GT vs MI Score Updates And Highlights, IPL 2026: मुंबईचा जबरदस्त विजय, गुजरातला 99 धावांनी लोळवलं
Gujarat Titans vs Mumbai Indians Indian Premier League 2026 Score and Highlights In Marathi: मुंबई इंडियन्ससाठी सलग 4 सामने गमावल्याने गुजरात विरुद्धचा सामना हा फार महत्त्वाचा होता. मात्र मुंबईने जोरदार कमबॅक करत गुजरातवर एकतर्फी विजय मिळवला. मुंबईचा हा या मोसमातील एकूण दुसरा विजय ठरला.
हार्दिक पंड्या याच्या नेतृत्वात मुंबई इंडियन्सने सोमवारी 20 एप्रिलला होम टीम गुजरात टायन्टसचा विजयरथ रोखून आयपीएल स्पर्धेच्या 19 व्या मोसमातील एकूण दुसरा विजय मिळवला. मुबईने तिलक वर्मा याच्या नाबाद शतकाच्या जोरावर 20 ओव्हरमध्ये 199 धावा केल्या. त्यामुळे गुजरातला कट टु कट 200 धावांचं आव्हान मिळालं होतं. मात्र मुंबईच्या गोलंदाजांनी कमाल केली. मुंबईेच्या गोलंदाजांनी अहमदाबादमधील नरेंद्र मोदी स्टेडियममध्ये गुजरातला 15.5 ओव्हरमध्ये 100 रन्सवर ऑलआऊट केलं. मुंबईने अशाप्रकारे हा सामना 99 धावांनी जिंकला. मुंबईने या विजयासह 3 संघांना मागे टाकत पॉइंट्स टेबलमध्ये सातव्या स्थानी झेप घेतली आहे.
LIVE Cricket Score & Updates
-
GT vs MI Live Score Updates, IPL 2026 : मुंबईचा जबरदस्त विजय, गुजरातला 99 धावांनी लोळवलं
मुंबई इंडियन्सने गुजरात टायटन्सचा 99 धावांनी धुव्वा उडवत 19 व्या मोसमातील एकूण दुसरा विजय मिळवला आहे. मुंबईने गुजरातसमोर 200 धावांचं आव्हान ठेवलं होतं. मात्र गुजरातला 100 धावाच करता आल्या.
-
GT vs MI Live Score Updates, IPL 2026 : गुजरातला आठवा झटका, अश्वनीला चौथी विकेट
अश्वनी कुमार याने शाहरुख खान याला आऊट करत गुजरातला आठवा झटका दिला आहे. अश्वनी कुमार याची ही चौथी विकेट ठरली. मुंबईने यासह मोठ्या विजयाच्या दिशेने वाटचाल सुरु केली आहे.
-
-
GT vs MI Live Score Updates, IPL 2026 : गुजरातला सातवा धक्का, मुंबई विजयाच्या दिशेने
अश्वनी कुमार याने राशिद खान याला आऊट केलंय. गुजरातनने राशिदच्या रुपात सातवी विकेट गमावली. मुंबईने यासह विजयाच्या दिशेने 1 पाऊल पुढे टाकलंय. मुंबई हा सामना किती ओव्हरमध्ये संपवते हे पाहणं महत्त्वाचं ठरणार आहे.
-
GT vs MI Live Score Updates, IPL 2026 : गुजरातला सहावा धक्का, राहुल तेवतिया आऊट
अश्वनी कुमार याने राहुल तेवतिया याला आऊट करत गुजरातला सहावा झटका दिला आहे. राहुल तेवतिया अश्वनीची दुसरी शिकार ठरला. राहुलने 8 धावा केल्या. मुंबईने यासह विजयाच्या दिशेने वाटचाल सुरु केली आहे.
-
GT vs MI Live Score Updates, IPL 2026 : मिचेल सँटनरचा धमाका, गुजरातला एकाच ओव्हरमध्ये 2 झटके
फिरकीपटू मिचेल सँटनर याने एकाच ओव्हरमध्ये 2 झटके देत गुजरातला आणखी बॅकफुटवर ढकललं आहे. मिचेलने आधी वॉशिंग्टन सुंदर याला आऊट केलं. त्यानंतर सँटनरने ग्लेन फिलिप्स याला मैदानाबाहेरचा रस्ता दाखवला. त्यामुळे गुजरातची 7.4 ओव्हरमध्ये 5 आऊट 55 अशी स्थिती झाली आहे.
