Maharashtra News LIVE : धुळे-सोलापुर राष्ट्रीय महामार्ग मराठा आंदोलकांनी रोखला

धुळे-सोलापुर राष्ट्रीय महामार्ग मराठा आंदोलकांनी रोखला

बीडच्या पाली परिसरात धुळे-सोलापुर राष्ट्रीय महामार्ग मराठा आंदोलकांनी रोखला असून  अर्ध्या तासापासून वाहतूक ठप्प झाली आहे. मनोज जरांगे पाटील यांच्या समर्थनार्थ जोरदार घोषणाबाजी करीत धुळे-सोलापूर महामार्ग गेल्या अर्ध्या तासापासून रोखून धरला आहे.  जरांगे पाटलांनी सरकारकडे केलेल्या मागण्या मान्य करा अशा प्रकारची मागणी करत मराठा आंदोलक रस्त्यावर उतरले आहेत. रस्ता रोको आंदोलनामुळे धुळे सोलापुर राष्ट्रीय महामार्गावर वाहनांच्या रांगा लागल्या आहेत.

शेतकऱ्यांना मदत देण्यासाठी मुख्यमंत्री प्रयत्न करतील – मंत्री शिवेंद्रराजे भोसले

विदर्भ आणि मराठवाड्यामध्ये पाऊस नक्कीच कमी झाला किंबहुना झालाच नाहीए. मुख्यमंत्री देवेंद्रजी या सगळ्या परिस्थितीवर बारकाईने लक्ष ठेवून आहेत. पूर्ण आढावा आणि जिल्ह्याची माहिती घेण्याचे काम हे सतत मुख्यमंत्री देवेंद्र फडणवीस यांचे सुरु असते. अजून रिटर्न मान्सूनची शक्यता आहे, मान्सूनचा सीजन अजून संपलेला नाही. पण यातून शेतकऱ्यांना जो काही मदतीचा हात लागेल तो सरकारच्या माध्यमातून मुख्यमंत्री देवेंद्र फडणवीस यांच्या माध्यमातून 100% दिला जाईल. माझ्या शेतकरी बांधवांनी हवालदिल होऊ नये शासन आणि महाराष्ट्राचे मुख्यमंत्री देवेंद्र फडणवीस हे आपल्या मागे आहेत हे आपण लक्षात ठेवावे असे वर्धा जिल्ह्याची पाहणी केल्यानंतर मंत्री शिवेंद्रराजे भोसले यांनी म्हटले आहे.

ट्रक आणि टाटा प्रवासी मॅजिकचा भीषण अपघात, सहा जणांचा मृत्यू

ट्रक आणि टाटा प्रवासी मॅजिकचा भीषण अपघात झाला. अपघातात सहा जण ठार झाल्याची माहिती स्थानिकांकडून मिळाली. पण शासकीय यंत्रनेकडून अद्याप किती मयत झालेत याबाबत अधिकृत माहिती मिळाली नाही. सात ते आठ जण गंभीर जखमी असल्याची माहिती आहे.  नांदेड ते भोकर महामार्गावरील वाकद गावाजवळ अपघात घडला. भोकर कडून नांदेडकडे जाणाऱ्या भरधाव ट्रकने टाटा मॅजिकला धडक दिली.

मिरा भाईंदरमध्ये मनसेचा दणका, ‘सेव्हन स्क्वेअर’चे वादग्रस्त परिपत्रक अखेर मागे

मनसे आणि मनसे नेते अविनाश जाधव यांच्या इशाऱ्यानंतर मिरा-भायंदर येथील ‘सेव्हन स्क्वेअर’ शाळेने अखेर पर्युषण काळात कांदा, लसून न खाण्याबाबतचे वादग्रस्त परिपत्रक शाळा पोर्टलवरून मागे घेतले आहे. अन्यायाविरोधात मनसेने आवाज उठवल्यास बदल घडतोच, मग समोर आमदार असो वा मंत्री, हे पुन्हा एकदा सिद्ध झाले आहे, अशी प्रतिक्रिया यावर  मनसे नेते सचिन पोपळे यांनी दिली आहे.

केंद्रीय मंत्री ज्योतिरादित्य सिंधिया आज मुंबई दौऱ्यावर

केंद्रीय मंत्री ज्योतिरादित्य सिंधिया आज मुंबई दौऱ्यावर

गोरेगाव मधील इंडिया इंटरनॅशनल सेंटरमध्ये Gen Z सोबत साधणार संवाद

पंतप्रधान नरेंद्र मोदींच्या सूचनेनुसार तरुणांशी संवाद वाढवण्यावर भर

Gen Z तरुणांच्या अडचणी आणि अपेक्षा जाणून घेणार सिंधिया

सरकारकडून तरुणांना नेमक्या काय अपेक्षा आहेत, यावर होणार चर्चा

रोजगार, शिक्षण आणि भविष्यातील संधींबाबत तरुणांशी संवादाची शक्यता

गोंदिया जिल्ह्यात गावागावात पोळा सण उत्साहात साजरा

गोंदिया जिल्ह्यात गावागावात पोळा सण उत्साहात साजरा

शेतकऱ्यांनी सर्जा-राजा प्रती व्यक्त केली कृतज्ञता

गोंदिया जिल्ह्यातील कमरगाव येथील शेतकऱ्यांनी सजवलेली बैल जोडी ठरली आकर्षणाचा  विषय

बनावट आयकर विभागाचा छापा टाकून खंडणी मागणाऱ्या टोळीचा पर्दाफाश

आयकर विभाग आणि क्राईम ब्रँचचे अधिकारी असल्याचे भासवून बनावट छापा टाकून 1 कोटी रुपयांची खंडणी मागणाऱ्या टोळीचा अंधेरी पोलिसांनी पर्दाफाश केला आहे. फिर्यादी राजकुमार कनडासमी यांच्याकडे पूर्वी ड्रायव्हर असलेल्या संतोष खोपटकर याला कामावरून काढल्याच्या रागातून त्याने 6 पुरुष आणि 3 महिला यांना सोबत घेऊन बनावट आयकर आणि क्राईम ब्रँचचे अधिकारी बनून फिर्यादीच्या ऑफिसमध्ये घुसून अपहरण करून मोबाईल काढून घेऊन 1 कोटींच्या खंडणीची मागणी केली होती.

