Maharashtra News LIVE : मुख्यमंत्र्यांची सही असली पाहिजे, दुसरं म्हणजे.. मनोज जरांगेंची मोठी मागणी

मनोज जरांगे पाटील यांनी मागच्या अनेक दिवसांपासून सुरु असलेले आमरण उपोषण आज सोडलं. विखे पाटील, दादा भुसे, प्रसाद लाड या सरकारी शिष्टमंडळाने त्यांची भेट घेतली. त्यावेळी काही अटींवर मनोज जरांगे पाटील यांनी उपोषण सोडलं. शिवसेना पक्ष आणि निवडणूक चिन्ह यावर आज सलग तिसऱ्यादिवशी सुनावणी होणार आहे. सध्या एकनाथ शिंदे शिवसेनेचा युक्तीवाद सुरु आहे. मराठवाडा मुक्ती संग्राम दिनाचे औचित्य साधून बीड-पुणे एक्स्प्रेस रेल्वेचा शुभारंभ. अनेक दशकांपासूनचे बीडवासीयांचे हे स्वप्न आज साकार होणार आहे. मुख्यमंत्री देवेंद्र फडणवीस यांच्या ऑनलाइन उपस्थितीत उपमुख्यमंत्री तथा बीडच्या पालकमंत्री सुनेत्रा पवार यांच्या हस्ते हा सोहळा पार पडेल. मंत्री पंकजा मुंडे, खासदार बजरंग सोनवणेंसह जिल्ह्यातील लोकप्रतिनिधींची असणार उपस्थिती.नंदुरबार जिल्ह्यात पावसाने पाठ फिरवल्याने कापूस उत्पादक शेतकरी संकटात. अडीच ते तीन महिन्यांपासून पावसाची प्रतीक्षा कायम. पावसाअभावी कापूस पिकाची वाढ खुंटली. कापसाच्या बोंडवरही पावसाचा परिणाम. पिकांसाठी केलेला खर्च निघणार का? शेतकऱ्यांची चिंता वाढली.