India vs New Zealand T20I Score Updates: न्यूझीलंडचा विशाखापट्टणममध्ये विजय, भारतावर 50 धावांनी मात
India vs New Zealand T20I Score Updates and Highlights in Marathi: विशाखापट्टणममध्ये न्यूझीलंडने भारतावर 50 धावांनी मात केली. न्यूझीलंडने यासह या 5 सामन्यांच्या टी 20i मालिकेत विजयाचं खातं उघडत भारताला सलग चौथा सामना जिंकण्यापासून रोखलं.
टीम इंडिया न्यूझीलंड विरुद्ध 5 सामन्यांच्या टी 20i मालिकेत सलग चौथा विजय मिळवण्यात अपयशी ठरली आहे. न्यूझीलंडने भारताला सलग चौथा सामना जिंकण्यापासून रोखत विजयाचं खातं उघडलं आहे. न्यूझीलंडने भारतासमोर विशाखापट्टणममधील एसीए-व्हीडीसीए क्रिकेट स्टेडियममध्ये 216 धावांचं आव्हान ठेवलं होतं. मात्र न्यूझीलंडच्या गोलंदाजांनी टीम इंडियाला 18.4 ओव्हरमध्येच ऑलआऊट केलं. भारताला 165 धावाच करता आल्या. भारतासाठी शिवम दुबे याने स्फोटक खेळी करुन विजयाच्या आशा कायम ठेवल्या होत्या. मात्र शिवम आऊट झाल्यानंतर भारताचा पराभव निश्चित झाला. शिवमने भारतासाठी सर्वाधिक धावा केल्या. शिवमने 23 बॉलमध्ये 7 सिक्स आणि 3 फोरसह एकूण 65 धावा केल्या. मात्र त्याला दुसऱ्या बाजूने विजयी धावांच्या तुलनेत अपेक्षित साथ मिळाली नाही. तसेच प्रमुख फलंदाजांनीही निराशा केली. मात्र यानंतरही टीम इंडिया या मालिकेत 3-1 ने आघाडीवर आहे. उभयसंघातील पाचवा आणि अंतिम सामना हा शनिवारी 31 जानवेारीला होणार आहे.
LIVE Cricket Score & Updates
-
अजितदादा हे कणखर नेते होते – आमदार नारायण पाटील
उपमुख्यमंत्री अजित पवार यांच्या निधनावर बोलताना आमदार नारायण पाटील यांनी म्हटले की, अजितदादा हे कणखर नेते होते त्यांच्या हातुन अनेक कामे महाराष्ट्रात केली आहेत. अजित दादाकडे खंबीर नेतृत्व म्हणून संपूर्ण महाराष्ट्र त्यांच्याकडे पाहत होता. रोखठोक बोलणारा नेता गेल्याने आज महाराष्ट्र खऱ्या अर्थाने पोरका झाला.
-
IND vs NZ 4th T20i Live Score Updates : न्यूझीलंडचा विशाखापट्टणममध्ये विजय, भारतावर 50 धावांनी मात
न्यूझीलंडने टीम इंडिया विरुद्धच्या टी 20i मालिकेत अखेर विजयाचं खातं उघडलं आहे. न्यूझीलंडने भारतावर चौथ्या टी 20i सामन्यात 50 धावांनी मात केली आहे. न्यूझीलंडने भारतासमोर 216 धावांचं आव्हान ठेवलं होतं. मात्र न्यूझीलंडने भारताला 18.4 ओव्हरमध्ये 165 रन्सवर ऑलआऊट केलं. यासह न्यूझीलंडने हा सामना 50 धावांनी आपल्या नावावर केला. मात्र यानंतरही टीम इंडिया या मालिकेत 3-1 अशा फरकाने आघाडीवर आहे.
-
-
IND vs NZ 4th T20i Live Score Updates : हर्षित राणा आऊट, टीम इंडिया पराभवाच्या दिशेने
न्यूझीलंडने हर्षित राणा याला आऊट करत भारताला सातवा झटका दिला आहे. हर्षितने 7 धावा केल्या. न्यूझीलंडने यासह विजयाच्या दिशेने वाटचाल सुरु केली आहे. भारताची 216 धावांचा पाठलाग करताना 7 आऊट 157 अशी स्थिती झाली आहे.
