Marathi News Photo gallery Muslim bollywood actress who adopted hindu names and got success meena kumari madhubala to nimmi
Muslim Actress : बॉलिवूडमध्ये या पाच मुस्लिम अभिनेत्रींना हिंदू नाव धारण करुन कमावलं भरपूर नाव, पैसा, प्रसिद्धी
Muslim Actress : बॉलिवूडमध्ये असे अनेक कलाकार आहेत, ज्यांनी आपले चित्रपट, अभिनय, डान्स आणि सौंदर्याच्या बळावर फॅन्सच्या मनावर अनेक वर्ष राज्य केलं. पण आजही अनेकांना या कलाकारांची खरी नाव माहित नाहीत. चला, तर मग याची सुरुवात 'ट्रॅजिडी क्वीन' मीना कुमारीपासून करुया.
करिअरमध्ये 90 पेक्षा जास्त चित्रपटात काम करणाऱ्या अभिनेत्रीचा जन्म अली बक्सचा आणि इकबाल बेगमच्या घरात झालेला. मीना कुमारी यांचं खरं नाव महजबीन बानो होतं. वयाच्या चौथ्या वर्षापासून चाइल्ड आर्टिस्ट म्हणून काम करायला सुरुवात केली. त्यावेळी डायरेक्टर विजय भट्ट यांनी त्यांचं नाव बेबी मीना ठेवलं. पुढे जाऊन त्यांनी मीना कुमारी हे नाव धारण केलं.
1 / 5
अभिनेत्री मधुबालाचा जन्म पश्तून वंशाच्या एका मुस्लिम कुटुंबात झाला. त्यांचं खरं नाव मुमताज जहां बेगम देहलवी होतं. चित्रपट विश्वात आल्यानंतर बॉम्बे टॉकीजच्या मालकीण देविका रानी यांनी तिला मधुबाला नाव धारण करण्याचा सल्ला दिला. त्यांनी हा सल्ला ऐकला व प्रचंड नाव कमावलं.
2 / 5
निम्मी 1950 साली हायेस्ट पेड अभिनेत्रींमध्ये होती. निम्मीचं खरं नाव नवाब बानो होतं. पण राजकपूर यांनी त्यांचं नाव बदलून निम्मी ठेवलं. कारण चित्रपटाच्या हिशोबाने ते कठिण नाव होतं. म्हणून राज कपूर यांनी सोपं नाव दिलं.
3 / 5
आपल्या सुंदर अभिनयाने सर्वांच मन जिंकणाऱ्या श्यामाचं खरं नाव खुर्शीद अख्तर होतं. ब्रिटिशांच्या काळात लाहोरमध्ये त्यांचा जन्म झाला. मुस्लिम कुटुंबात जन्मलेली खुर्शीद 1940 साली मुंबईत आली. त्यावेळी डायरेक्टर विजय भट्ट यांनीच त्यांना श्यामा हे नाव दिलं.
4 / 5
रीना रॉय यांना सुद्धा अभिनयासाठी अनेक पुरस्कार मिळालेत. त्यांचं खरं नाव सायरा अली होतं. सादिक अली आणि शारदा राय यांच्या घरात तिचा जन्म झाला. आई-वडिलांच्या घटस्फोटानंतर ती आई सोबत रहायची. त्यामुळे आईने तिचं नाव बदललं. आधी त्यांचं नाव रुपा राय होतं. पण प्रोड्यूसरने नाव बदलून रीना रॉय ठेवलं.
