मुख्यमंत्री फडणवीसांकडून माढा तालुक्यातील नुकसानग्रस्त भागाची पाहणी

सोलापूर जिल्ह्यातील माढा तालुक्यातील निमगाव गेल्या काही दिवसांपासून भीषण पूर परिस्थितीला सामोरे आहे. मुख्यमंत्री देवेंद्र फडणवीस यांनी या गावाची पाहणी करून नुकसानीचा आढावा घेतला. तीन ते चार दिवसांपासून निमगाव पूर्णतः पाण्याखाली आहे. मुख्यमंत्र्यांनी ड्रोनच्या मदतीनेही गावाची पाहणी केली. स्थानिक शेतकऱ्यांशी संवाद साधून त्यांच्या समस्या जाणून घेतल्या. हा पाहणी दौरा सोलापूर आणि लातूर जिल्ह्यांसाठी होता. पिकाचे मोठे नुकसान झाले आहे. सरकार नुकसान भरपाईबाबत विचार करत असल्याचेही मुख्यमंत्र्यांनी सांगितले.