मुंबई उत्तर लोकसभा (Mumbai North Lok Sabha constituency)

कसा आहे मतदार संघ 

महाराष्ट्रातील मुंबई उपनगर जिल्ह्यातील बोरिवली, दहिसर, मागाठाणे, कांदिवली पूर्व, चारकोप आणि मालाड पश्चिम असे सहा विधानसभा मतदारसंघ मुंबई उत्तर लोकसभा मतदारसंघात येतात. चारकोप परिसर मच्छिमारांची वस्ती आहे. हे एक औद्योगिक क्षेत्र आहे. मालाड पश्चिम येथे 100 वर्षांहून अधिक जुने हनुमान मंदिर आहे.

राम नाईक सलग पाच वेळा खासदार झाले

1989 मध्ये ही जागा भाजपा कडे आली. भाजपचे उमेदवार राम नाईक 1989, 1991, 1996, 1998 आणि 1999 असे सलग पाच वेळा येथून खासदार झाले. त्यांचा विजयी रथ कॉंग्रेसचे उमेदवार चित्रपट अभिनेते गोविंदा यांनी 2004 मध्ये रोखला होता. 2009 मध्येही ही जागा काँग्रेसकडेच राहिली आणि पक्षाचे उमेदवार संजय निरुपम खासदार झाले. 2014 आणि 2019 मध्ये हा मतदार संघ पुन्हा भाजपकडे गेला आणि गोपाळ शेट्टी येथून खासदार आहेत.