Prithviraj Chavan : मोदी ऑन बोर्ड E-Mail चा उल्लेख अन्… पृथ्वीराज चव्हाण यांचा Epstein Files वरून सनसनाटी दावा तरी काय?
पृथ्वीराज चव्हाणांनी एपस्टीन फाईल्ससंदर्भात मोदी ऑन बोर्ड ईमेलचा उल्लेख करत प्रश्नचिन्ह उपस्थित केले आहे. अमेरिकेचे तत्कालीन राजदूत हरदीप पुरी यांचेही नाव अनेकदा आल्याचे ते म्हणाले. एपस्टीन गुन्हेगार असतानाही पीएम मोदींचा संदर्भ 2014 चा असल्याने या संबंधांवर सरकारने स्पष्टीकरण द्यावे, अशी त्यांची मागणी आहे.
एपस्टीन फाईल्समध्ये अनेक धक्कादायक बाबी समोर येत असताना काँग्रेस नेते पृथ्वीराज चव्हाण यांनी एका ईमेलचा संदर्भ देत मोदी ऑन बोर्ड असा दावा केला आहे. त्यांनी पत्रकार परिषदेत सांगितले की, अमेरिकेचे तत्कालीन राष्ट्राध्यक्ष डोनाल्ड ट्रंप यांचे सल्लागार स्टीव्ह बॅनन यांनी एपस्टीनला भारताच्या पंतप्रधानांशी भेटण्याची विनंती केली होती. यावर एपस्टीनने मोदी इज ऑन बोर्ड असे उत्तर दिले होते, असा ईमेलमध्ये उल्लेख आहे.
या संदर्भात प्रश्न उपस्थित करताना चव्हाण म्हणाले की, एपस्टीन 2008-09 पासून गुन्हेगार म्हणून ओळखला जात असतानाही, 2014 मध्ये मोदींचा संदर्भ कसा आला? तत्कालीन न्यूयॉर्कमधील भारताचे राजदूत हरदीप पुरी यांचे नावही पाच-सहा वेळा भेटीगाठींच्या संदर्भात आल्याचे त्यांनी नमूद केले. 300 जीबी डेटा आणि लक्षावधी कागदपत्रे असल्याने याची सखोल चौकशी होणे आवश्यक आहे. या प्रकरणावर भारत सरकारने अद्याप कोणताही खुलासा केलेला नाही, ही चिंतेची बाब आहे, असे चव्हाण यांनी म्हटले आहे. केवळ नाव आल्याने कोणी दोषी ठरत नाही, परंतु संबंधांबद्दल स्पष्टीकरण मिळणे महत्त्वाचे आहे.
