रावेर लोकसभा (Raver Lok Sabha Constituency)

रावेर कशासाठी प्रसिध्द 

रावेर लोकसभा मतदार संघ महाराष्ट्रातील जळगाव जिल्ह्यात आहे. रावेरला दत्तात्रयांचे 200 वर्षे जुने मंदिर असून त्याची स्थापना सच्चिदानंद स्वामी महाराजांनी केली होती. रावेर लोकसभा मतदारसंघ 2009 मध्ये अस्तित्वात आला आहे. त्यापूर्वी ही जागा जळगाव लोकसभा मतदार संघा अंतर्गत होती.

निवडणूक इतिहास 

रावेरमध्ये 2009 मध्ये भाजपचे हरिभाऊ जावळे यांनी निवडणूक जिंकली. 2014 च्या लोकसभा निवडणुकीत भाजपने उमेदवार बदलून रक्षा खडसे यांना तिकीट दिले.  

2014 आणि 2019 मध्ये भाजपचा विजय 

2014 मध्ये देशभरात मोदींची लाट असताना भाजपने ही जागा सहज जिंकत रक्षा खडसे खासदार झाल्या. राष्ट्रवादीचे ज्येष्ठ नेते मनीष जैन यांचा 3,18,060 मतांनी पराभव करत रक्षा खडसे विजयी झाल्या. यानंतर 2019 मध्ये भाजपने पुन्हा एकदा खडसे यांना उमेदवारी दिली. खडसे पुन्हा एकदा विजयी होऊन खासदार झाल्या. काँग्रेसचे उमेदवार डॉ. उल्हास वासुदेव पाटील दुसऱ्या क्रमांकावर होते, त्यांना 3,19,504 मते मिळाली.

2019 मध्ये 18 लाख मतदार 

2019 च्या लोकसभा निवडणुकीत रावेर मतदारसंघात एकूण 18 लाख 12 हजार 616 मतदार होते. या मतदार संघात एसटी प्रवर्गाचे सर्वाधिक मतदार आहेत. रावेरच्या एकूण लोकसंख्येमध्ये सुमारे 14.6 टक्के एसटी प्रवर्गाचे मतदार आहेत. यानंतर दुसऱ्या क्रमांकावर मुस्लिम मतदार 14.5 टक्के आहे. एससी प्रवर्गाचे ( अनुसूचित जाती )  मतदार 11.3 टक्के आणि बौद्ध 5.19 टक्के आहेत.