Maharashtra News LIVE : भोंदूबाबा अशोक खरातविरोधात तीन नवे गुन्हे दाखल
Maharashtra News LIVE : नाशिकच्या भोंदूबाबा अशोक खरातचे आणखी काळे कारनामे उघड होत आहेत. तुर्की मधाच्या नावाखाली खरातकडून फसवणूक होत असल्याची माहिती समोर येत आहे. तुर्की मध कामोत्तेजक आणि शक्तिवर्धक असल्याचा दावा करून अनेक उद्योजक आणि राजकीय नेत्यांना महागड्या दराने मधाची विक्री केल्याची माहिती समोर आली आहे.
LIVE NEWS & UPDATES
-
नालेसफाईसाठी स्मार्ट उपाय ,यंदा रोबोटिक यंत्रणा ठाणे महापालिका वापरणार
पावसाळ्यात नाले तुंबून उद्भवणाऱ्या समस्यांवर कायमस्वरूपी तोडगा काढण्यासाठी ठाणे पालिकेने यंदा तंत्रज्ञानाचा आधार घेत मोठे पाऊल उचललेले आहे. ठाण्यात सुमारे तीनशे किलोमीटर लांबीचे नाले असून विविध भागातून वाहत हे नाले खाडीत मिळतात…
-
ठाण्याच्या ताफ्यात आता नव्या 100 भगव्या बस येणार…
ठाणे परिवहन सेवेचा 2026,27 चा आर्थिक वार्षिक 791 कोटी 86 लाख रुपयांचा अर्थसंकल्प महासभेत सादर करण्यात आला परिवहन व्यवस्थापन भालचंद्र बेहेरे यांनी सादर केलेल्या अर्थसंकल्पात प्रवाशांना दिलासा देणारा निर्णय घेत कोणतेही तिकीट दरवाढ प्रस्तावित केली नाही. येत्या काळा टप्प्याटप्प्यात पीएम बस योजनेअंतर्गत शंभर बस परिवहनच्या ताब्यात दाखल होणार आहेत. यासाठी केंद्र सरकारकडून निधी प्राप्त झाला आहे .या बसचा रंग भगवा असणार असल्याची माहिती परिवहन विभागाने दिली आहे…
-
-
आज दुसऱ्या दिवशी ही पेट्रोल मिळणार नसल्याच्या अफवेमुळेने चंद्रपूर शहरातील अनेक पेट्रोल पंपांवर लोकांच्या रांगा…
सकाळ पासूनच नागरिक पेट्रोल पंपवर पेट्रोल भरण्यासाठी मोठी गर्दी करत असल्याचे चित्र दिसून येत आहे. अनेक पेट्रोल पंपांवर पेट्रोल ही संपले, चंद्रपूर शहरातील पेट्रोल पंप पुढील चार दिवस बंद असणार असल्याच्या उडल्या आहे अफवा, यामुळे लोकांमध्ये पसरलं आहे घबराटीचे वातावरण, त्यामुळे जास्तीत जास्त लोकं पेट्रोल भरण्यासाठी पेट्रोल पंप वर करतायेत गर्दी, तर दुसरीकडे पेट्रोल पंप संचालकांनी चार दिवस पेट्रोल पंप बंद असल्याच्या अफवांमुळे हा सर्व प्रकार घडत असल्याची आणि शहरात कुठल्याही प्रकारच्या पेट्रोलची टंचाई नसल्याची दिली माहिती,
-
सनदी अधिकाऱ्याच्या कुटुंबियासोबत खरातची प्रॉपर्टी आली समोर
नाशिकमध्ये काही वर्षांपूर्वी जिल्हाधिकारी कार्यालयात कार्यात होता अधिकारी. सध्या मुंबईत वरिष्ठ पदावर कार्यरत. सनदी अधिकाऱ्याच्या पत्नीचा खरात कुटुंबा सोबत सातबारा. नाशिकच्या पाथर्डी शिवारात मोक्याच्या ठिकाणी 40 गुंठे जागेचा सातबारा आला समोर. भोंदू बाबा अशोक खरात आणि अधिकाऱ्यांचे लागेबांध उघड
-
डोंबिवलीत ‘त्रिनामी’ नराधमाचा धक्कादायक कारनामा उघड
डोंबिवलीत ‘त्रिनामी’ नराधमाचा धक्कादायक कारनामा उघड झाला आहे. नोकरीच्या आमिषाने दाखवून आधी महिलेवर बलात्कार केला. नंतर कंत्राटाचं आमिष दाखवत पतीलाही १० लाखांचा चुना लावला. रहीम पद्मसी उर्फ करीम मोहम्मद जैन उर्फ करण जोशी असं या आरोपीचं नाव आहे. शहरात तीन नावांनी वावरणारा हा आरोपी महिलांना व्याजावर पैसे देत व्याजाच्या नावाखाली महिलांचं शोषण करत असल्याचा भयंकर गुन्हा उघड झाला आहे. रामनगर पोलिसांनी गुन्हा दाखल करताच आरोपी फरार झाला होता. कल्याण न्यायालयात आरोपीने अटकपूर्व जामिनासाठी अर्ज दाखल केला असता न्यायालयाने जामिन अर्ज फेटाळला आहे.
