हातकणंगले लोकसभा सीट ( Hatkanangle Lok Sabha constituency )

इतिहास काय आहे 

हातकणंगले लोकसभा मतदारसंघ हा महाराष्ट्रातील 48 लोकसभा मतदार संघापैकी एक आहे. कोल्हापूर आणि सांगली जिल्ह्यांतील 6 विधानसभा क्षेत्र एकत्र करून या मतदारसंघाची निर्मिती झाली आहे. हातकणंगले हे कोल्हापूर जिल्ह्यातील गाव असून येथे रेल्वे स्टेशन आहे. या जागेवर 1962 मध्ये पहिली लोकसभा निवडणूक झाली होती. हातकणंगले लोकसभा मतदारसंघ 1976 मध्ये पुनर्रचनेत
विसर्जित झाला होता. येथे केवळ तीन वेळा निवडणुका झाल्या होत्या. नवीन पुनर्रचनेत ही जागा 2008 साली पुन्हा अस्तित्वात आला.

निवडणूकांत काय झाले
 
सध्या या जागेवर शिवसेनेचे धैर्यशील माने खासदार आहेत. 2019 च्या निवडणुकीत या जागेवर 17,76,555 मतदार होते. यामध्ये पुरुष मतदार 9,182,95 तर महिला मतदार 8,581,93 होते. शाहूवाडी, हातकणंगले, इचलकरंजी, शिरोळ, इस्लामपूर आणि शिराळा विधानसभा मतदारसंघ एकत्र करून हा लोकसभा मतदार संघ तयार करण्यात आला आहे. 1962 साली येथे पहिली निवडणूक झाली आणि काँग्रेसचे कृष्णाजी लक्ष्मण मोरे खासदार झाले.

1976 मध्ये विसर्जित, 2008 मध्ये पुन्हा अस्तित्वात 

हा मतदार संघ 1976 ते 2004 पर्यंत विसर्जित राहिला. 2008 मध्ये तो पुन्हा अस्तित्वात आला. यापूर्वी 1967 मध्ये किसान अँड लेबर पार्टी ऑफ इंडियाचे एमव्हीआरसी भोसले या जागेवरून खासदार म्हणून निवडून आले होते. 1971 मध्ये काँग्रेसचे दत्तात्रय कदम निवडणूक जिंकून संसदेत पोहोचले. त्यानंतर थेट 2009 साली या जागेवर स्वाभिमानी पक्षाचे राजू शेट्टी विजयी झाले. 2014 मध्येही ते निवडून आले होते. 2019 मध्ये शिवसेनेने ही जागा काबीज केली आणि धैर्यशील माने विजयी झाले.