-
पवार कुटूंबीयांना यातून सावरण्याची शक्ति मिळो – उदय सामंत
राज्याचे उपमुख्यमंत्री अजित पवार यांचे आज बारामतीजवळ विमान अपघातात निधन झाले. यावर बोलताना उद्योगमंत्री उदय सामंत यांनी म्हटले की, बारामतीत या प्रसंगासाठी यावं लागेल असा स्वप्नात देखील विचार केला नव्हता. काल तीन ते चार वेळा दादांशी फोनवर बोललो. पवार कुटूंबीयांना यातून सावरण्याची शक्ती मिळो.
-
IND vs NZ 4th T20i Live Score Updates : शिवम दुबे रन आऊट, भारताला सहावा झटका
टीम इंडियाचा ऑलराउंडर शिवम दुबे दुर्देवी ठरला आहे. हर्षित राणा याने फटका मारला. त्यानंतर मॅट हॅनरी याने बॉल रोखण्याच्या प्रयत्न केला. या प्रयत्नात बॉलला मॅट हॅन्रीच्या हाताचा स्पर्श झाला. त्यांनतर बॉल जाऊन थेट स्टंपवर लागला. मात्र नॉन स्ट्राईक एंडवर असलेला शिवम दुबे रेषेबाहेर होता. त्यामुळे शिवमला दुर्देवीरित्या रन आऊट होऊन मैदानाबाहेर जावं लागलं. शिवमने 65 धावा केल्या.
-
-
IND vs NZ 4th T20i Live Score Updates : शिवम दुबेचा तडाखा, अवघ्या 15 चेंडूत ठोकलं फायर अर्धशतक, टीम इंडियाचं कमबॅक
टीम इंडियाचा ऑलराउंडर शिवम दुबे याने न्यूझीलंड विरुद्ध अवघ्या 15 चेंडूत चाबूक अर्धशतक झळकावलं आहे. शिवम यासह टीम इंडियासाठी टी 20i मध्ये वेगवान अर्धशतक करणारा तिसरा फलंदाज ठरला. शिवमच्या या खेळीमुळे भारताच्या विजयाच्या आशा अजूनही कायम आहेत.
-
IND vs NZ 4th T20i Live Score Updates : रिंकू सिंह आऊट, भारताचा अर्धा संघ तंबूत, न्यूझीलंड विजयाचं खातं उघडणार?
न्यूझीलंडने भारताला पाचवा झटका देत बॅकफुटवर ढकललं आहे. झॅकरी फॉक्स याने 11 व्या ओव्हरमधील तिसऱ्या बॉलवर रिंकू सिंह याला एलबीडब्ल्यू आऊट केलं. रिंकूने 30 बॉलमध्ये 39 रन्स केल्या.
-
IND vs NZ 4th T20i Live Score Updates : हार्दिक पंड्या आऊट, भारताला चौथा झटका, सूर्यासेना अडचणीत
टीम इंडियाच्या अडचणीत वाढ झाली आहे. न्यूझीलंडने 216 धावांचा पाठलाग करणाऱ्या भारतीय संघाला चौथा झटका झटका दिला आहे. ऑलराउंडर हार्दिक पंड्या आऊट झाला आहे. मिचेल सँटनर याने हार्दिकला झॅकरी फॉल्क्स याच्या हाती 2 धावांवर कॅच आऊट केलं आहे.
-
IND vs NZ 4th T20i Live Score Updates : भारताला तिसरा झटका, संजू सॅमसन आऊट
न्यूझीलंडचा कॅप्टन मिचेल सँटनर याने टीम इंडियाला तिसरा झटका दिला आहे. सँटनरने सातप्या ओव्हरमधील चौथ्या बॉलवर संजू सॅमसन याला बोल्ड केलं आहे. संजूने 15 बॉलमध्ये 24 रन्स केल्या.
