Anjali Damania : 500 कोटींचं ‘ते’ हॉस्पिटल दादांच्या नातेवाईकांना बहाल? दमानियांच्या आरोपानं खळबळ, ‘फडणवीस एक काम करा अख्खा महाराष्ट्र…’

सामाजिक कार्यकर्त्या अंजली दमानिया यांनी राष्ट्रवादी काँग्रेसचे नेते अजित पवार यांच्या नातेवाईकांना ५०० कोटींचे रुग्णालय बहाल केल्याचा गंभीर आरोप केला आहे. शताब्दी रुग्णालय हे बीएमसीने बांधलेले ५८० खाटांचे रुग्णालय असून, विरोधानंतरही ते पीपीपी (सार्वजनिक-खाजगी भागीदारी) तत्त्वावर देण्याचा प्रयत्न सुरू असल्याचा दावा दमानिया यांनी केला आहे. योगायोगाने, पद्मसिंह पाटील यांच्या तेरणा पब्लिक चॅरिटेबल ट्रस्टनेही यासाठी बोली लावली आहे. आरएसएस जवळ एक रुग्णालय बांधत असताना, हे तयार रुग्णालय अजित पवारांच्या नातेवाईकांना दिले जात असल्याचा आरोप दमानिया यांनी ट्विटद्वारे केला आहे.