Gautami Patil: माझं ध्येय फक्त प्रसिद्धी नव्हे… गौतमी पाटील फ्यूचर प्लॉनविषयी स्पष्टच बोलली
Gautami Patil: नृत्यांगना गौतमी पाटील ही कायमच चर्चेत असते. नुकताच दिलेल्या एका मुलाखतीमध्ये गौतमीने भविष्यात तिला नेमकं काय करायचं आहे याविषयी वक्तव्य केले आहे. जाणून घ्या गौतमी पाटील काय म्हणाली...
नृत्यांगना गौतमी पाटील हे नाव आज अख्या महाराष्ट्राच्या तोंडून ऐकायला मिळतं. निखळ सौंदर्य, आपल्या बिनधास्त आणि कातिला डान्सने तिने अगदी कमी वेळात प्रेक्षकांच्या मनात खास जागा निर्माण केली. सुरुवातीला तिच्या स्टाइलवर बरीच टीका झाली, पण गौतमीने त्या टीकेला सामोरे जाऊन आपल्या चुका दुरुस्त केल्या आणि आज ती स्टेजवर, कार्यक्रमांमध्ये आणि सोशल मीडियावर लाखो चाहत्यांची आवडती आहे. दरम्यान, गौतमीने तिच्या भविष्याविषयी काही गोष्टी सांगितल्या आहेत.
1 / 5
गौतमी केवळ एक नृत्यांगना नाही तर तिने काही चित्रपटांमध्ये, मालिकेमध्ये देखील काम केले आहे. पण गौतमीचे फक्त प्रसिद्धी मिळवणे हे ध्येय नाही, हे तिने नुकत्याच दिलेल्या एका मुलाखतीत स्पष्ट केले आहे. तिच्या मते, यश म्हणजे फक्त लोकप्रियता नव्हे, तर कला जपणे आणि तिला योग्य सन्मान मिळवून देणे हे खरे यश आहे.
2 / 5
भविष्यात तिचा प्लॅन काय आहे? असा प्रश्न विचारल्यानंतर गौतमी म्हणाली, "मला सिनेमात काम करण्याची खूप इच्छा आहे, पण त्यासाठी मी पूर्ण तयारीनिशी उतरेन. मी माझी स्वतःची डान्स अकॅडमी सुरू करणार आहे, जिथे नव्या पिढीला योग्य मार्गदर्शन मिळेल आणि ते कला शिकतील."
3 / 5
गौतमी पुढे म्हणाली, "माझं ध्येय फक्त प्रसिद्धी नव्हे. मला मराठी संस्कृतीचे सौंदर्य जगभर पोहोचवायचे आहे. कला टिकवून ठेवणे आणि तिला सन्मान मिळवून देणे हेच माझे स्वप्न आहे." गौतमी पाटीलची ही दृष्टी तिच्या कलेप्रती असलेली निष्ठा आणि जबाबदारी दाखवते. तिच्या या भविष्याच्या योजनांमुळे निश्चितच मराठी कलेच्या क्षेत्रात नवे पर्व सुरू होईल.
4 / 5
गौतमीच्या कामाविषयी बोलायचे झाले तर ती काही दिवसांपूर्वी देव माणूस या मालिकेत दिसली होती. ती पाहुणी कलाकार म्हणून मालिकेत दिसली होती. तसेच तिचा गायक अभिजीत सावंतसोबतचा रुपेरी वाळूत हा म्यूझिक अल्बम प्रदर्शित झाला होता. तसेच तिचे नऊवारी हे गाणी देखील चर्चेत होते.
