गडचिरोली-चिमूर लोकसभा ( Gadchiroli–Chimur Lok Sabha Constituency )

गडचिरोली-चिमूर नक्षलग्रस्त भाग 

गडचिरोली-चिमूर लोकसभा ही महाराष्ट्रातील लोकसभेच्या 48 मतदार संघापैकी एक आहे. हा मतदार संघ अनुसूचित जमातीसाठी राखीव आहे. 2002 मध्ये स्थापन झाल्या मतदार संघ पुनर्रचना आयोगाच्या शिफारशीनूसार हा मतदार संघ 19 फेब्रुवारी 2008 रोजी अस्तित्वात आला. गडचिरोली लोकसभा मतदारसंघात गडचिरोली, चंद्रपूर आणि गोंदिया या तीन जिल्ह्यातील अहेरी, गडचिरोली, आरमोरी, ब्रह्मपुरी, चिमूर व आमगाव या सहा विधानसभा मतदारसंघांचा समावेश आहे. जेव्हा गडचिरोली-चिमूर लोकसभा मतदार संघ अस्तित्वात नव्हता तेव्हा तो चंद्रपूर जिल्ह्याचा एक भाग होता, जो महाराष्ट्राच्या विदर्भाचा एक भाग आहे.

पहिल्या निवडणूकीत कॉंग्रेसचा विजय

2009 मध्ये येथे पहिल्यांदाच लोकसभेच्या निवडणुका झाल्या. पहिल्याच निवडणुकीत काँग्रेस पक्षाने मारोतराव कोवासे यांना उमेदवारी दिली होती, तर दुसरीकडे भाजपने अशोक नेटे यांना तिकीट दिले होते. पहिल्याच निवडणुकीत काँग्रेसचा विजय झाला आणि मारोतराव कोवासे खासदार झाले. यानंतर 2014 च्या निवडणुकीची पाळी आली.

मोदीच्या लाटेचा फायदा 

नरेंद्र मोदी यांच्या लाटेत भाजपने 2014 मध्ये पुन्हा एकदा अशोक नेटे यांना तिकीट दिल्यानंतर येथे भाजपाचा विजय झाला. काँग्रेसने नामदेव उसेंडी यांना तिकीट दिले होते, मात्र ते विजयी होऊ शकले नाहीत. निवडणुकीत भाजप उमेदवाराला 5,35,982 मते मिळाली, तर काँग्रेस उमेदवाराला केवळ 2,99,112 मतांवर समाधान मानावे लागले.

2019 मध्ये भाजपने बाजी मारली

2019 च्या सार्वत्रिक निवडणुकीतही भाजपने अशोक नेटे यांना रिंगणात उतरवले, दुसरीकडे काँग्रेसने गतवेळचे पराभूत उमेदवार नामदेव उसेंडी यांना पुन्हा रिंगणात उतरवले, मात्र त्यांना पुन्हा पराभवाला सामोरे जावे लागले आणि ही जागा भाजपच्या ताब्यात गेली. या निवडणुकीत भाजप उमेदवाराला 5,19,968 मते मिळाली, जी एकूण मतांच्या 45.50 टक्के होती.

अनुसूचित जमातीचे मतदारांते प्राबल्य 

या जागेवरील जातीय समीकरणाबद्दल बोलायचे झाले तर 2011 च्या जनगणनेनुसार येथील एकूण मतदारांपैकी 30.1 टक्के मतदार हे अनुसूचित जमातीचे होते. या जागेवर मुस्लिम मतदारांची संख्या सुमारे अडीच ते तीन टक्के आहे.