Thackeray Brothers Unite: ठाकरे बंधूंच्या ऐतिहासिक युतीच्या घोषणेपूर्वी राज अन् उद्धव ठाकरे यांचा एकत्र प्रवास, बघा VIDEO

राज ठाकरे आणि उद्धव ठाकरे आज बाळासाहेब ठाकरे यांच्या स्मृतीला वंदन करण्यासाठी शिवतीर्थावर एकत्र निघाले आहेत. संजय राऊत यांनी या प्रसंगाला आमचे राम लक्ष्मण एकत्र आलेले आहेत असे संबोधले आहे. दोन्ही बंधू एकाच गाडीतून प्रवास करत असून, यानंतर एका पत्रकार परिषदेत मनसे आणि ठाकरेंच्या शिवसेनेच्या राजकीय युतीची घोषणा अपेक्षित आहे. अनेक दिवसांपासून या युतीची उत्सुकता होती, ती आज अखेर पूर्ण होत आहे. ही युती आगामी मुंबई महापालिका निवडणुकांसाठी महत्त्वाची मानली जात आहे. राज ठाकरे आणि उद्धव ठाकरे यांच्या एकत्र येण्यामुळे महाराष्ट्राच्या राजकारणात नवे समीकरण तयार होणार असून, महापालिका निवडणुकीत हा करिष्मा दिसणार का, याकडे सर्वांचे लक्ष लागले आहे. जागा वाटपाचा फॉर्म्युला पत्रकार परिषदेत स्पष्ट होण्याची शक्यता आहे.