टोमणे मारणे हाच उद्योग राहिलाय! संजय शिरसाट यांचं ठाकरेंना खोचक प्रत्युत्तर
संजय शिरसाट यांनी उद्धव ठाकरेंच्या माझी एकच फडणवीस आणि अॅनाकोंडा या टीकांवर तीव्र प्रतिक्रिया दिली आहे. शिरसाट यांच्या मते, ठाकरेंना आलेले हे वैफल्य आहे, आणि टोमणे मारणे हाच त्यांचा एक उद्योग राहिला आहे. त्यांनी ठाकरेंच्या पक्षाच्या अस्तित्वावर प्रश्नचिन्ह उपस्थित केले.
संजय शिरसाट यांनी उद्धव ठाकरे यांच्या माझी एकच फडणवीस आणि अॅनाकोंडा या दोन्ही पक्षांना गिळणार या टीकांवर प्रत्युत्तर दिले आहे. शिरसाट यांनी उद्धव ठाकरे यांच्या वक्तव्यांना वैफल्यातून आलेले म्हटले आहे. ते म्हणाले की, “दर वेळेला टोमणे मारणे, टीका करणे हाच एक त्यांना उद्योग राहिलेला आहे.”
शिरसाट यांनी उद्धव ठाकरेंना त्यांच्या पक्षाच्या अस्तित्वाबाबत प्रश्न विचारत म्हटले की, “तुम्ही कुणाची टीम आहात? तुमचं अस्तित्व काय आहे? यावर तुम्ही बोललं पाहिजे ना?” त्यांनी इतरांच्या पक्षामध्ये नाक खुपसण्याऐवजी स्वतःच्या पक्षाकडे लक्ष देण्याचा सल्ला दिला. महाराष्ट्रातील जनतेला आपण कसे काम करतो हे माहीत आहे, असे शिरसाट यांनी सांगितले.
ठाकरेंनी अॅनाकोंडा म्हणून उल्लेख केलेल्या पक्षांना आता ते स्वतःच भेटायला दिल्लीला जात असल्याचा टोला शिरसाट यांनी लगावला. त्यांनी उद्धव ठाकरेंच्या नेतृत्वावर अप्रत्यक्षपणे प्रश्नचिन्ह उपस्थित करत, पक्षाच्या नेत्याला चिंता नाही का? असे विचारले. आमचा पक्ष एकनाथ शिंदे चालवतात आणि राष्ट्रवादी पक्ष अजित पवार चालवतात, असे शिरसाट यांनी स्पष्ट केले.