-
IND vs NZ 4th T20i Live Score Updates : संजू-रिंकू जोडी जमली, पावरप्लेमध्ये टीम इंडिया 50 पार
न्यूझीलंडने अभिषेक शर्मा (0) आणि कॅप्टन सूर्यकुमार यादव (8) रन्सवर आऊट करत भारताला झटपट 2 झटके दिले. मात्र त्यानंतर संजू सॅमसन आणि रिंकू सिंह या दोघांनी भारताला सावरलं आहे. संजू आणि रिंकूने पावरप्लेमधील 6 ओव्हरमध्ये भारताला 2 विकेट्स गमावून 53 धावांपर्यंत पोहचवलं आहे. संजू 23 आणि रिंकू 22 धावांवर नाबाद खेळत आहेत.
-
IND vs NZ 4th T20i Live Score Updates : भारताला मोठा झटका, अभिषेकनंतर कॅप्टन सूर्या आऊट, न्यूझीलंडची कडक सुरुवात
जेकब डफी याने आपल्याच बॉलिंगवर अप्रतिम कॅच घेत भारताला दुसरा आणि मोठा झटका दिला आहे. डफीने भारताचा कर्णधार सूर्यकुमार यादव याला 8 धावांवर कॅच आऊट केलं.
-
IND vs NZ 4th T20i Live Score Updates : अभिषेक शर्मा गोल्डन डक, भारताला पहिल्याच बॉलवर पहिला झटका
न्यूझीलंडने 216 धावांचा पाठलाग करणाऱ्या टीम इंडियाला पहिल्याच बॉलवर मोठा झटका दिला आहे. न्यूझीलंडच्या मॅट हेन्री याने अभिषेक शर्मा याला डेव्हॉन कॉनव्हे याच्या हाती कॅच आऊट केलं. अभिषेकची या मालिकेत पहिल्याच बॉलवर आऊट होण्याची दुसरी वेळ ठरली.
-
IND vs NZ 4th T20i Live Score Updates : टीम इंडियासमोर चौथ्या टी 20I सामन्यात 216 धावांचं आव्हान
न्यूझीलंडने टीम इंडियासमोर चौथ्या टी 20I सामन्यात विजयासाठी 216 धावांचं आव्हान ठेवलं आहे. न्यूझीलंडने 20 ओव्हरमध्ये 7 विकेट्स गमावून 215 धावा केल्या आहेत. न्यूझीलंडसाठी टीम सायफर्ट याने सर्वाधिक 62 धावा केल्या. तर इतरांनीही योगदान दिलं. तर टीम इंडियाकडून कुलदीप यादव आणि अर्शदीप सिंह या दोघांनी प्रत्येकी 2-2 विकेट्स मिळवल्या. आता टीम इंडिया हे आव्हान पूर्ण करत सलग चौथा विजय मिळवणार का? हे पाहणं महत्त्वाचं ठरणार आहे.
-
IND vs NZ 4th T20i Live Score Updates : झाकरी फाउल्क्स आऊट, न्यूझीलंडला सातवा झटका
अर्शदीप सिंह याने झाकरी फाउल्क्स याला आऊट करत न्यूझीलंडला एकूण सातवा झटका दिला आहे. झाकरीने 1 सिक्स आणि 1 फोरसह 6 बॉलमध्ये 13 रन्स केल्या.
-
IND vs NZ 4th T20i Live Score Updates : हार्दिक पंड्याचा रॉकेट थ्रो, मिचेल सँटनर रन आऊट, न्यूझीलंडला सहावा झटका
टीम इंडियाचा ऑलराउंडर हार्दिक पंड्या याने न्यूझीलंडच्या डावातील 17 व्या ओव्हरमधील पहिल्याच बॉलवर चोरटी धाव घेणाऱ्या कर्णधार मिचेल सँटर याला नॉन स्ट्राईक एंडवर रन आऊट केलं आहे. सँटनर याने 6 चेंडूत 11 धावा केल्या.
-
IND vs NZ 4th T20i Live Score Updates : मार्क चॅपमन आऊट, न्यूझीलंडचा अर्धा संघ तंबूत
रवी बिश्नोई याने चॅपमन याला हर्षित राणा याच्या हाती कॅच आऊट केलं आहे. भारताने यासह न्यूझीलंडला पाचवा झटका दिला आहे. चॅपमन याने 8 बॉलमध्ये 9 धावा केल्या. तर रवीने चॅपमनला आऊट करत या सामन्यातील आपली पहिली विकेट मिळवली.
