Maharashtra Municipal Election Results 2026 : पिंपरीमधून विलास लांडेंचे पुतणे पिछाडीवर

महाराष्ट्र स्थानिक स्वराज्य संस्था निवडणूक २०२६ च्या मतमोजणीचे कल हाती येत असून, अनेक ठिकाणी नाट्यमय घडामोडी पाहायला मिळत आहेत. पिंपरी-चिंचवडमध्ये प्रभाग ७ मधून विलास लांडेंचे पुतणे पिछाडीवर पडल्याचे समोर आले आहे.

मुंबईत विविध प्रभागांमधून महत्त्वाचे कल प्राप्त झाले आहेत. प्रभाग ३७ मध्ये ठाकरेंच्या शिवसेनेच्या योगिता कदम आघाडीवर आहेत, तर प्रभाग ३६ मध्ये मनसेचे उमेदवार पुढे आहेत. प्रभाग ३३ मध्ये भाजपचे उज्वल वैती आणि प्रभाग १० मध्ये भाजपचे जितेंद्र पटेल आघाडीवर आहेत. मुंबई प्रभाग ८७ मध्ये भाजपचे कृष्णा पारकर आघाडीवर असल्याचे दिसून येते.

या निवडणुकीत पुण्यातील निकालांनी धक्का दिला आहे. राष्ट्रवादी काँग्रेसचे नेते अजित पवार यांच्यासाठी हा मोठा धक्का मानला जात आहे. मागच्या वेळी ४२ जागांवर आघाडी मिळवणाऱ्या राष्ट्रवादीला यावेळी केवळ तीन जागांवर आघाडी मिळाली आहे, तर भाजपने तब्बल ४७ जागांवर आघाडी घेऊन जोरदार मुसंडी मारली आहे. एकूण १५९ जागांचे कल हाती आले असून, भाजप-शिंदे युतीने चांगली कामगिरी केली आहे.