Pratibha Pawar In Ajit Pawar Funeral : अजितदादांना अखेरचा निरोप देतांना प्रतिभा पवारांना अश्रु अनावर

अजित पवार यांच्या पार्थिवावर अंत्यसंस्कारासाठी विद्या प्रतिष्ठानच्या मैदानावर लाखोंचा जनसमुदाय जमला आहे. हा अंत्यसंस्कार शासकीय इतमामात आणि पूर्ण मानवंदनेसह पार पडणार आहे, ज्यासाठी कडेकोट व्यवस्था करण्यात आली आहे. समारंभातील शिस्त राखण्यासाठी उपस्थित मान्यवरांना विशिष्ट सूचना देण्यात आल्या आहेत. केवळ पवार कुटुंबीयांनाच चौथऱ्यावर उपस्थित राहण्याची परवानगी आहे. इतर कोणत्याही मान्यवरांनी नाव न घेता पुढे येऊ नये, अशी विनंती करण्यात आली आहे.

या शोकसभेदरम्यान, केंद्रीय गृहमंत्री अमित शाह सुरुवातीला पुष्पचक्र अर्पण करून अजित पवार यांना श्रद्धांजली वाहतील. त्यानंतर नामोल्लेख केलेल्या इतर महत्त्वाच्या व्यक्तींना श्रद्धांजली वाहण्यासाठी पुढे येण्याची संधी दिली जाईल. ही संपूर्ण प्रक्रिया शासकीय प्रोटोकॉलनुसार पार पडत आहे. अजित पवार यांच्या निधनामुळे राष्ट्रवादी काँग्रेस (NCP) मध्ये शोककळा पसरली असून, बारामती आणि त्यांच्या मूळ गाव काटेवाडी येथेही दुःखाचे वातावरण आहे. महाराष्ट्राचे लक्ष या अंत्यविधीकडे लागले आहे.