नांदेड – बैलपोळ्यातूनही जरांगे पाटलांच्या उपोषणाला समर्थन, बैलाच्या पाठीवर झूलींऐवजी मराठा आरक्षणाची घोषवाक्यं

नांदेडमध्ये बैलपोळ्यातूनही जरांगे पाटलांच्या उपोषणाला समर्थन देण्यात आलं.  बैलांच्या पाठीवर झळकल्या मराठा आरक्षणाच्या मागण्या.

नांदेडच्या वाघी येथून जरांगे पाटलांच्या उपोषणाला आगळं वेगळं समर्थन देण्यात आलं.  वाघी येथे बैलाच्या पाठीवर यंदा झूली ऐवजी मराठा आरक्षणाची घोषवाक्यं दिसली.  सरकार मनोज जरांगेच्या उपोषणाची दखल घेत नसल्याने बैलपोळ्याच्या माध्यमातून सरकारला विनंती करण्यात आली.

माजी केंद्रीय मंत्री रावसाहेब दानवे यांनी बैलपोळा सण केला साजरा

संपूर्ण राज्यभरात आज बैलपोळा सण मोठ्या आनंदात आणि उत्साहात साजरा होतोय.  याच पार्श्वभूमीवर भाजप नेते माजी केंद्रीय मंत्री रावसाहेब दानवे यांनी आपलं मूळ गाव असलेल्या जवखेडा खुर्द आणि नळणी या ठिकाणी जाऊन बैलपोळा सण उत्साहात साजरा केला. दानवेंच्या हस्ते बैलांची विधिवत पूजा करून त्यांचं औक्षण केलं आणि त्यांना नैवेद्य दाखवला.

कल्याण – कार्यालयाच्या ताब्यावरून तेली समाजाच्या दोन गटांत राडा

कल्याण पश्चिमेत कार्यालयाच्या ताब्यावरून तेली समाजाच्या दोन गटांत राडा झाला. यात पदाधिकाऱ्यावर जीवघेणा हल्ला करण्यात आला. त्याचा  व्हिडिओ व्हायरल झालाय.  कल्याण पश्चिमेतील संतोषी माता रोडवरील तेली समाजाच्या कार्यालयात दोन गट आमनेसामने आले. कार्यालयाच्या ताब्यावरून वाद चिघळताच धक्काबुक्की आणि मारहाणीचा प्रकार घडला. दोन-तीन जण जखमी झाले, त्यांच्यावर रुग्णालयात उपचार सुरू आहेत.

राज्यसेवा मुख्य परिक्षा 2025 – पेपर पुनर्तपासणीचं मुख्यमंत्र्यांचं आश्वासन

राज्यसेवा मुख्य परिक्षा 2025 प्रकरणी मोठी अपडेट समोर आली आहे.  पेपर पुनर्तपासणी करण्याचं आश्वासव  मुख्यमंत्र्यांनी दिलं.  मुख्यमंत्री देवेंद्र फडणवीसांसोबत यशस्वी चर्चेनंतर  विद्यार्थ्यांच्या सर्व समस्यांचे निरसन झालं.

कोल्हापूर – अखेर वनतारामधून माधुरी हत्तीण नांदणीच्या दिशेने रवाना

कोल्हापूर –  अखेर वनतारामधून माधुरी हत्तीण नांदणीच्या दिशेने रवाना झाली.  नांदणी मठाच्या विश्वस्तांसोबत ती निघाली असून दोन दिवसांचा प्रवास करून माधुरी नांदणी मठात पोहोचेल.  नांदणीमध्ये आल्यानंतर लगेचच लोकांमध्ये माधुरी हत्तीणीला सोडण्यात येणार नाही.

मिरा रोड – 13 वर्षीय अल्पवयीन मुलीची देहविक्रीतून सुटका, दोन दलालांना अटक

मिरा रोड येथे 13 वर्षीय अल्पवयीन मुलीची देहविक्रीतून सुटका करण्यात आली.   गुन्हे शाखेने दोन दलालांना अटक केली.  ​शीतल आर्केड इमारतीवर छापा टाकून बांगलादेशी मुलींना देहव्यवसायात ढकलणाऱ्या रॅकेटचा पोलिसांनी पर्दाफाश केला . ​महिला व पुरुष एजंट ताब्यात, तर बांगलादेशातून मुलींचा पुरवठा करणारा मुख्य सूत्रधार सध्या फरार आहे.  ​आरोपींवर BNS, POCSO आणि PITA कायद्यांतर्गत गुन्हे दाखल.

