Mumbai Thackeray Sabha : ठाकरे बंधूंची मुंबईत पहिली संयुक्त जाहीर सभा
मुंबई महानगरपालिका निवडणुकीच्या पार्श्वभूमीवर, उद्धव ठाकरे आणि राज ठाकरे यांची शिवाजी पार्कमधील शिवतीर्थावर पहिली संयुक्त जाहीर सभा पार पडत आहे. बाळासाहेब ठाकरे यांच्या फोटोचा वापर करत, दोन्ही बंधू प्रचाराच्या रणधुमाळीत उतरले आहेत. या सभेतून ते सत्ताधाऱ्यांवर नेमके काय बोलणार, याकडे महाराष्ट्राचे लक्ष लागले आहे.
मुंबई महानगरपालिका निवडणुकीच्या रणधुमाळीत ठाकरे बंधूंची पहिली संयुक्त जाहीर सभा आज सायंकाळी साडेपाच वाजता मुंबईतील शिवाजी पार्क येथील शिवतीर्थावर पार पडली. मुंबईबाहेर प्रचार केल्यानंतर आता मुंबईत ही महत्त्वपूर्ण सभा होत आहे. या सभेसाठी ठाकरे बंधूंनी जोरदार तयारी केली आहे. प्रत्येक सभेमध्ये बाळासाहेब ठाकरे यांचा ठाकरे बंधूंच्या खांद्यावर हात ठेवलेला फोटो वापरला जात आहे, जो या सभेचेही वैशिष्ट्य मानला जातो.
राष्ट्रवादी काँग्रेस (शरदचंद्र पवार पक्ष) चे तुतारी चिन्ह, शिवसेना (उद्धव बाळासाहेब ठाकरे) ची मशाल आणि महाराष्ट्र नवनिर्माण सेनेचे रेल्वे इंजिन या पक्षांच्या चिन्हांसह पोस्टर्स लावण्यात आले आहेत. मुंबई महानगरपालिकेच्या २२७ उमेदवारांसाठी व्यासपीठावर आसनव्यवस्था करण्यात आली होती. अनेक वर्षांनंतर दोन्ही ठाकरे बंधू शिवतीर्थावर एकत्र आले आहेत, त्यामुळे त्यांच्या भाषणाकडे संपूर्ण महाराष्ट्राचे लक्ष लागले आहे. प्रचारासाठी अवघे काही दिवस शिल्लक असताना, ही सभा बीएमसी निवडणुकीच्या दृष्टीने अत्यंत महत्त्वाची मानली जात आहे.
