संजय राऊतांकडून लुंगी नेसलेला रवींद्र चव्हाणांचा ‘तो’ फोटो टि्वट

संजय राऊत यांनी भाजप नेते रवींद्र चव्हाण यांच्यावर त्यांच्या पेहरावावरून टीका केली आहे. नुकत्याच झालेल्या महायुतीच्या सभेत रवींद्र चव्हाण लुंगी नेसून उपस्थित राहिले होते, ज्यानंतर राऊत यांनी चव्हाणांचा लुंगी नेसलेला फोटो ट्वीट केला.

या ट्वीटमध्ये राऊत यांनी रवींद्र चव्हाण यांच्यावर शाब्दिक हल्ला चढवला. राऊत यांनी आपल्या ट्वीटमध्ये म्हटले आहे की, रवींद्र चव्हाण दाक्षिणात्य पद्धतीची लुंगी नेसून सभेत आले होते. त्यांच्या मते, चव्हाणांना गुडघ्याला मार लागल्यामुळे त्यांनी लुंगी नेसली, पण मोकळा ढाकळा मराठी लेंगा घालणेही शक्य होते. संजय राऊत यांनी या घटनेला “रसमलाई इफेक्ट कंसात अण्णामलाई” असे संबोधत टोला लगावला. रवींद्र चव्हाण यांच्या पेहरावावरून संजय राऊत यांनी केलेल्या या टीकेमुळे राजकीय वर्तुळात चर्चा सुरू झाली आहे.