डीजे बंदीची मागणी करणाऱ्या विद्यानंद बापट यांना कायदेशीर नोटीस

डीजे बंदीची मागणी करणाऱ्या विद्यानंद बापट यांना कायदेशीर नोटीस. अॅड. प्रदीप नाईक यांनी नोटीस पाठवली. नोटीस मिळाल्यापासून 48 तासांच्या आत बिनशर्त माफी मागण्याची मागणी. अभिव्यक्तिस्वातंत्र्याच्या नावाखाली श्रद्धेचा अवमान नको, नोटीसीत उल्लेख

माधुरी हत्तीणीला वनतारामध्येच ठेवा, पेटाकडून सरकारला पत्र

माधुरी हत्तीणीला वनतारामध्येच ठेवा, पेटाकडून सरकारला पत्र. माधुरी हत्तीणीला नांदणी मठात परत आणण्याच्या हालचाली सुरू. माधुरी हत्तीनीला नांदणी मठामध्ये आणण्याच्या हालचाली सुरू होताच पेटाकडून पुन्हा राज्य सरकारला पत्र

अमरावतीच्या जिल्हा रुग्णालयातील 3 बाळांच्या मृत्यूवर काँग्रेसच्या नेत्या यशोमती ठाकूर संतप्त

अमरावतीच्या जिल्हा रुग्णालयातील 3 बाळांच्या मृत्यूवर काँग्रेसच्या नेत्या यशोमती ठाकूर संतप्त. रुग्णालय प्रशासनाचा अहवाल सार्वजनिक करण्याची मागणी. अहवाल देण्यास 15 दिवस लावले- यशोमती ठाकूर

पार्थ पवारांना आता भाजपचं राजकारण कळेल- रोहित पवार

पार्थ पवारांना आता भाजपचं राजकारण कळेल. जमीन गैरव्यवहार प्रकरणात पार्थ पवार आरोपी का नाही?, असा सवाल हायकोर्टाने पोलिसांना विचारला होता… यावरून आता रोहित पवारांनी विधान केलंय…

मंत्री उदय सामंत यांचे मोठे वक्तव्य

मराठा समाजाच्या न्याय हक्कासाठी आम्ही कुठेही कमी पडत नाही आहोत अशी प्रतिक्रिया मंत्री उदय सामंत यांनी दिली. ही जी आम्ही मेहनत घेत आहोत, ती मार्ग काढण्यासाठी घेत आहोत. मराठा समाजाच्या न्याय हक्काच्या मागण्या पूर्ण करत आहोत. मात्र हे करत असताना कोणाच्याही ताटातील कोणालाही देणार नाही. ओबीसी समाजावर कुठलाही अन्याय होणार नाही, याची दक्षता महायुती सरकार घेत आहे.

मार्क्सवादी कम्युनिस्ट पार्टी आक्रमक, मुंबई अहमदाबाद राष्ट्रीय महामार्ग रोखला

स्मार्ट मीटर विरोधात आक्रमक झालेल्या मार्क्सवादी कम्युनिस्ट पार्टीने आज मुंबई अहमदाबाद राष्ट्रीय महामार्ग तब्बल अडीच तास रोखून धरला . पालघरच्या डहाणूतील चारोटी येथे मार्क्सवादी कम्युनिस्ट पार्टीचे हजारो कार्यकर्ते आणि आंदोलन रस्त्यावर आले असून यावेळी स्मार्ट मीटर मुळे येणाऱ्या अवाजवी बिलाविरोधात जोरदार आंदोलन करण्यात आली . दुपारी बारा वाजताच्या सुमारास सुरू झालेले हे आंदोलन साधारणतः अडीच वाजताच्या सुमारास वीज महावितरण विभागाच्या लेखी आश्वासनानंतर मागे घेण्यात आल असून कोणत्याही वीज ग्राहकाला स्मार्ट मीटर बसवण्यास प्रशासन जबरदस्ती करणार नाही अशी मागणी यावेळी आंदोलनकर्त्यांकडून करण्यात आली .

सुजात आंबेडकर वर्धा येथील आंदोलनस्थळी

वंचित बहुजन आघाडीचे सुजात आंबेडकर यांनी विद्यार्थ्यांच्या समस्या समजून घेतल्या. महात्मा गांधी आंतरराष्ट्रीय हिंदी विद्यापीठ प्रशासनाविरोधात विद्यार्थ्यांचे आंदोलन सुरू आहे. वंचित बहुजन आघाडीचे नेते सुजात आंबेडकर यांची आंदोलन स्थळी भेट दिली. सुजात आंबेडकर यांनी विद्यार्थ्यांशी चर्चा केली. महात्मा गांधी पुतळ्याजवळ सहा विद्यार्थ्यांचे आंदोलन सुरू आहे.

अमरावती तीन बालकं दगावल्याप्रकरणात पाच अधिकारी निलंबित

अहवालानंतर आरोग्य विभागाच्या पाच अधिकाऱ्यांना निलंबित करण्यात आलं असे खासदार अनिल बोंडे म्हणाले. यामध्ये दोषारोप व्हेंटिलेटर च्या कंपनीमध्ये देखील ठेवण्यात आला आहे. बांधकाम विभागाच्या इलेक्ट्रिक विभागावर देखील ठपका ठेवण्यात आला आहे; त्यामुळे संबंधित लोकांवर देखील कारवाई व्हावी ही अपेक्षा आहे अहवालाच्या माध्यमातून पीडित कुटुंबाला न्याय दिला आहे. आरोग्य विभागाच्या अधिकाऱ्यांचे दुर्लक्ष कारणीभूत असल्याचे ते म्हणाले.

कल्याणमधील अनोखा बैलपोळा उपक्रम चर्चेत

डिजिटल युगात विद्यार्थ्यांना मातीशी जोडण्याचा प्रयत्न करण्यात आला. कल्याण मधील सम्राट अशोक विद्यालयात अनोखा बैलपोळा उपक्रम चर्चेत आहे. बैलगाडी अन् सजवलेली बैलजोडी थेट शाळेत आणली. विद्यार्थ्यांना शेतीचा प्रत्यक्ष अनुभव घेतला. शिक्षक-विद्यार्थ्यांनी बैलांची सजावट करून विधिवत पूजा केली. पारंपरिक बैलपोळ्याचा आनंद घेतला. शेतकरी आणि पशुधनाचे महत्त्व विद्यार्थ्यांना समजावून देत परंपरा जपली.