-
-
GT vs MI Live Score Updates, IPL 2026 : कॅप्टन शुबमन गिल आऊट, गुजरातला पावरप्लेमध्ये तिसरा झटका
जसप्रीत बुमराह, हार्दिक पंड्या याच्यानंतर अश्वनी कुमार यानेही आपल्या कोट्यातील पहिल्या ओव्हरमध्ये विकेट मिळवली आहे. अश्वनीने गुजरातचा कॅप्टन शुबमन गिल याला आऊट केलं. अश्वनीने शुबमनला नमन धीर याच्या हाती 14 रन्सवर कॅच आऊट केलं. त्यामुळे गुजरातची स्थिती 4.4 ओव्हरनंतर 3 आऊट 40 अशी स्थिती झाली आहे.
-
GT vs MI Live Score Updates, IPL 2026 : बुमराहनंतर हार्दिकची कमाल, गुजरातला दुसरा धक्का, जोस बटलर आऊट
जसप्रीत बुमराह याने साई सुदर्शन याला आऊट करत गुजरातला पहिल्याच बॉलवर आऊट केलं. त्यानंतर कॅप्टन हार्दिक पंड्या याने सामन्यातील दुसऱ्याच ओव्हरमध्ये गुजरातला दुसरा झटका दिला. हार्दिकने जोस बटलर याला 5 रन्सवर एलबीडब्ल्यू केलं.
-
GT vs MI Live Score Updates, IPL 2026 : बुमराहची कमाल, गुजरातला पहिल्याच बॉलवर झटका
मुंबई इंडियन्सने सामन्यातील दुसऱ्या डावाची अप्रतिम सुरुवात केली आहे. जसप्रीत बुमराह याने डावातील पहिल्याच बॉलवर साई सुदर्शन याला कृष भगत याच्या हाती कॅच आऊट केलं.
-
GT vs MI Live Score Updates, IPL 2026 : तिलक वर्माचं नाबाद शतक, मुंबईच्या गुजरात विरुद्ध 20 ओव्हरमध्ये 199 धावा
तिलक वर्मा याने मुंबईच्या डावातील शेवटच्या चेंडूवर चौकार ठोकत नाबाद शतक झळकावलं. यासह मुंबईने 20 ओव्हरमध्ये 5 विकेट्स गमावून 199 धावा केल्या आहेत. त्यामुळे गुजरातला विजयासाठी कट टु कट 200 धावांचं आव्हान मिळालं आहे. आता मुंबई-गुजरातपैकी कोणता संघ विजयी होतो हे पाहणं महत्त्वाचं ठरणार आहे.
-
GT vs MI Live Score Updates, IPL 2026 : कॅप्टन हार्दिक आऊट, मुंबईला पाचवा झटका
मुंबईने कॅप्टन हार्दिक पंड्या याच्या रुपात पाचवी विकेट गमावली आहे. मोहम्मद सिराज याने हार्दिकला 15 रन्सवर आऊट केलं. हार्दिकने 16 चेंडूत ही संथ खेळी केली.
-
GT vs MI Live Score Updates, IPL 2026 : 6,4,4,6,6,0, तिलक वर्माचा कहर, 18 व्या ओव्हरमध्ये 26 धावा
तिलक वर्मा याने मुंबईच्या डावातील 18 व्या ओव्हरमध्ये अशोक शर्मा याची धुलाई केली. तिलकने या ओव्हरमधील पहिलि्या 5 बॉलमध्ये एकूण 26 धावा जोडल्या. तिलकने पहिल्या 5 चेंडूत 6,4,4,6 आणि 6 अशी फटकेबाजी केली. तर अशोक शर्मा याने शेवटचा बॉल डॉट टाकला.