-
-
शिरपूर तालुक्यातील सांगवी इथल्या प्राथमिक आरोग्य केंद्रातील गंभीर हलगर्जीपणाचा प्रकार समोर
धुळ्यातील शिरपूर तालुक्यातील सांगवी इथल्या प्राथमिक आरोग्य केंद्रातील गंभीर हलगर्जीपणाचा प्रकार समोर आला आहे. सांगली इथल्या आरोग्य विभागाच्या दवाखान्यात डॉक्टर उपलब्ध नसल्याने गरोदर महिलेला उपचाराविना परतावं लागलं आहे. पूनम राहुल गायकवाड या गरोदर महिलेला प्रसूतीसाठी सायंकाळच्या सुमारास सांगवी प्राथमिक आरोग्य केंद्रात आणलं होतं. मात्र त्या वेळी आरोग्य केंद्रात फक्त एक नर्स होती. प्रमुख वैद्यकीय अधिकारी उपस्थित नसल्याने महिलेला उपचाराविना शिरपूरकडे पाठवण्यात आलं. आरोग्य केंद्रात १०८ रुग्णवाहिका उपलब्ध असतानाही “डिझेल नाही” असं कारण सांगितले जात असल्याचा ग्रामस्थांचा आरोप आहे.
-
धाराशिव जिल्हा परिषदेत सभापती पदावरून महायुतीमध्ये रस्सीखेच
धाराशिव जिल्हा परिषदेत सभापती पदावरून महायुतीमध्ये रस्सीखेच सुरू आहे. धाराशिव जिल्हा परिषदेच्या सभापती पदाची निवड 27 मार्च रोजी होणार असून त्याआधीच माहितीतील तिन्ही पक्षाकडून मोर्चे बांधणी सुरू आहे. सभापतीपदासाठी शिवसेना, भाजप आणि अजित पवार गटाची राष्ट्रवादी काँग्रेस यांच्यात जोरदार रस्सीखेच सुरू आहे. विशेष म्हणजे, अध्यक्षपद न मिळाल्यामुळे शिवसेनेला महत्त्वाची सभापती पदे मिळावीत, अशी भूमिका सावंत गटाची आहे. दरम्यान, चर्चेत असलेल्या फॉर्म्युल्यानुसार भाजपकडे दोन सभापती पदे, तर शिवसेना आणि राष्ट्रवादी काँग्रेसला प्रत्येकी एक पद मिळण्याची शक्यता आहे. या घडामोडींमुळे धाराशिव जिल्हा परिषदेत पुन्हा एकदा सत्तासंघर्ष पेटला असून, 27 मार्चची निवडणूक निर्णायक ठरणार आहे.
-
-
तुर्की मधाच्या नावाखाली भोंदूबाबा खरातकडून फसवणूक; 1 किलो मधाची बाटली तब्बल 9 लाखांना
नाशिक – भोंदूबाबा अशोक खरातचे आणखी काळे कारनामे उघड होत आहेत. तुर्की मधाच्या नावाखाली खरातकडून फसवणूक होत असल्याची माहिती समोर आली आहे. तुर्की मध कामोत्तेजक आणि शक्तिवर्धक असल्याचा दावा करून अनेक उद्योजक आणि राजकीय नेत्यांना महागड्या दराने मधाची विक्री केल्याचं समजतंय. १ किलो मधाची बाटली ९ लाख रुपयांना विकली जायची. लैंगिक अडचणी घेऊन येणाऱ्यांना मधाची विक्री केली जायची. एल्विश हनीची विक्री करताना ते तुर्कीच्या समुद्रात खोल गुहेतून मिळत असल्याचा दावा करत विक्री करण्यात आली.
