Akola Muncipal Election : 80 पैकी 43 जागांवर भाजप पुढे! अकोल्यातले सर्व कल हाती!

महाराष्ट्र निवडणूक 2026 च्या अकोला महानगरपालिका निकालांचे प्राथमिक कल आता पूर्णपणे हाती आले आहेत. एकूण 80 जागांपैकी भारतीय जनता पक्षाने (भाजप) 43 जागांवर स्पष्ट आघाडी घेतली आहे, ज्यामुळे अकोल्यामध्ये भाजप पुन्हा एकदा सत्तेत येण्याची शक्यता वर्तवली जात आहे.

या निकालांनुसार, काँग्रेसला 13 जागांवर आघाडी मिळाली आहे, तर ठाकरे गटाचे 5 उमेदवार पुढे आहेत. अकोल्यातील या निकालांमुळे भाजप कार्यकर्त्यांमध्ये उत्साहाचे वातावरण आहे. राज्याच्या एकूण 29 महानगरपालिकांपैकी 26 ठिकाणी भाजप आघाडीवर असून, अकोल्यातही भाजपने मजबूत पकड घेतल्याचे दिसत आहे.

यापूर्वी अकोल्यातील अकोटमध्ये भाजप आणि एमआयएम यांच्यातील युती तुटली होती. मात्र, नगरपरिषदांमध्ये आणि आता महानगरपालिकेच्या कलांमध्ये भाजपचा जलवा पुन्हा दिसून आला आहे. हे कल दर्शवतात की, अकोल्याची महापालिका पुन्हा भाजपकडे येण्याची चिन्हे आहेत.