3 महिन्यात 6 लाख कमावले, एका प्रयोगाने शेतकरी झाला लखपती!
वाशिम जिल्ह्यातील राहुल इंगोले या शेतकऱ्याने श्रावण महिन्यातील फुलांच्या वाढत्या मागणीचा फायदा घेत झेंडूची लागवड केली आणि केवळ ३ महिन्यात ६ लाख रुपये कमावले. त्यांनी पारंपारिक शेती ऐवजी फुलशेतीचा पर्याय निवडून शेतकऱ्यांसाठी प्रेरणादायी उदाहरण निर्माण केले आहे.
कोणत्याही शुभ कार्यात फुलांना विशेष स्थान असते. पूजा असो वा कोणतेही धार्मिक कार्य फुलांचे मानवी जीवनातील स्थान अनन्यसाधारण आहे. विशेषतः श्रावण महिन्यात हिंदू संस्कृतीतील विविध सण-उत्सवांमध्ये फुलांचा वापर मोठ्या प्रमाणात होतो.
1 / 8
हीच संधी ओळखून महाराष्ट्रातील वाशिम जिल्ह्यातील राहुल इंगोले या शेतकऱ्याने एक नाविन्यपूर्ण प्रयोग केला आहे. त्याने पारंपरिक शेतीला फाटा देत फुलशेतीत मोठं यश मिळवलं आहे.
2 / 8
श्रावण महिन्यातील फुलांची वाढती मागणी लक्षात घेऊन त्यांनी आपल्या 2 एकर शेतात झेंडूची लागवड केली. यातून त्याने ३ महिन्यात ६ लाख रुपयांचा नफा कमावला आहे. साधारणपणे दसरा आणि दिवाळीच्या काळात झेंडूची फुले मोठ्या प्रमाणात उपलब्ध होतात.
3 / 8
मात्र, राहुल इंगोले यांनी ही संधी ओळखली. त्यांनी मे महिन्यातच झेंडूची लागवड केली. यामुळे, श्रावण महिन्यात जेव्हा पूजा आणि धार्मिक कार्यांसाठी फुलांची मागणी शिगेला पोहोचते, तेव्हा त्यांचे झेंडूचे पीक तयार झाले.
4 / 8
बाजारात झेंडूची उपलब्धता कमी असल्याने त्यांच्या फुलांना किलोमागे १०० ते १२० रुपये असा चांगला दर मिळाला. या फुलशेतीमुळे वाशिम जिल्ह्यासह शेजारील अकोला आणि हिंगोली जिल्ह्यांतील भाविकांनाही श्रावणात ताजी झेंडूची फुले उपलब्ध झाली.
5 / 8
राहुल इंगोले आणि त्यांच्या भावंडांनी सांगितले की, पारंपरिक पिकांपेक्षा फुलशेतीत अधिक नफा मिळतो. यासोबतच, ग्राहकांनीही त्यांच्या प्रयत्नांचे कौतुक केले. श्रावणात झेंडूची फुले सहज उपलब्ध झाल्यामुळे भाविकांची पूजा पूर्ण झाली. त्यामुळे त्यांना आनंद झाला.
6 / 8
राहुल इंगोले यांनी केवळ झेंडूच नाही, तर गुलाबाचीही लागवड केली आहे. या यशस्वी प्रयोगामुळे त्यांनी इतर शेतकऱ्यांसाठी एक आदर्श निर्माण केला आहे. बाजारपेठेची गरज ओळखून जर पारंपरिक शेतीसोबतच फुलशेतीचा अवलंब केला, तर शेतकऱ्यांची आर्थिक स्थिती निश्चितच सुधारू शकते, हे त्यांनी सिद्ध करून दाखवले आहे.
7 / 8
श्रावणात त्यांच्या शेतात फुललेल्या लाल, पिवळ्या आणि केशरी झेंडूच्या फुलांनी केवळ बाजार आणि मंदिराचा परिसरच फुलवला नाही, तर राहुल इंगोले यांचे जीवनही आर्थिक समृद्धीने फुलले आहे.
