांची वाहतूक बंद राहणार आहे. गणेशभक्तांचा प्रवास सुरळीत करण्यासाठी निर्णय घेण्यात आला आहे.

अमृता फडणवीस यांच्या भूमिकेचे स्वागत करतो- संजय राऊत

अमृता फडणवीस यांच्या भूमिकेचे स्वागत करतो. अमृता वहिनींनी फडणविसांचे काऊंसलिंग केले पाहिजे असे खासदार संजय राऊत यांनी म्हटले आहे.

मुस्लिम व्यक्ती गरब्यात आली आणि नीट आनंद घेऊन गेली तर गैर नाही- अमृता फडणवीस

‘आपला उत्सव सर्वांचा समावेश करतो, एखादा मुस्लिम व्यक्ती जर गरब्यात येत असेल आणि नीट आनंद घेऊन जात असेल तर त्यात काही गैर वाटत नाही,’ असे अमृता फडणवीस यांनी म्हटले

नंदुरबार जिल्ह्यात स्थलांतराला सुरुवात; रोजगाराच्या शोधात कुटुंबांचा महाराष्ट्र-गुजरातकडे मोर्चा.

स्थलांतर रोखण्यासाठी प्रशासनाचे प्रयत्न; नरेगातून १२ हजार मजुरांना रोजगार. स्थलांतरितांना शासकीय योजनांचा लाभ मिळतोय का? लतिका राजपूत यांचा प्रशासनाला सवाल. नंदुरबार जिल्ह्यात मोठ्या प्रमाणावर स्थलांतराला सुरुवात झाली आहे. स्थलांतर कमी करण्यासाठी प्रशासनाकडून विविध उपाययोजना करण्यात येत असल्या, तरी त्या प्रभावी ठरत नसल्यामुळे जिल्ह्यातील स्थलांतराचा प्रश्न कायम आहे.

पावसाअभावी सोयाबीनचे पीक जळाले; शेतकऱ्यांनी उभ्या पिकावर फिरवला ट्रॅक्टर

सरकारने शेतकऱ्यांना आर्थिक मदत केली पाहिजे व बीड जिल्ह्यात दुष्काळ जाहीर करावा अशी मागणी शेतकऱ्यांनी केली आहे. परळी तालुक्यात गेल्या दीड महिन्यापासून पाऊस नसल्याने खरीप हंगामातील सोयाबीनचे उभे पीक अक्षरशः जळून गेले आहे. पिकातून उत्पन्न मिळण्याची कोणतीही आशा उरली नसल्याने काही शेतकऱ्यांनी नाईलाजास्तव सोयाबीनच्या उभ्या पिकावर ट्रॅक्टर फिरवला आहे.

जरांगे पाटलांच्या उपोषणाचा आजचा बारावा दिवस

29 ऑगस्ट 2023 पासून ते आतापर्यंत एकूण 11 वेळा उपोषण, तीन वर्षात 83 दिवस झाले उपोषण. 12 तारखेला अतरवालीत होणार राज्यव्यापी बैठक. सरकारने एकही मागणी पूर्ण केली नसल्याचं सांगत 12 तारखेला मुंबईत जाण्यासाठीची तारीख ठरवली जाणार असं जरांगे पाटलांनी स्पष्ट केलेलं आहे.

शरद पवारांची साथ सोडण्यामागील खरं कारण अन् महायुती सरकारला निर्वाणीचा इशारा

राष्ट्रवादी काँग्रेसमध्ये उभी फूट पडल्यानंतर अनेक नेत्यांनी पक्षांतरामागे विकासाचे कारण पुढे केले होते. मात्र, शरद पवार यांचे अत्यंत निष्ठावंत मानले जाणारे माजी गृहमंत्री आणि आमदार दिलीप वळसे पाटील यांनी शरद पवारांची साथ सोडण्याचे खरे कारण उघड केले असून, त्यांच्या विधानाने राजकीय वर्तुळात मोठी खळबळ उडाली आहे. “डिंभे धरणातून निघणारा बोगदा रद्द करण्याचा शब्द मुख्यमंत्र्यांनी दिला होता, केवळ आणि केवळ त्या एका शब्दासाठी मी साहेबांची साथ सोडली,” असा थेट आणि खळबळजनक खुलासा वळसे पाटलांनी केला आहे.

उपमुख्यमंत्री एकनाथ शिंदे दोन दिवसीय लंडन दौऱ्यावर रवाना

आज ९ आणि १० सप्टेंबरला ब्रिटिश संसदेत विशेष कार्यक्रमहाऊस ऑफ लॉर्ड्समध्ये ‘कॉमनवेल्थ पब्लिक लीडरशिप . रिकग्निशन’ पुरस्कार. हाऊस ऑफ कॉमन्समध्ये ‘स्टेट्समनशिप अवॉर्ड’ने गौरव. महाराष्ट्राच्या विकासाचे व्हिजन आणि भारत-यूके संबंधांवर शिंदे मार्गदर्शन करणार. महाराष्ट्र मंडळातर्फे ‘ग्लोबल प्राईड ऑफ महाराष्ट्र’ पुरस्कार