Sudhir Mungantiwar : मंत्री सभागृहात येत नसतील तर त्यांच्यावर बिबटे सोडा… सरकारची खरडपट्टी काढत मुनगंटीवार हे काय म्हणाले?

नागपूर हिवाळी अधिवेशनात भाजप आमदार सुधीर मुनगंटीवार यांनी महाविकास आघाडी सरकारच्या कारभारावर तीव्र शब्दांत ताशेरे ओढले. सभागृहात मंत्र्यांच्या अनुपस्थितीवरून ते चांगलेच संतापले. “मंत्री सभागृहात येत नसतील तर त्यांच्यावर बिबटे सोडा,” असे आक्रमक विधान करत त्यांनी मंत्र्यांच्या गैरहजेरीवर सरकारची खरडपट्टी काढली. सभागृहात आमदार उपस्थित असताना मंत्री उपस्थित नसणे हे गंभीर असल्याचे ते म्हणाले. याचबरोबर, मुनगंटीवारांनी चंद्रपूर जिल्ह्यातील घरकुल योजनेच्या निधीवरून सरकारला लक्ष्य केले. घरकुलांसाठी ९६ कोटी ३६ लाख ४२४०० रुपयांचा निधी आवश्यक असताना तो उपलब्ध नसल्याबद्दल त्यांनी तीव्र नाराजी व्यक्त केली. “ज्या भारत मातेच्या लेकरांना डोकं ठेवायला जागा नाही, त्यांना ९६ कोटी मिळत नसतील, तर अशा अधिकाऱ्यांनी कोरड्या विहिरीमध्ये जीव द्यावा,” असे खळबळजनक विधान त्यांनी केले.

मुंबईतील लोकांसाठी ११ लाख कोटी राज्य सरकारकडे उपलब्ध असताना गरीब लोकांसाठी निधी का नाही, असा प्रश्नही त्यांनी उपस्थित केला. यावर आमदार अतुल सावेंनी पुरवणी मागणीमध्ये घरकुल योजनेसाठी ३०० कोटी रुपये मंजूर झाल्याचे आणि चंद्रपूर जिल्ह्यासाठी १००% निधी तात्काळ दिला जाईल असे आश्वासन दिले. चंद्रपूरमधील घरकुले यशवंतराव चव्हाण मुक्त वसाहत योजनेतून काढून पंतप्रधान आवास योजनेत समाविष्ट करण्याच्या प्रयत्नांवरही मुनगंटीवारांनी टीका केली.