Maharashtra News LIVE : रोहित पवारांच्या अन्नत्याग आंदोलनाचा तिसरा दिवस, मनोज जरांगे पाटील भेट देणार

राज्यात आज राजकीय घडामोडींसह हवामानाचा पाराही चांगलाच तापलेला पाहायला मिळत आहे. अमरावती विधान परिषद निवडणुकीत काँग्रेस उमेदवार हर्षदजित देशमुख यांना रुग्णालयातून डिस्चार्ज मिळाला असून ते मंगळवारपासून प्रचारात उतरणार आहेत. त्यामुळे वंचितला पाठिंबा देण्याच्या चर्चांना पूर्णविराम मिळण्याची शक्यता आहे. काँग्रेस नेत्या यशोमती ठाकूर यांनी देशमुखांवर केलेल्या कोट्यवधींच्या आरोपामुळे येथील राजकीय वातावरण तापले आहे. तर दुसरीकडे, पंढरपुरात रोहित पवारांच्या अन्नत्याग आंदोलनाचा आज तिसरा दिवस आहे. संध्याकाळपर्यंत निर्णय न झाल्यास रोहित पवार यांनी नामदेव पायरी येथे आंदोलन करण्याचा इशारा देण्यात आला आहे; या आंदोलनाला पाठिंबा देण्यासाठी मनोज जरांगे पाटील, महादेव जानकर आणि राजू शेट्टी आज भेट देणार आहेत. दरम्यान, हवामान विभागाने नाशिक, मुंबई, ठाणे आणि पालघरसह कोकण पट्ट्यात उष्णतेचा ‘यलो अलर्ट’ जारी केला आहे. मान्सूनची प्रगती रखडल्यामुळे राज्यात प्रचंड उकाडा वाढला असून, शेतकऱ्यांसह सर्वसामान्य नागरिकही हैराण झाले आहेत.