नांदेड – पाण्याच्या टाकीवर चढून मराठा आरक्षणासाठी आंदोलन

नांदेडच्या हदगाव तालुक्यातील वाटेगाव येथे मराठा आंदोलक आक्रमक झाले. जरांगे पाटलांच्या उपोषणाच्या समर्थनार्थ एक आंदोलक जलकुंभावर चढला. जरांगे पाटलांच्या समर्थनार्थ तरुणाकडून जोरदार घोषणाबाजी करण्यात आली. नांदेड जिल्ह्यातून जरांगे पाटलांच्या आमरण उपोषणाला वाढता पाठिंबा दिसून आला.जरांगे पाटलांच्या मागण्या मान्य करण्याची आंदोलकांकडून वाढती मागणी दिसून आली.

अमरावतीमध्ये हानिकारक लेझर वर व लेझर बीम वर पूर्ण बंदी

आगामी उत्सव काळात अमरावतीमध्ये हानिकारक लेझर वर व लेझर बीम वर पूर्ण बंदी राहणार आहे. न्यायालयाने ध्वनी संदर्भात जे नियम दिले त्यांचे पालन करावे लागणार अशी माहिती अमरावती पोलीस आयुक्त राकेश ओला यांनी दिली. रुग्णालय ,शाळा ,परिसर,ध्वनी हा नियमातच 55 डेसीबल मध्येच राहला पाहिजे असे ते म्हणाले.

मी स्वतःउपमुख्यमंत्री याच्या कडे तक्रार करणार… प्रताप सरनाईक

माजी शिवसेना नगरसेवक संजय पांडे यांची कामे थांबवा या बाबत मी स्वतःउपमुख्यमंत्री याच्या कडे तक्रार करणार… सुभाष नगर,नळपाडा व इतर भागात संजय पांडे यांची कामे थांबवा…Sra प्रकल्प बाबत बिल्डर हे कामे करत नाही ..याच्या मुळे आम्हाला लोक जोड्याने मारतील…अर्धवट कामे करून अनेक बिल्डर पळ काढत आहे..Sra प्रकल्प राबवणाऱ्या बिल्डर वर आता कडक नोटीस काढावी लागणार..सरनाईक याचे sra ला आदेश…..बिल्डरांच्या भांडणात लोकांचा बळी जात आहे…Sra प्रकल्प करा म्हणून आम्ही भांडत होतो..आता क्लस्टर मध्ये फॅसिलिटी आहे…मग असे प्रकल्प कसे लवकर होणार….इंटर्नल वादामुळे प्रकल्प रखडत आहे….चांगले काम करणारे बिल्डर यांना कामे करून द्या. विकासक संजय पांडे बिंडे यांना उभे करू नका.. चांगले विकासक बघा.. दिलेल्या कालावधीत ज्यांनी घरे हस्तांतरित केली आहे त्यांनाच कामे सुचवा..

डिजिटल युगात विद्यार्थ्यांना मातीशी जोडण्याचा प्रयत्न

डिजिटल युगात विद्यार्थ्यांना मातीशी जोडण्याचा प्रयत्न; कल्याण मधील सम्राट अशोक विद्यालयात अनोखा बैलपोळा उपक्रम चर्चेत. बैलगाडी अन् सजवलेली बैलजोडी थेट शाळेत; विद्यार्थ्यांना शेतीचा प्रत्यक्ष अनुभव. शिक्षक-विद्यार्थ्यांनी बैलांची सजावट करून विधिवत पूजा; पारंपरिक बैलपोळ्याचा घेतला आनंद. शेतकरी आणि पशुधनाचे महत्त्व विद्यार्थ्यांना समजावून देत जपली परंपरा

पोळ्यानिमित्त गरजू कुटुंबांच्या घरात पोहोचला ‘आनंदाचा शिधा’

पोळ्यानिमित्त गरजू कुटुंबांच्या घरात पोहोचला ‘आनंदाचा शिधा’…वाघहल्ला, वीज दुर्घटना व रानडुकराच्या हल्ल्यातील कुटुंबांना मनोज बोपचेंची मदत….वृद्ध माय-माऊलींसह पीडित कुटुंबांना मदतीचा हात…

सार्वजनिक गणेशोत्सव मंडळांना महापालिकेकडून शुल्क माफ-हिमगौरी आडके

हिमगौरी आडके (महापौर) म्हणाले की,  सार्वजनिक गणेशोत्सव मंडळांना महापालिकेकडून शुल्क माफ. कोणत्याही प्रकारचे शुल्क महापालिका घेणार नाही. गणेश मंडळांचा अवमान करायचा नाही. पुढील वर्षापासून एक महिना अगोदर गणेश मंडळांची बैठक घेणार.  MSCB बद्दल अध्यक्ष समीर शेटे यांची तक्रार. MSCB कडून डिपॉझिट परत दिले जात नाही

सणसमारंभा संदर्भातील नियम सर्वांनी पाळावे- पंकजा मुंढे

जेनझी जेन अल्फा या उपक्रमात सहभागी झाले.  मुख्यमंत्री उपस्थित राहिले त्यांनी देखिल मूर्ती बनवली. कोणतेही सणं कोणत्याही जाती धर्माचे महापुरुषांच्या जयंती साजरे करणे महत्वाचे हे कारताना ध्वनी प्रदूषण टाळलं पाहिजे. पण ते सर्वांना लागू असलं पाहिजे. आम्ही ठोस पावलं उचलली आम्ही लाखो कुंड बनवली त्यात गणपती विसर्जन केलं. लोकांमध्ये जागृती केली. Dj ला बंदी आहे तिथे पुणे नागपूर असा नाही सर्वत्र ठराविकब आवाज मर्यादेवर बंदीच आहे असं पंकजा मुंढे म्हणाल्या.