-
नाशिकमधील खरात फाइल्स प्रकरणात मोठी अपडेट समोर; ‘श्री शिवनिका संस्थान’च्या आर्थिक व्यवहारांचा खुलासा
नाशिकमधील खरात फाइल्स प्रकरणात मोठी अपडेट समोर आली आहे. मिरगावमधील ‘श्री शिवनिका संस्थान’च्या आर्थिक व्यवहारांचा मोठा खुलासा झाला आहे. ऑडिट रिपोर्टमधून संस्थानच्या झपाट्याने वाढीचा तपशील समोर आला आहे. २०२० ते २०२२ दरम्यान उत्पन्न फक्त ४.९० लाखांच्या घरात आहे. १.६० ते १.६४ लाख रुपयांची तूट नोंद करण्यात आली आहे. २०२४ हे ‘गेम चेंजर’ वर्ष ठरलं. ७६ लाख ९१ हजार ४१६ रुपयांच्या देणग्यांचा ‘महापूर’ आला. खर्च वजा जाता तब्बल ७०.६६ लाखांची विक्रमी शिल्लक राहिली. संस्थानची आर्थिक स्थिती अचानक मजबूत झाली.
-
नाशिकच्या भोंदूबाबा अशोक खरातविरोधात तीन नवे गुन्हे दाखल
नाशिकच्या भोंदूबाबा अशोक खरातविरोधात तीन नवे गुन्हे दाखल करण्यात आले आहेत. त्यामुळे खरावरील एकूण दाखल गुन्ह्यांची संख्या सहावर पोहोचली आहे. महिलांच्या तक्रारीनंतर पोलिसांकडून कसून चौकशी सुरू आहे. पाथर्डी परिसरातील सुमारे 25 एकर जमीन व्यवहार संशयाच्या भोवऱ्यात आहे. कोट्यवधी रुपयांची लूट झाल्याचा शेतकऱ्यांचा दावा आहे.
-
शिर्डीत उद्यापासून रामनवमी उत्सवाला सुरुवात
शिर्डीत उद्यापासून रामनवमी उत्सवाला सुरुवात होणार आहे. 25 ते 27 मार्चदरम्यान उत्सवाचं आयोजन करण्यात आलं आहे. 26 मार्च रोजी साई समाधी मंदिर रात्रभर दर्शनासाठी खुलं राहणार आहे. साईबाबा संस्थान ट्रस्टकडून उत्सवाची जय्यत तयारी करण्यात आली आहे. भाविकांच्या सोयीसाठी संस्थानकडून विविध उपाययोजना केल्या जाणार आहेत. राज्यभरातून अनेक पायी पालख्या दाखल होत आहेत.
-
भोंदूबाबा अशोक खरातला आज नाशिक कोर्टात हजर करणार
भोंदूबाबा अशोक खरातला आज नाशिक कोर्टात हजर केलं जाणार आहे. अशोक खरातची पोलीस कोठडी आज संपणार असल्याने न्यायालयात हजर केलं जाणार आहे. भोंदूबाबा खरातविरोधात आत्तापर्यंत सहा गुन्हे दाखल झाले आहेत. गुन्ह्यांची संख्या आणखी वाढण्याची शक्यता आहे. एसआयटीकडून तक्रारदारांना पुढे येण्याचं आवाहन केलं जात आहे. त्यासाठी एक हेल्पलाइन नंबरदेखील जारी करण्यात आला आहे.
नाशिकच्या भोंदूबाबा अशोक खरातविरोधात तीन नवे गुन्हे दाखल करण्यात आले आहेत. त्यामुळे खरावरील एकूण दाखल गुन्ह्यांची संख्या सहावर पोहोचली आहे. महिलांच्या तक्रारीनंतर पोलिसांकडून कसून चौकशी सुरू आहे. खराने विद्यार्थिनीलाही सोडलं नसून तिनेही अत्याचाराचे गंभीर आरोप केले आहेत. लग्न, धार्मिक विधी आणि तंत्रमंत्राच्या नावाखाली फसवणूक केल्याचा आरोप महिलांनी केला आहे. अमानुष लैंगिक अत्याचारासोबतच जमिनी खरेदी व्यवहारातही मोठी फसवणूक केल्याचा आरोप खरातवर आहे. पाथर्डी परिसरातील सुमारे 25 एकर जमीन व्यवहार संशयाच्या भोवऱ्यात आहे. कोट्यवधी रुपयांची लूट झाल्याचा शेतकऱ्यांचा दावा आहे. फसवणूक झालेल्या शेतकऱ्यांची जमीन परत देण्याची मागणी केली जात आहे. अशोक खरातची आज पोलीस कोठडीची मुदत संपत असल्याने कोर्टात हजर केलं जाणार आहे. चौकशीसाठी पुन्हा पोलीस कोठडी वाढवण्याची शक्यता आहे. या नव्या तक्रारींमुळे हे प्रकरण अधिक गंभीर बनलं आहे. यासह राज्यातील इतर घडामोडी, देश-विदेशातील अपडेट्स एका क्लिकवर जाणून घ्या..
Published On - Mar 24,2026 8:03 AM
