सिंधुदुर्ग : केंद्रीय निवडणूक आयोगाने एकनाथ शिंदे यांच्या गटाला शिवसेना पक्षाचं नाव आणि चिन्ह दिल्यानंतर ठाकरे गटात एकच खळबळ उडाली. तर केंद्रीय निवडणूक आयोगाने दिलेल्या निकालाविरोधात उद्धव ठाकरे यांनी सुप्रीम कोर्टात याचिका दाखल केली आहे. अशातच भाजप नेते नितेश राणे यांनी उद्धव ठाकरे यांच्या हातून शिवसेना नाव आणि धनुष्यबाण चिन्ह जाताच माध्यमांना प्रतिक्रिया दिली आहे. माझा हा हसरा चेहरा उद्धव ठाकरे आणि आदित्य ठाकरे यांना पाठवा असे म्हणत आता शिंदे गट नाही तर शिवसेना म्हणायचे असे माध्यमांच्या प्रतिनिधींना मिश्किलपणे सांगितले. पुढे ते म्हणाले, आता उद्धव ठाकरे यांच्याकडे काहीच राहिलेले नाही त्यामुळे आदित्य ठाकरे यांनी एकनाथ शिंदे यांच्याकडील शिवसेनेत यावे असे नितेश राणे यांनी म्हटले आहे.