आगामी उत्सव काळात अमरावतीमध्ये हानिकारक लेझर वर व लेझर बीम वर पूर्ण बंदी- राकेश ओला

आगामी उत्सव काळात अमरावतीमध्ये हानिकारक लेझर वर व लेझर बीम वर पूर्ण बंदी राहणार आहे… न्यायालयाने ध्वनी संदर्भात जे नियम दिले त्यांचे पालन करावे लागणार. अमरावती पोलीस आयुक्त राकेश ओला यांची माहिती. रुग्णालय ,शाळा ,परिसर,ध्वनी हा नियमातच 55 डेसीबल मध्येच राहला पाहिजे.-राकेश ओला

बाबासाहेब पाटील, राष्ट्रवादी अजित पवार पक्ष चित्रपट विभाग प्रदेशाध्यक्ष

बाबासाहेब पाटील, राष्ट्रवादी अजित पवार पक्ष चित्रपट विभाग प्रदेशाध्यक्ष

* लावणी व नृत्य कार्यक्रमांमध्ये अश्लील सादरीकरण म्हणून कोणत्या कृती आणि त्याची व्याख्या ग्राह्य धरल्या जातील याची नियमावली सरकारने निश्चित करावी :राष्ट्रवादी अजित पवार पक्षाचे सांस्कृतिक विभागाचे प्रमुख बाबासाहेब पाटील यांची मुख्यमंत्र्यांना पत्रातून मागणी…

* शिवसेनेच्या ठाण्यातील कार्यक्रमात स्वर्गीय आनंद दिघे आणि बाळासाहेब ठाकरे यांच्या फोटोच्या पुढे बिहार आणि उत्तर प्रदेशमधील मुली अश्लील नृत्य सादर करताना दिसत आहेत बाबासाहेब पाटील यांचा आरोप

* कुठे नेऊन ठेवलाय महाराष्ट्र, हे एकेकाळी भाजप विचारत होते आज त्यांनाच विचारायची वेळ कुठे नेऊन ठेवलाय महाराष्ट्र

येवल्याच्या उत्तर-पूर्व भागात पावसाने दडी मारल्याने खरीप पिके संकटात…

येवल्याच्या उत्तर-पूर्व भागात पावसाने दडी मारल्याने खरीप पिके संकटात… – गेल्या दीड महिन्यापासून पाऊस नसल्याने मका, सोयाबीन, बाजरी, भुईमुगाला फटका… – पावसाअभावी हिरवेगार भुईमुगाचे पीक वाळू लागले… – जोमदार आलेले बाजरीचे पीकही पाण्याअभावी करपले… – पिकांवर संकट आल्याने शेतकऱ्यांच्या चिंतेत वाढ… – केलेला खर्चही वसूल होण्याची शक्यता नसल्याने शेतकरी आर्थिक अडचणीत… – नुकसानग्रस्त पिकांचे तातडीने पंचनामे करण्याची शेतकऱ्यांची मागणी… – पिक विम्यासह नुकसानभरपाईची शासनाकडे शेतकऱ्यांची मागणी

ऑगस्ट 2027 पर्यंतचे पाणी राखीव ठेवून, उर्वरित पाणी शेतीसाठी देण्याचा निर्णय-राधाकृष्ण विखे पाटील

राधाकृष्ण विखे पाटील म्हणाले,  ऑगस्ट 2027 पर्यंतचे पिण्याचे पाणी राखीव ठेवून, उर्वरित पाणी शेतीसाठी देण्याचा निर्णय केलाय…पिण्याच्या पाण्याला प्राधान्य…ज्या भागातील धरणांमध्ये पाणी उपलब्ध आहे, तिथे शेतीला पाणी देण्याच्या सूचना दिल्यात… राज्यभरातून अहवाल आल्यानंतर पंचनाम्याबाबत मंत्रिमंडळात चर्चा होईल…

महिनाभर पाऊस नसल्याचा मोठा परिणाम म्हणजे एल निनो- राधाकृष्ण विखे पाटील

राधाकृष्ण विखे पाटील म्हणाले,” एल निनोचा परिणाम दिसून येतोय…महिनाभर पाऊस नसल्याचा मोठा परिणाम दिसतोय…खरीप पिक जवळ जवळ संपलीत…परिस्थिती गंभीर…परिस्थितीची माहिती मागवतोय… सर्व भागाचा आढावा घेऊन पुढील कार्यवाही करू…”

परिवहन मंत्री प्रताप सरनाईक यांची क्लस्टर प्रकल्पासंदर्भात आढावा बैठक

परिवहन मंत्री प्रताप सरनाईक यांच्या ओवळा माजीवाडा मतदारसंघातील sra आणि क्लस्टर प्रकल्पासंदर्भात आढावा बैठक… Sra चे प्राधिकरण अधिकारी आणि क्लस्टर प्राधिकरण अधिकाऱ्यां समवेत बैठक होणार आहे..

तृतीयपंथांनाही समान न्याय हक्क मिळणार-एकनाथ शिंदे

तृतीयपंथांनाही समान न्याय हक्क मिळणार, महाराष्ट्र प्रत्येक क्षेत्रात अग्रेसर, महाराष्ट्र विकासाच्या प्रगती पथावर आहे, लाडकी बहीण योजनेमुळे महिला सबलीकरण झाले असं एकनाथ शिंदे म्हणाले.

मुख्यमंत्री लाडकी बहिण योजनेचे लंडनमध्येही कौतुक-एकनाथ शिंदे

मुख्यमंत्री लाडकी बहिण योजनेचे लंडनमध्येही कौतुक.  मुलींच्या उच्च शिक्षणाची जबाबदरी सरकारने घेतली आहे असं एकनाथ शिंदे म्हणाले.

लाडकी बहिण योजनेमुळे महिला आर्थिकरित्या सक्षम झाल्या- एकनाथ शिंदे

“लाडकी बहिण योजनेमुळे महिला आर्थिकरित्या सक्षम झाल्या, विकास म्हणजे इमारती, रस्ते बांधणे नाही. खरा विकास म्हणजे सामजाच्या प्रत्येक घटकापर्यंत पोहोचणे” असं एकनाथ शिंदे लंडनमध्ये म्हणाले.

