Manoj Jarange Patil : …नाहीतर तुझं पुढचं करिअर आऊट.. त्या पोरीला कसा त्रास देतो, मी सर्व बाहेर काढेन; जरांगेंचा थेट मुंडेंना इशारा

मनोज जरांगे पाटील यांनी राष्ट्रवादी काँग्रेसचे नेते धनंजय मुंडे यांना तीव्र शब्दात इशारा दिला आहे. मराठा आरक्षणासंदर्भात धनंजय मुंडे यांनी केलेल्या वक्तव्यावर प्रतिक्रिया देताना, जरांगे पाटील यांनी “माझ्या नादी लागू नका” असे म्हटले आहे. जरांगे पाटील यांनी मुंडे यांच्यावर गंभीर आरोप करत म्हटले की, “तुमचे हात रक्ताने भरलेले आहेत. मला सर्व माहिती आहे आणि मी ते सर्व बाहेर काढेन.” काही लोकांना आरक्षणाचा फायदा घेऊन ओबीसी प्रवर्गातून लाभ घेण्याची इच्छा आहे, असा आरोपही त्यांनी केला.

धनंजय मुंडे हे पवित्र मेळाव्यात कोणते फोटो घेऊन लोकांना नाचायला लावतात आणि काही जणांना कसे त्रास देतात, हे आपल्याला माहीत असल्याचे जरांगे पाटील यांनी नमूद केले. जर धनंजय मुंडे यांनी आपल्या नादाला लागण्याचा प्रयत्न केला, तर त्यांचे पुढील राजकीय करिअर संपवून टाकू, असा थेट इशारा मनोज जरांगे पाटील यांनी दिला. त्यांनी मुंडे यांना स्वतःच्या कामाकडे लक्ष देण्याचा सल्लाही दिला. मराठा आरक्षणाच्या मुद्द्यावरून हे दोन्ही नेते पुन्हा एकदा आमनेसामने आले आहेत.