Uddhav Thackeray : देवाची इच्छा असेल तर आपला…; उद्धव ठाकरेंनी व्यक्त केल्या भावना

मुंबई महापौरपदावरून उद्धव ठाकरे आणि उपमुख्यमंत्री देवेंद्र फडणवीस यांच्यात शाब्दिक कलगीतुरा रंगला आहे. शिवसैनिकांना संबोधित करताना उद्धव ठाकरे म्हणाले की, “आपला महापौर व्हायला पाहिजे हे स्वप्न आहे. देवाच्या मनात असेल तर तेही होईल.” त्यांच्या या वक्तव्याला प्रत्युत्तर देताना देवेंद्र फडणवीस यांनी देवाच्या म्हणजे माझ्या की वरच्या देवाच्या? असा प्रश्न उपस्थित करत वरच्या देवानेच महायुतीचा महापौर ठरवला आहे आणि तो आमचाच होईल असे सांगितले.

देवेंद्र फडणवीस यांनी या संदर्भात सेना-मनसे युतीचेही विश्लेषण केले. त्यांच्या मते, राज ठाकरेंना या युतीचा कोणताही फायदा झाला नाही आणि मनसे बिगेस्ट लूझर ठरली. याउलट, उद्धव ठाकरे यांना मात्र या युतीचा फायदा झाल्याचे फडणवीस म्हणाले. उद्धव ठाकरे यांनी मात्र “आम्ही हरलोय अशी मानसिकता नाहीच आहे. आम्ही हरलेलो नाहीच आहोत,” असे ठामपणे सांगितले. या निवडणुकीला तोडीस तोड उत्तर दिल्याचे त्यांचे म्हणणे होते. दोन्ही बाजूंकडून मुंबईतील आगामी राजकीय घडामोडींवर प्रकाश टाकण्यात आला.