नाशिक- महापालिका आणि गणेश मंडळांच्या बैठकीला सुरुवात

नाशिक- महापालिका आणि गणेश मंडळांच्या बैठकीला सुरुवात झाली आहे. महापौर, उपमहापौर, आमदार आणि लोकप्रतिनिधी देखील बैठकीला उपस्थित आहेत. गणेश मंडळांच्या अध्यक्षांची नाराजी दूर झाल्याने आज बैठक आहे.

महाराष्ट्र लोकसेवा आयोगामार्फत घेण्यात आलेली गट ‘क’ची परीक्षा पुढे ढकलण्यावरून विद्यार्थ्यांमध्ये नाराजी

महाराष्ट्र लोकसेवा आयोगामार्फत घेण्यात आलेली गट ‘क’ची परीक्षा पुढे ढकलण्यावरून विद्यार्थ्यांमध्ये प्रचंड नाराजी आहे. गट क परीक्षा तब्बल चौथ्यांदा पुढे ढकलल्याने विद्यार्थी नैराश्यात आले आहेत. एमपीएससीने प्रथमेश देशमुख या युवकाचा पहिला बळी घेतला, अशा भावना विद्यार्थ्यांनी व्यक्त केल्या.

एमपीएससीच्या विद्यार्थ्यांसाठी मी स्वतः महाराष्ट्रामध्ये मैदानात उतरणार- अभिजीत दीपके

“प्रथमेश एक वेळचं जेवण करून पुण्यामध्ये राहत होता, त्याचे दाजी त्याला महिन्याला काही पैसे पाठवायचे. प्रथमेशला आर्थिक त्रास होता. शहरांमध्ये राहताना तो त्रासलेला होता. शेती वाहून गेली, यावर्षी दुष्काळ पडला त्यामुळे प्रथमेश खचून गेला होता. अशा पद्धतीचे पाऊल उचलू नका, असं आवाहन अभिजीत दीपके यांनी केलं. एमपीएससीच्या विद्यार्थ्यांसाठी मी स्वतः महाराष्ट्रामध्ये मैदानात उतरणार, असल्याचंही त्यांनी म्हटलंय.

प्रथमेशच्या आईला कोण बघणार, त्यांना मी काय बोलू माझी हिंमतच नाही- अभिजीत दीपके

प्रथमेशच्या आईला कोण बघणार, प्रथमेशच्या आईला मी काय बोलू माझी हिंमत नाही. प्रथमेश एक वेळेचंच जेवायचा, असं म्हणत अभिजीत दीपके भावूक झाले. प्रथमेश लाल दिव्याच्या गाडीमध्ये येणार होता, मात्र तो ॲम्बुलन्समध्ये आला, काय करायचं? प्रथमेशच्या आईला धीर देण्याची माझ्यामध्ये हिंमत राहिली नाही. यापुढे प्रथमेशची जागा तर घेऊ शकत नाही परंतु यापुढे कधीही त्याच्या आई आणि बहिणीशी मी संपर्कात राहील मदत करेन, असं आश्वासन त्यांनी दिलं.

अभिजीत दीपके यांनी प्रथमेश देशमुखच्या कुटुंबाची भेट घेतली

कॉकरोच जनता पार्टीचे संस्थापक अभिजीत दीपके यांनी प्रथमेश देशमुखच्या कुटुंबाची भेट घेतली. एमपीएससीचा अभ्यास करणाऱ्या प्रथमेशने जीवन संपवलं. आर्थिक अडचणीतून धाराशिवच्या तरुणाने टोकाचं पाऊल उचललं.

मला लाज वाटते, मुंबई-गोवा महामार्गाच्या उद्घाटनाला मी जाणार नाही- नितीन गडकरी

मुंबई-गोवा महामार्गाच्या कामाच्या विलंबावर नितीन गडकरी यांना नाराजी व्यक्त केली आहे. मला लाज वाटते, महामार्गाच्या उद्घाटनाला मी जाणार नाही, असं ते स्पष्ट बोलले. महामार्ग पूर्ण करण्यासाठी 16 ते 17 वर्षे लागली हे दुर्दैव असल्याचंही त्यांनी म्हटलंय. कंत्राटदार, अधिकाऱ्यांवर कारवाईचेही त्यांनी संकेत दिले आहेत.

सरकारकडून नियमानुसार प्रमाणपत्राचं वाटप सुरू- चंद्रशेखर बावनकुळे

शिफारशींची संपूर्ण अंमलबजावणी होणार आहे. महसूल खात्यासह तीन खाती सर्वेक्षण करणार आहेत. सरकारकडून नियमानुसार प्रमाणपत्राचं वाटप सुरू आहे. मुंढवा जमीन प्रकरणी पोलिसांनी चौकशी केली आहे. हायकोर्टला पोलीस उत्तर देतील, असं चंद्रशेखर बावनकुळे म्हणाले.

कल्याण-डोंबिवलीत दांडी मारलेल्या पावसाची पुन्हा हजेरी

गेले काही दिवसांच्या विश्रांतीनंतर पावसाने पुन्हा कल्याण-डोंबिवलीत हजेरी लावली. सकाळपासून ढगाळ वातावरण, अधूनमधून पावसाच्या जोरदार सरी सुरू आहेत. पावसाचा जोर वाढल्यास सखल भागांत पाणी साचण्याची शक्यता आहे.

गणेशोत्सवाचा आनंद घेता यावा यासाठी CBSE शाळांची सुट्टी

मनसेच्या आंदोलनाच्या इशाऱ्यानंतर बोरिवली-चारकोप विधानसभेतील सर्व CBSE शाळांना सुट्टी जाहीर करण्यात आली आहे. गणेशोत्सव काळात परीक्षा न घेता मुलांना आणि पालकांना सणाचा आनंद साजरा करता यावा, यासाठी चारकोप विधानसभेतील सर्व CBSE शाळांनी सुट्टी जाहीर केली आहे.

