Maharashtra News LIVE : दुर्गाडी मंदिर प्रवेशबंदीवरून कल्याणमध्ये वातावरण तापलं
Maharashtra News LIVE : मालेगाव तालुका हद्दीतील महामार्गावरील व्हायरल व्हिडिओ प्रकरणी दोघा पोलिसांचे निलंबन. काही वाहन चालकांकडून पैसे वसूल केले जात असल्याचा व्हिडिओ व्हायरल झाला होता त्यावरुन झाले निलंबन.
LIVE NEWS & UPDATES
-
जळगाव जिल्ह्यात 791 ग्रामपंचायतींसाठी सार्वत्रिक निवडणुकीची रणधुमाळी
जळगाव जिल्ह्यात मुदत संपलेल्या 791 ग्रामपंचायतींसाठी ‘जुलै’मध्ये सार्वत्रिक निवडणुकीची रणधुमाळी. 791 ग्रामपंचायतीसाठी 12 जून रोजी विशेष ग्रामसभेत काढली जाणार आरक्षण सोडत. 17 जुलै रोजी या निवडणुकीसाठी अंतिम प्रभाग रचना जाहीर होणार आहे. जुलै महिन्यात ‘गावकी’च्या राजकारणाचा ‘माहोल’ तापणार. इच्छुकांनी आतापासूनच सोयीच्या प्रभागांकडे नजरा वळविल्या आहेत.
-
देवनार बकरा मंडीत 70 हजार बकरे अजूनही विक्रीसाठी उपलब्ध
बकरी ईदनिमित्त देवनार बकरा मंडीत खरेदी-विक्रीला प्रचंड वेग. 17 मे पासून सुरू झालेल्या या विशेष बाजारात अंतिम टप्प्यात गर्दी वाढली आहे. अधिकृत लाईव्ह काउंटिंग बोर्डनुसार 1 लाख 45 हजारांहून अधिक बकरे इथे दाखल झालेत. आतापर्यंत ७५ हजार ५०० पेक्षा अधिक बकऱ्यांची विक्री पूर्ण. सुमारे 70 हजार बकरे अजूनही विक्रीसाठी उपलब्ध.
-
-
टायर फुटून कार कंटेनरला धडकली, मिरा-भाईंदर काशिमिरा ब्रीजवर भीषण अपघात
मिरा-भाईंदर काशिमिरा ब्रीजवर भीषण अपघात. ब्रिझा कारचा टायर फुटला आणि कार कंटेनरला धडकली. त्यात 19 वर्षीय मुलगा जागीच ठार तर चार जण जखमी. फाउंटन वरून ठाण्याच्या दिशेने जाणाऱ्या कारचा टायर फुटला आणि मुंबईहून गुजरातच्या दिशेने जाणाऱ्या कंटेनरला कार धडकली. या भीषण अपघातात कारमधील 19 वर्षीय मुलाचा जागीच मृत्यू झाला असून,चार जण जखमी झाले आहेत. जखमींना रुग्णालयात दाखल करण्यात आले आहे, तर मुलाचा मृतदेह सरकारी रुग्णालयात पोस्टमार्टम साठी पाठवण्यात आला आहे.
-
सिंहस्थ कुंभमेळ्याचा ध्वजस्तंभ शिलान्यास सोहळा 11 जूनला
सिंहस्थ कुंभमेळ्याचा ध्वजस्तंभ शिलान्यास सोहळा 11 जूनला. जगद्गुरू श्रीमद् रामानंदाचार्य नरेंद्राचार्यजी महाराज, राज्याचे कुंभमेळा मंत्री गिरीश महाजन यांची प्रमुख उपस्थिती असणार. गंगा गोदावरी पंचकोठी पुरोहित संघ यांच्या वतीने कुंभमेळा ध्वजस्तंभ शिलान्यास पूजन सोहळ्याचे आयोजन. 11 जून रोजी रामकुंडावर ध्वजस्तंभ शिलान्यास पूजन.
-
दुर्गाडी मंदिर प्रवेशबंदीवरून कल्याणमध्ये वातावरण तापलं
दुर्गाडी परिसरात शिवसेना-भाजप-ठाकरे गटाचं आंदोलन. दुर्गाडी मंदिर प्रवेशबंदीवरून कल्याणमध्ये वातावरण तापलं. बकरी ईद निमित्त दुर्गाडी किल्ल्यावर हिंदूंना प्रवेश बंद?. हनुमान चालीसा लावून आंदोलन करण्याचा इशारा. आंदोलनावर ड्रोनद्वारे ठेवली जाणार करडी नजर. दुर्गाडी परिसरात पोलिसांचा कडेकोट बंदोबस्त. आंदोलनामुळे कल्याण शहरात सुरक्षा व्यवस्था वाढवली.
-
धाराशिव जिल्ह्यात पीक विम्याचा तिढा कायम आहे. त्रुटी असल्याने पुन्हा शेतकऱ्याचे अर्ज फेर तपासणीसाठी दिले आहेत. धाराशिव जिल्ह्यात प्रधानमंत्री पीक विमा योजना खरीप हंगामा तर्गत तब्बल 4 हजार 102 शेतकऱ्यांचे अर्ज त्रुटींमुळे परत पाठवले. या प्रकरणाची गंभीर दखल घेत जिल्हास्तरीय समन्वय समितीने विमा कंपनीला अपात्र अर्जांची पुनर्तपासणी करून पात्र शेतकऱ्यांना लाभ देण्याचे दिले आदेश. अर्जांमध्ये आधार क्रमांकातील तफावत, बँक खात्याची अपूर्ण माहिती, सातबारा उताऱ्यातील विसंगती, पेरणी तपशीलातील चुका तसेच आवश्यक कागदपत्रांची अपूर्णता आढळून आल्याने विमा रखडला. प्रशासनाकडून संबंधित शेतकऱ्यांना तातडीने त्रुटींची पूर्तता करण्याचे आवाहन. गोंदिया जिल्ह्याला दोन दिवस रेड अलर्ट घोषित करण्यात आला आहे. गोंदिया जिल्ह्यात दोन दिवस उष्णतेच्या तीव्र लाटा. नागरिकांनी काळजी घेण्याचे आवाहन. शक्य असल्यास 11 ते 4 घराबाहेर पडू नये प्रशासनाचे आव्हान.
Published On - May 28,2026 8:04 AM
