ठाकरे बंधूंच्या भेटीनंतर शिवतीर्थावर मनसेची महत्वाची बैठक सुरू

ठाकरे बंधूंच्या भेटीनंतर महाराष्ट्र नवनिर्माण सेनेची (मनसे) एक महत्त्वाची बैठक आज शिवतीर्थावर होत आहे. काल उद्धव ठाकरे आणि राज ठाकरे यांच्यात शिवतीर्थावर पावणे तीन तास बैठक झाली. या बैठकीत आगामी मुंबई महानगरपालिका आणि इतर स्थानिक स्वराज्य संस्थांच्या निवडणुकांसाठी रणनीती आखण्यात आल्याची चर्चा आहे. राज ठाकरे यांनी आज सकाळी साडेसात वाजता दुसरे कार्यक्रम पूर्ण केल्यानंतर अकरा वाजता मनसेच्या नेत्यांसोबत बैठक घेणार असल्याची माहिती आहे. या बैठकीत निवडणुकांमध्ये संभाव्य युतीबाबतही चर्चा होण्याची शक्यता नाकारता येत नाही. ठाकरे बंधूंच्या एकत्रित येण्याने मनसेमध्ये एक नवीन ऊर्जा निर्माण झाल्याचे बोलले जात आहे.