-
IND vs NZ 4th T20i Live Score Updates : न्यूझीलंडला मोठा झटका, सेट टीम सायफर्ट आऊट, टीम इंडियाचं कमबॅक
अर्शदीप सिंह याने भारताला मोठी विकेट मिळवून दिली आहे. अर्शदीपने सेट ओपनर बॅट्समन टीम सायफर्ट याला रिंकू सिंह याच्या हाती कॅच आऊट करुन न्यूझीलंडला मोठा झटका दिला आहे. भारताने यासह तिसरी तर अर्शदीपने पहिली विकेट मिळवली. सायफर्टने 36 चेंडूत 62 धावा केल्या.
-
IND vs NZ 4th T20i Live Score Updates : न्यूझीलंडला दुसरा झटका, रचीन रवींद्र आऊट, बुमराहला पहिलं यश
जसप्रीत बुमराह याने न्यूझीलंडला 10 व्या ओव्हरमधील पहिल्याच बॉलवर दुसरा झटका दिला आहे. बुमराहने आपल्याच बॉलिंगवर रचीन रवींद्र याला कॅच आऊट केलं आहे. रचीनने 4 बॉलमध्ये 2 रन्स केल्या. बुमराहने यासह या सामन्यातील आपली पहिली विकेट मिळवली.
-
IND vs NZ 4th T20i Live Score Updates : न्यूझीलंडला पहिला झटका, डेव्हॉन कॉनव्हे आऊट
फिरकीपटू कुलदीप यादव याने टीम इंडियसााठी डोकेदुखी ठरलेली न्यूझीलंडची सलामी जोडी फोडली आहे. कॉनव्हेने नवव्या ओव्हरमधील पहिल्या बॉलवर सिक्स लगावला. यासह टीम सायफर्ट आणि डेव्हॉन कॉनव्हे या जोडीने पहिल्या विकेटसाठी शतकी भागीदारी केली. मात्र कुलदीपने कॉनव्हेला दुसऱ्याच बॉलवर रिंकू सिंह याच्या हाती कॅच आऊट केलं. कॉनव्हेने 23 बॉलमध्ये 44 रन्स केल्या.
-
IND vs NZ 4th T20i Live Score Updates : टीम सायफर्टचा अर्धशतकी धमाका, न्यूझीलंडच्या 100 धावा पूर्ण
न्यूझीलंडचा ओपनर टीम सायफर्ट याने अवघ्या 25 चेंडूत विस्फोटक अर्धशतक पूर्ण केलंय. तसेच न्यूझीलंडने नवव्या ओव्हरमधील पहिल्या बॉलवर डेव्हॉन कॉनव्हे याने षटकार लगावला. यासह न्यूझीलंडच्या 100 धावा पूर्ण झाल्या.
-
IND vs NZ 4th T20i Live Score Updates : न्यूझीलंडच्या सलामी जोडीचा पावरमध्ये धमाका, 6 ओव्हरमध्ये 71 धावा
न्यूझीलंडच्या डेव्हॉन कॉनव्हे आणि टीम सायफर्ट या सलामी जोडीने स्फोटक सुरुवात केली आहे. या सलामी जोडीने पावरप्लेचा पूर्ण फायदा घेत भारतीय गोलंदाजांची धुलाई केली आहे. या जोडीने 6 ओव्हरमध्ये बिनबाद 71 धावा केल्या आहेत. सायफर्ट 21 चेंडूत 46 धावांवर नाबद खेळत आहेत. तर कॉनव्हे याने 15 बॉलमध्ये 24 रन्स जोडल्या आहेत.
-
IND vs NZ 4th T20i Live Updates : न्यूझीलंडच्या सलामी जोडीची आक्रमक सुरुवात, टीम इंडिया विकेटच्या शोधात
डेव्हॉन कॉनव्हे आणि टीम सायफर्ट या न्यूझीलंडच्या सलामी जोडीने चौथ्या टी 20i सामन्यात आक्रमक सुरुवात केली आहे. या सलामी जोडीने 3 ओव्हरमध्ये 30 धावा जोडल्या आहेत. त्यामुळे आता टीम इंडियासमोर या भागीदारीला झटपट ब्रेक लावण्याचा प्रयत्न आहे.
