Jarange vs Munde : कुणी अंगावर आलं तर… मुंडेचा जरांगेंवर हल्लाबोल तर जरांगे बिनडोक…हाकेंचं टीकास्त्र

“कुणी अंगावर आलं तर त्याला शिंगावर घेऊ” असा इशारा देत धनंजय मुंडे यांनी मनोज जरांगेंवर जोरदार हल्लाबोल केला. इतकंच नाहीतर जरांगे हे वैयक्तिक टीका करत असल्याचा आरोप मुंडेंनी केला. “माझ्यात समोरासमोर खेटायची हिंमत आहे, बाईच्या आडून लढणार नाही,” असे जरांगे यांनी म्हटले असले तरी, त्यांच्यावर वैयक्तिक बाबींवर बोलण्याचे आरोप मुंडेंनी केले.

मुंडेंनी स्पष्ट केले की, ते वैयक्तिक वादात पडत नाहीत. याच वादात लक्ष्मण हाके यांनी मनोज जरांगेंना “बिंडोक माणूस” असे संबोधत जोरदार टीका केली. ते म्हणाले की, जरांगेंना संविधानिक प्रश्नांची उत्तरे देता येत नाहीत आणि ते सार्वजनिक प्रश्नांऐवजी केवळ वैयक्तिक टीका करत आहेत. धनगर ओबीसीमध्ये येतात हे सामान्य ज्ञानही जरांगेंना नसल्याचे हाकेंनी म्हटले. त्यामुळे, या राजकीय वादात आरोप-प्रत्यारोपांची मालिका सुरू झाली आहे.