अमरावती मध्यवर्ती कारागृहामध्ये पोळ्याचा उत्साह

अमरावती मध्यवर्ती कारागृहामध्ये पोळ्याचा उत्साह पाहायला मिळाला. बंदी जणांकडून दरवर्षी कारागृहात पोळा केला जातो साजरा. सकाळपासून कारागृहात पोळ्याची लगबग पाहायला मिळाली.

येत्या दोन दिवसात सरकाराची भूमिका स्पष्ट होईल- मनोज जरांगे पाटील

येत्या दोन दिवसात सरकाराची भूमिका स्पष्ट होईल. सरकारचं शिबिर कशासाठी हे स्पष्ट होईल असे मनोज जरांगे पाटील यांनी म्हटले आहे.

दोन दिवसात ओबीसी समस्या संदर्भात चर्चा होणार – लक्ष्मण हाके

मुख्यमंत्री देवेंद्र फडणवीस यांच्यासोबत दोन दिवसात ओबीसी समस्या संदर्भात चर्चा होणार आहे. ओबीसी बांधवाना जागृत करण्याचा माझा लढा हा कायमस्वरूपी सुरु राहणार आहे असे ओबीसी नेते लक्ष्मण हाके यांनी म्हटले आहे.

परिणय फुकेंनी माझ्याबद्दल काळजी करु नये- रोहित पवार

परिणय फुकेंनी माझ्याबद्दल काळजी करु नये. फुकेंनी माझ्यावर बोलण्यापेक्षा भ्रष्टाचारावर बोलावे असे रोहित पवार यांनी म्हटले.

भंडाऱ्यात पावसाने फिरवली पाठ, शेतकऱ्यांची दयनीय अवस्था

भंडारा जिल्ह्यातील पवनी तालुक्यात पावसाने पाठ फिरवल्याने धानपिके धोक्यात आली आहेत. त्यामुळे शेतकऱ्यांची दयनीय अवस्था झाली आहे. जवळच गोसेखुर्द प्रकल्प असून पाइपलाईन लिकेज आणि योग्य व्हॉल्व्ह न बसवल्यामुळे शेतकरी पाण्यापासून वंचित आहेत. या दुष्काळी परिस्थितीची दखल घेऊन सरकारने संबंधित ठेकेदार आणि अधिकाऱ्यांवर कारवाई करावी आणि शेतकऱ्यांना तातडीने मदत जाहीर करावी, अशी शेतकऱ्यांची मागणी आहे.

अभिजीत दीपके घेणार प्रथमेश देशमुख यांच्या घरी भेट

अभिजीत दिपके हे प्रथमेश देशमुख यांच्या घरी भेट देणार आहेत.  एमपीएससीचा अभ्यास करणाऱ्या प्रथमेश देशमुखने पुण्यामध्ये आत्महत्या केली.  प्रथमेश देशमुख हा धाराशिव जिल्ह्यातील परंडा तालुक्याच्या खासापुरी येथील रहिवासी आहे.

संजय राऊतांकडून मंत्री प्रताप सरनाईक यांच्याकडून कौतुक

संजय राऊत यांनी मंत्री प्रताप सरनाईक यांच्याकडून कौतुक केलं. रिक्षा चालकांना मराठी सक्ती प्रकरणात मार्ग काढण्याचा प्रयत्न केला, तो कौतुकास्पद आहे. त्याच्याबद्दल त्यांचं अभिनंदन करतो, अशा शब्दात संजय राऊत यांनी मंत्री सरनाईक यांचं कौतुक केलं. तसेच त्यांना भेटणार असल्याचेही म्हटलं.

अमरावती अग्निकांड प्रकरण, पाच अधिकारी निलंबित

अमरावती जिल्हा स्त्री रुग्णालय अग्निकांड प्रकरणी मोठी अपडेट समोर आली आहे. आरोग्य उपसंचालक, सिव्हिल सर्जनसह पाच अधिकारी निलंबित करण्यात आलं आहे. मात्र दोषी अधिकाऱ्यावर फौजदारी कारवाई मात्र केव्हा होणार याकडे सर्वांचे लक्ष लागलं आहे. चौकशी समितीच्या अहवालावर अनेक मोठे प्रश्न असून सार्वजनिक बांधकाम विभागाचे विद्युत अभियंता रडारवर आहे. उद्या सार्वजनिक बांधकाम मंत्री शिवेंद्रराजे भोसले अमरावती दौऱ्यावर आहेत, यादरम्यान सार्वजनिक बांधकाम विभागाच्या दोषी अधिकाऱ्यावर कारवाईची टांगती तलवार कायम आहे.

पावसाअभावी बैलपोळ्यावरही दुष्काळाचे सावट

धुळे जिल्ह्यात गेल्या अनेक दिवसांपासून पावसाने दडी मारल्याने शेतकरी संकटात सापडला आहे.  पिकांचा खर्चही निघणार नसल्याने शेतकऱ्यांची चिंता वाढली आहे. वर्षभर शेतकऱ्याला साथ देणाऱ्या बैलजोडीचा सण साजरा करतानाही शेतकऱ्यांची आर्थिक कसरत सुरू आहे.अशीच परिस्थिती राहिली तर पुढच्या वर्षी बैलपोळा साजरा करण्याचीही परिस्थिती राहणार नाही, अशी व्यथा शेतकरी मांडत आहेत.