-
IND vs NZ 4th T20i Live Updates : सामन्याला सुरुवात, न्यूझीलंडची बॅटिंग, कॉनव्हे-सायफर्ट सलामी जोडी मैदानात
टीम इंडिया विरुद्ध न्यूझीलंड चौथ्या टी 20i सामन्याला सुरुवात झाली आहे. टीम इंडियाने न्यूझीलंडला टॉस जिंकून बॅटिंगसाठी भाग पाडलं आहे. न्यूझीलंडकडून टीम सायफर्ट आणि डेव्हॉन कॉनव्हे ही सलामी जोडी मैदानात आली आहे.
-
IND vs NZ 4th T20i Live Updates : न्यूझीलंड प्लेइंग ईलेव्हन
टीम सायफर्ट (विकेटकीपर), डेव्हॉन कॉनव्हे, रचिन रवींद्र, ग्लेन फिलिप्स, मार्क चॅपमॅन, डॅरिल मिशेल, मिचेल सँटनर (कर्णधार), झॅक्री फाउल्क्स, मॅट हेन्री, ईश सोढी आणि जेकब डफी.
-
IND vs NZ 4th T20i Live Updates : टीम इंडिया प्लेइंग ईलेव्हन
अभिषेक शर्मा, संजू सॅमसन (विकेटकीपर), सूर्यकुमार यादव (कर्णधार), रिंकू सिंग, हार्दिक पांड्या, शिवम दुबे, हर्षित राणा, रवी बिश्नोई, कुलदीप यादव, अर्शदीप सिंग आणि जसप्रीत बुमराह.
-
IND vs NZ 4th T20i Live Updates : भारताच्या बाजूने नाणेफेकीचा कौल, कर्णधार सूर्याचा निर्णय काय?
टीम इंडियाने न्यूझीलंड विरुद्धच्या चौथ्या टी 20I सामन्यात टॉस जिंकला आहे. कर्णधार सूर्यकुमार यादव याने न्यूझीलंड विरुद्ध फिल्डिंग करण्याचा निर्णय घेतला आहे. टीम इंडियाने प्लेइंग ईलेव्हनमध्ये 1 बदल केला आहे. इशान किशन याच्या जागी अर्शदीप सिंग याला संधी देण्यात आली आहे.
-
IND vs NZ 4th T20i Live Updates : टी 20I सीरिजसाठी न्यूझीलंड टीम
डेव्हॉन कॉनव्हे, टीम सायफर्ट (विकेटकीपर), रचिन रवींद्र, ग्लेन फिलिप्स, मार्क चॅपमन, डॅरिल मिचेल, मिचेल सँटनर (कर्णधार), काइल जेमिसन, मॅट हेन्री, ईश सोधी, जेकब डफी, जेम्स नीशम, मायकेल ब्रेसवेल, लॉकी फर्ग्युसन, झॅक्री फाउल्क्स आणि बेव्हॉन जेकब्स.
-
IND vs NZ 4th T20i Live Updates : टी 20I सीरिजसाठी टीम इंडिया
संजू सॅमसन (विकेटकीपर), अभिषेक शर्मा, इशान किशन, सूर्यकुमार यादव (कर्णधार), शिवम दुबे, हार्दिक पंड्या, रिंकू सिंग, हर्षित राणा, रवी बिश्नोई, कुलदीप यादव, जसप्रीत बुमराह, अक्षर पटेल, श्रेयस अय्यर, वरुण चक्रवर्ती आणि अर्शदीप सिंग.
-
IND vs NZ 4th T20i Live Updates : भारत विरुद्ध न्यूझीलंड चौथा सामना
भारत विरुद्ध न्यूझीलंड यांच्यातील चौथ्या टी 20i सामन्याला थोड्याच वेळात सुरुवात होणार आहे. सामन्याला संध्याकाळी 7 वाजता सुरुवात होईल. तर 6 वाजून 30 मिनिटांनी टॉस उडवण्यात येईल.
Published On - Jan 28,2026 5:59 PM
