Marathi News Photo gallery Kishore Kumar Suffered First Heart Attack After Son Amit Kumars Wedding Was Called Off Reveals Singer
लग्नाच्या १० दिवसआधी कळालं सुनेचं सत्य, किशोर कुमार यांना बसला धक्का, थोडक्यात वाचला जीव!
अमित कुमारचे लग्न मोडल्याच्या बातमीने किशोर कुमार यांना इतका धक्का बसला की त्यांना पहिला हृदयविकाराचा झटका आला होता. आता नेमकं काय झालं होतं जाणून घ्या...
किशोर कुमार यांचे व्यावसायिक जीवन उत्तम होते. त्यांनी गायलेले प्रत्येक गाणे आयकॉनिक आणि अजरामर ठरले. त्यांनी बॉलिवूडला काही सर्वोत्तम गाणी दिली. मात्र वैयक्तिक जीवन संघर्षांनी भरलेले होते. त्यांच्या गाण्यांनी लाखो लोकांना आनंद दिला, पण १९८१ मध्ये जेव्हा त्यांच्या मुलाच्या लग्नाची तयारी सुरु होती तेव्हा त्यांची तब्बेत अचानक बिघडली. ते खूप दुःखात होते. किशोर कुमार यांच्या मुलाने स्वत:याबाबत खुलासा केला आहे.
1 / 5
किशोर कुमार यांचा मुलगा अमित कुमार यांनी रेडिओ नशाला दिलेल्या मुलाखतीत सांगितले की, कसा एक आनंदाचा क्षण कुटुंबीयांसाठी संकटात बदलला. लग्न मोडणे हे त्याच्या वडिलांसाठी जीवन-मृत्यूचा प्रश्न बनले.
2 / 5
किशोर कुमार यांच्या मुलाच्या लग्नापूर्वी काही दिवस अगोदरच सुनेचे सत्य समोर आले. मुलाचे ज्या मुलीशी लग्न ठरले होते ती आधीच विवाहित होती. या गोष्टीने लग्नची पूर्ण तयारी, पैसेच वाया गेले नाहीत तर किशोर कुमार यांच्या आरोग्यावरही वाईट परिणाम झाला आणि त्यांना पहिला हृदयविकाराचा झटका आला.
3 / 5
ही घटना त्यामुळेही अधिक दुःखद होती कारण किशोर कुमार या लग्नाची आतुरतेने वाट पाहत होते आणि लग्नानंतर खंडव्यातील आपल्या मूळ गावी परतण्याची योजना आखत होते. त्यांनी मुलाला सांगितले होते की, लग्नानंतर ते खंडव्यात राहतील आणि मुलाने तिथे येऊन भेटावे. लग्नाची आमंत्रण पत्रिका वाटल्यानंतर ही बातमी समोर आली आणि आनंदाचे वातावरण दुःखात बदलले.
4 / 5
अमित कुमार हे प्लेबॅक सिंगर, अभिनेते आणि संगीतकार आहेत. अमित म्हणाले, “पप्पा हे सर्व सहन करू शकले नाहीत. ज्या दिवशी माझे लग्न ठरले, त्याच दिवशी त्यांनी कोलकाता जाण्याचा हट्ट धरला. ते म्हणाले, ‘मी २४ जानेवारीला कोलकाता जाईन आणि तुझ्यासाठी मुलगी शोधेन.’ अमित यांनी त्यांना थांबवण्याचा प्रयत्न केला, पण किशोर ऐकले नाहीत. त्यांनी विमानाचे तिकिट काढले, कोलकाताला गेले आणि तेथे त्यांना हृदयविकाराचा झटका आला. त्यानंतर त्यांना तातडीने रुग्णालयात दाखल करण्यात आले. हृदयविकारानंतर त्यांचा जीव वाचली खरा, पण त्यानंतर ते सतत कमकुवत होत गेले.”