-
GT vs MI Live Score Updates, IPL 2026 : तिलक वर्माचा झंझावात, 33 चेंडूत अर्धशतक, पलटणला सावरलं
तिलक वर्मा याने निर्णायक क्षणी फटकेबाजी करत मुंबईचा डाव सावरत अर्धशतक झळकावलं आहे. तिलकने षटकार ठोकून 33 चेंडूत अर्धशतक पूर्ण केलं आहे. तिलकचं 19 व्या मोसमातील हे पहिलवहिलं अर्धशतक ठरलं आहे.
-
GT vs MI Live Score Updates, IPL 2026 : तिलक वर्माची फटकेबाजी, सोबतीला कॅप्टन हार्दिक, मुंबई किती धावा करणार?
तिलक वर्मा आणि हार्दिक पंड्या या दोघांनी 15 ओव्हरपर्यंत मुंबईला 4 आऊट 122 रन्सपर्यंत पोहचवलं आहे. तिलक वर्मा 36 तर हार्दिक 4 रन्सवर नॉट आऊट खेळत आहेत. त्यामुळे मुंबई शेवटच्या 30 बॉलमध्ये किती धावा जोडणार? हे पाहणं महत्त्वाचं ठरणार आहे.
-
GT vs MI Live Score Updates, IPL 2026 : सेट नमन धीर आऊट, मुंबईला चौथा झटका, पलटण पुन्हा बॅकफुटवर
प्रसिध कृष्णा याने सेट नमन धीर याला आऊट करत मुंबईला चौथा झटका दिला आहे. प्रसिधने नमनला कगिसो रबाडा याच्या हाती कॅच आऊट केलं आहे. नमनने 32 बॉलमध्ये 45 रन्स केल्या.
-
GT vs MI Live Score Updates, IPL 2026 : मुंबईला तिसरा झटका, सूर्यकुमार यादव आऊट, रबाडाचा कहर
वेगवान गोलंदाज कगिसो रबाडा याने मुंबईच्या टॉप ऑर्डरचं कंबरडं मोडलं आहे. रबाडाने दानिश मालेवार, क्विंटन डी कॉक याच्यानंतर आता सूर्यकुमार यादव याला आऊट करत मुंबईला तिसरा झटका दिला आहे. सूर्यकुमार यादव याने पुन्हा पलटणची निराशा केली. सूर्या 15 धावांवर आऊट झाला.
-
GT vs MI Live Score Updates, IPL 2026 : मुंबईला दुसरा झटका, क्विंटन डी कॉक आऊट, सलामी जोडी माघारी
कगिसो रबाडा याने मुंबईला 2 झटके देत सलामी जोडीला मैदानाबाहेरचा रस्ता दाखवला आहे. रबाडाने डेब्यूटंट दानिश मालेवार याच्यानंतरत क्विंटन डी कॉक याला आऊट केलं. क्विंटननंतर सूर्यकुमार यादव मैदानात आला आहे.
-
GT vs MI Live Updates, IPL 2026 : मुंबईला पहिला झटका, डेब्यूटंट दानिश मालेवार 2 धावांवर आऊट
गुजरातने मुंबई इंडियन्सला दुसऱ्याच ओव्हरमध्ये पहिला झटका दिला आहे. कगिसो रबाडा याने मुंबईच्या डावातील दुसऱ्या ओव्हरमधील पाचव्या बॉलवर डेब्यूटंट दानिश मालेवार याला 2 रन्सवर एलबीडब्ल्यू आऊट केलं आहे.
-
GT vs MI Live Updates, IPL 2026 : सामन्याला सुरुवात, मुंबईची बॅटिंग, क्विंटन-दानिश सलामी जोडी मैदानात
गुजरात टायन्टस विरुद्ध मुंबई इंडियन्स सामन्याला सुरुवात झाली आहे. गुजरातने टॉस जिंकून मुंबईला बॅटिंगसाठी भाग पाडलं आहे. मुंबईकडून क्विंटन डी कॉक आणि डेब्यूटंट दानिश मालेवार ही सलामी जोडी मैदानात आली आहे.
