Rajgurunagar Local Election : राजगुरुनगरमध्ये वळसे-पाटील अन् अमोल कोल्हेंची प्रतिष्ठा पणाला, निकालाची उत्कंठा शिगेला

आज महाराष्ट्रात स्थानिक स्वराज्य संस्थांच्या निवडणुकांचे निकाल जाहीर होत असून, राजगुरुनगर नगरपरिषदेच्या मतमोजणीकडे सर्वांचे लक्ष लागले आहे. नगराध्यक्ष पदासह नगरसेवक पदावर कोण बाजी मारणार हे पाहणे महत्त्वाचे ठरणार आहे. या निवडणुकीत माजी मंत्री दिलीप वळसे-पाटील आणि खासदार डॉक्टर अमोल कोल्हे यांची राजकीय प्रतिष्ठा पणाला लागली आहे. तब्बल १९ दिवसांच्या प्रतीक्षेनंतर ईव्हीएम मशीनमधील निकाल समोर येणार असल्यामुळे उमेदवार, नागरिक आणि गावकरी यांच्यात मोठी उत्सुकता आहे. या नगरपरिषद निवडणुकीचे पडसाद आगामी जिल्हा परिषद आणि पंचायत समितीच्या निवडणुकांवर पडणार असल्यामुळे या भागातील राजकीय वर्तुळाला या निकालांचे महत्त्व अनन्यसाधारण वाटते. या निकालांमुळे परिसरातील राजकीय समीकरणे बदलण्याची शक्यता आहे.