Marathi News Sports Cricket news Virat kohli became highest run scorer asian captain in south africa defeats sourav ganguly dhoni ranatunga
IND vs SA: शतक हुकलं तरी कोहलीच्या नावे ‘विराट’ विक्रम, गांगुली, धोनी, रणतुंगाला मागे टाकलं
दक्षिण आफ्रिकेविरुद्धच्या केपटाऊन कसोटीच्या पहिल्या डावात विराट कोहलीने 79 धावा केल्या. 2022 मध्ये खेळलेला हा त्याचा पहिला डाव देखील होता आणि गेल्या 2 वर्षातील सर्वात मोठी खेळीदेखील.
TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम |
Updated on: Jan 12, 2022 | 10:52 AM
Share
दक्षिण आफ्रिकेविरुद्धच्या केपटाऊन कसोटीच्या पहिल्या डावात विराट कोहलीने 79 धावा केल्या. 2022 मध्ये खेळलेला हा त्याचा पहिला डाव देखील होता आणि गेल्या 2 वर्षातील सर्वात मोठी खेळीदेखील. केपटाऊनमध्ये विराटचे शतक हुकले असले तरी एक मोठा विक्रम त्याने आपल्या नावावर केला.
1 / 5
विराट कोहलीने केपटाऊन कसोटीच्या पहिल्या डावात 79 धावा करत सौरव गांगुलीचा विक्रम मोडला. हा विक्रम तिन्ही फॉरमॅटमध्ये सर्वाधिक धावा करणाऱ्या आशियाई कर्णधाराशी संबंधित आहे. विराट आता या बाबतीत नंबर वन बनला आहे.
2 / 5
सौरव गांगुलीने दक्षिण आफ्रिकेत क्रिकेटच्या सर्व फॉरमॅट मिळून 911 धावा केल्या आहेत. विराट कोहलीने आता हा विक्रम आपल्या नावावर केला आहे. विराटने आता आफ्रिकेच्या भूमीवर सर्व फॉरमॅटमध्ये मिळून 1003 धावा केल्या आहेत.
3 / 5
या बाबतीत विराट आणि गांगुलीनंतर श्रीलंकेचा माजी कर्णधार अर्जुन रणतुंगा तिसऱ्या क्रमांकावर आहे, ज्याने दक्षिण आफ्रिकेत 674 धावा केल्या आहेत. त्यानंतर चौथ्या क्रमांकावर श्रीलंकेचा माजी कर्णधार सनथ जयसूर्या आहे, ज्याने तेथे 637 धावा केल्या आहेत.
4 / 5
धोनीने दक्षिण आफ्रिकेत सर्व फॉरमॅटमध्ये मिळून 592 धावा केल्या आहेत. आणि तिथे सर्वाधिक धावा करणाऱ्या कर्णधारांच्या यादीत तो 5 व्या क्रमांकावर आहे.