-
GT vs MI Live Updates, IPL 2026 : मुंबई इंडियन्स प्लेइंग ईलेव्हन
मुंबई इंडियन्स प्लेइंग ईलेव्हन : दानिश मालेवार, क्विंटन डी कॉक (विकेटकीपर), नमन धीर, सूर्यकुमार यादव, हार्दिक पंड्या (कर्णधार), तिलक वर्मा, शेरफेन रदरफोर्ड, मिचेल सँटनर, क्रिश भगत, जसप्रीत बुमराह, अल्लाह गझनफर.
-
GT vs MI Live Updates, IPL 2026 : गुजरात टायटन्स प्लेइंग ईलेव्हन
गुजरात टायटन्स प्लेइंग ईलेव्हन : शुबमन गिल (कॅप्टन), साई सुदर्शन, जोस बटलर (विकेटकीपर), वॉशिंग्टन सुंदर, ग्लेन फिलिप्स, शाहरुख खान, रशीद खान, मोहम्मद सिराज, कागिसो रबाडा, प्रसीद कृष्णा आणि अशोक शर्मा.
-
GT vs MI Live Updates, IPL 2026 : गुजरातने टॉस जिंकला, कॅप्टन शुबमनचा बॉलिंगचा निर्णय
गुजरात टायटन्सने मुंबई इंडियन्स विरुद्ध टॉस जिंकला आहे. कॅप्टन शुबमन गिल याने फिल्डिंगचा निर्णय घेत मुंबई इंडियन्सला बॅटिंगसाठी भाग पाडलं आहे.
-
GT vs MI Live Updates, IPL 2026 : गुजरात-मुंबई सामना, थोड्याच वेळात टॉस
गुजरात विरुद्ध मुंबई सामन्यातील टॉस थोड्याच वेळात होणार आहे. संध्याकाळी 7 वाजता टॉस होणार आहे. या सामन्यात कुणाच्या बाजूने नाणेफेकीचा कौल लागतो हे पाहणं महत्त्वाचं ठरणार आहे.
-
GT vs MI Live Updates, IPL 2026 : गुजरात टायटन्स टीम
शुबमन गिल (कॅप्टन), जोस बटलर (विकेटकीपर), साई सुदर्शन, वॉशिंग्टन सुंदर, ग्लेन फिलिप्स, राहुल तेवतिया, राशिद खान, अशोक शर्मा, कागिसो रबाडा, मोहम्मद सिराज, प्रसीध कृष्ण, शाहरुख खान, इशांत शर्मा, जयंत यादव, जेसन होल्डर, ल्यूक वुड, आर साई किशोर, कुलवंत खेजरोलिया, अनुज रावत, मानव सुथार, कुमार कुशाग्र, अर्शद खान, गुरनूर ब्रार, निशांत सिंधू आणि कॉनर एस्टरहुझेन.
-
GT vs MI Live Updates, IPL 2026 : मुंबई इंडियन्स टीम
मुंबई इंडियन्स टीम : हार्दिक पंड्या (कर्णधार), क्विंटन डी कॉक (विकेटकीपर), रायन रिकेल्टन, तिलक वर्मा, सूर्यकुमार यादव, शेरफेन रुदरफोर्ड, नमन धीर, मयंक रावत, शार्दुल ठाकूर, दीपक चहर, जसप्रीत बुमराह, रोहित शर्मा, ट्रेंट बोल्ट, कॉर्बिन बॉश, मिचेल सँटनर, अश्वनी कुमार, विल जॅक्स, मयंक मार्कंडे, रघु शर्मा, राज बावा, रॉबिन मिन्झ, एएम गझनफर, दानिश मलेवार, क्रिश भगत आणि मोहम्मद सलाहुद्दीन इझार.
-
GT vs MI Live Updates, IPL 2026 : गुजरात-मुंबई आमनेसामने, कोण जिंकणार?
गुजरात टायटन्स आयपीएल 2026 स्पर्धेतील आपल्या सहाव्या सामन्यात घरच्या मैदानात मुंबई इंडियन्स विरुद्ध खेळणार आहे. हा सामना अहमदाबादमधील नरेंद्र मोदी स्टेडियममध्ये आयोजित करण्यात आला आहे.
Published On - Apr 20,2026 6:09 PM
