Mumbai BMC Polls : 15 मिनिटांमुळे स्वप्न भंगलं! भाजप उमेदवार उशिरा पोहोचला अन्.. मुंबईत नेमकं काय घडलं?

मुंबई महापालिका निवडणुकीसाठी भाजपकडून उमेदवारी मिळवू इच्छिणाऱ्या एका उमेदवाराची संधी हुकल्याचे वृत्त समोर आले आहे. सुत्रांमार्फत मिळालेल्या माहितीनुसार, भाजपच्या मंदाकिनी खामकर यांना अर्ज दाखल करण्यास फक्त पंधरा मिनिटांचा उशीर झाल्याने वॉर्ड क्रमांक 212 मधून निवडणूक लढवण्याची संधी गमवावी लागली. एबी फॉर्म हातात असतानाही त्यांना अर्ज भरता आला नाही, अशी माहिती सूत्रांनी दिली आहे. या घटनेमुळे मुंबई महानगरपालिका निवडणुकीच्या प्रक्रियेतील वेळेचे महत्त्व पुन्हा एकदा अधोरेखित झाले आहे. उमेदवारी अर्ज दाखल करण्याची अंतिम वेळ पाळणे किती आवश्यक आहे, हे या उदाहरणातून स्पष्ट होते. 15 मिनिटांच्या या उशिरामुळे एका संभाव्य उमेदवाराला निवडणुकीच्या रिंगणातून बाहेर पडावे लागले आहे.