Eknath Shinde : मुंबईचा महापौर कोण होणार? पुढच्या 5 वर्षाचा प्लान सांगत ऐतिहासिक शिवतीर्थावरून शिंदेंचा विरोधकांवर हल्लाबोल

उपमुख्यमंत्री एकनाथ शिंदे यांनी शिवाजी पार्क येथील महायुतीच्या सभेत मुंबईच्या विकासावर भर दिला. ते म्हणाले की, ही सभा महायुतीने गेल्या साडेतीन वर्षांत केलेल्या कामांचा लेखाजोखा मांडण्यासाठी आणि पुढील पाच वर्षांच्या योजना स्पष्ट करण्यासाठी आहे. शिंदे यांनी विरोधकांवर टीका करताना म्हटले की, त्यांना निवडणुकीच्या वेळीच मराठी माणसाची आठवण होते, तर महायुती मराठी माणसाच्या हितासाठी सदैव कटिबद्ध आहे. त्यांनी ठामपणे सांगितले की, मुंबईचा पुढील महापौर महायुतीचाच असेल आणि तो मराठी माणूसच असेल. महायुती शासनाने मुंबईकरांना घरे, रोजगार आणि मूलभूत सोयीसुविधा पुरवण्यावर लक्ष केंद्रित केले असून, मुंबईला फिनटेक कॅपिटल आणि ग्लोबल फायनान्शियल हब बनवण्याचा निर्धार व्यक्त केला.