ठाण्यात पाणीटंचाईविरोधात एमआयएमचा आज महापालिकेवर धडक मोर्चा…

आज दुपारी ११ वाजता ठाणे महानगरपालिकेवर मोर्चा….प्रभाग ३० मधील काही महिन्यांपासून मुंब्रा भागातील नागरिक पाणीटंचाईने त्रस्त….अधिकारी यांना वारंवार तक्रारी करूनही महापालिका पाणीपुरवठा विभागाकडून दुर्लक्ष…वाढती लोकसंख्या लक्षात घेता शिळफाटा, ठाणे एमआयडीसी जलवाहिनीतून तातडीने पाणीपुरवठा वाढवून द्यावा..

जळगावातील चोपडा कृषी उत्पन्न बाजार समितीत बैलगाडी व गाय, वासराच्या पुतळ्याचे लोकार्पण

सभापती नरेंद्र पाटील व संचालकांच्या हस्ते पुतळा लोकार्पणाचा सोहळा पार पडला. बैल पोळा सण आणि खानबैलीचे औचित्य साधून शेतकऱ्यांचे प्रतीक असलेल्या पुतळ्याचे अनावरण करण्यात आले. कृषी उत्पन्न बाजार समितीचे सभापती व सर्व संचालक यांनी स्वखर्चातून पुतळे उभारले आहेत. या कार्यक्रमाला कृषी उत्पन्न बाजार समितीचे संचालक कर्मचारी विविध संस्थेतील राजकीय व सामाजिक पदाधिकारी उपस्थित होते.

सीताफळ बागेत बिबट्याचा वावर; शेतकऱ्यांमध्ये भीतीचे वातावरण

शिरूर तालुक्यातील पिंपरी दुमाला येथे सीताफळ बागेत बिबट्याचा वावर आढळून आल्याने परिसरातील शेतकरी व नागरिकांमध्ये भीतीचे वातावरण निर्माण झाले आहे. सध्या सीताफळ तोडणीचा हंगाम सुरू असून बागेत शेतकरी, महिला व मजूर मोठ्या प्रमाणावर कामासाठी येत आहेत. अशा परिस्थितीत बिबट्याचा वावर आढळल्याने कामगारांमध्ये भीतीचे वातावरण आहे.

राज्यात डीजेबंदीची चर्चा; महाळुंगे पडवळमध्ये दोन वर्षांपासून डीजेमुक्त बैलपोळा

राज्यात सध्या सण-उत्सवांमध्ये डीजेच्या वापरावर बंदी घालण्याबाबत चर्चा सुरू आहे. मात्र, पुणे जिल्ह्यातील आंबेगाव तालुक्यातील महाळुंगे पडवळ गावाने यापूर्वीच डीजेमुक्त उत्सवाची वाट धरली आहे. पुणे जिल्ह्यातील सर्वात मोठ्या श्रावणी बैलपोळ्यासाठी प्रसिद्ध असलेल्या या गावात गेल्या दोन वर्षांपासून बैलपोळ्याच्या मिरवणुकीत डीजेला बंदी आहे. हुतात्मा बाबू गेनू यांच्या जन्मभूमी असलेल्या या गावाने पारंपरिक पद्धतीने सण साजरा करण्याचा घेतलेला हा निर्णय सध्या चर्चेचा विषय ठरत आहे.

दोन मुलांनी वाऱ्यावर सोडलेल्या आईला यशोधन संस्थेने दिला आधार

साताऱ्यात दोन मुलांनी वाऱ्यावर सोडलेल्या आईला दिला वेळे येथील यशोधन संस्थेने आधार. रुक्मिणी भस्मे या मागील पाच दिवसापासून साताऱ्यातील एका मंदिरात राहत आहेत. दोन्ही मुले सोडून गेली तरी आईला अजूनही मुलांची आस.TV9 मराठी वर बातमी प्रसिद्ध झाल्यावर यशोधन अनाथ आश्रम संस्थेचे संस्थापक रवींद्र बोडके यांनी रुक्मिणी भस्मे यांना सांभाळण्याची घेतली जबाबदारी. जिल्हा प्रशासनाकडून संबंधित दोन्ही मुलांचा शोध सुरू.

५२ लाखांचा मुद्देमाल तक्रारदारांना परत केला

समर्थ पोलिसांची मोठी कारवाई. ५२ लाखांचा सोन्याचा मुद्देमाल मूळ तक्रारदारांना परत. घरफोडीच्या गुन्ह्यांतील सराईत आरोपींकडून चोरीस गेलेला मौल्यवान मुद्देमाल केला हस्तगत. तांत्रिक माहिती, सीसीटीव्ही फुटेज आणि गोपनीय बातमीदारांच्या मदतीने आरोपींचा शोध. आरोपींना अटक करून कसून चौकशी. विविध गुन्ह्यांतील चोरीचा सोन्याचा मुद्देमाल जप्त. सोने,चांदी आणि मोत्यांच्या दागिन्यांचा मुद्देमाल जप्त. कायदेशीर प्रक्रिया पूर्ण करून न्यायालयाच्या आदेशाने ५२ लाखांचा मुद्देमाल तक्रारदारांना परत केला.

येरवडा मध्यवर्ती कारागृहातील सर्व आर्थिक व्यवहार कॅशलेस

राज्यातील सर्वात मोठ्या येरवडा मध्यवर्ती कारागृहातील सर्व आर्थिक व्यवहार कॅशलेस. सर्व व्यवहार ऑनलाइन करणारे येरावडा कारागृह ठरले राज्यातील पहिले कारागृह. राज्याच्या कारागृह विभागाने डिजिटल व्यवहारांच्या दिशेने उचलले मोठे पाऊल. येरवडा कारागृहातील शोरूम वाशिंग सेंटर उपहारगृह आणि पार्किंग मधील रोखीचे व्यवहार पूर्णपणे बंद करून करण्यात आले कॅशलेस. कैद्यांनी बनवलेल्या वस्तू विक्रीसाठी ठेवून त्याची रक्कम कॅशलेस स्वरूपात घेण्यात येणार.

विद्यानंद बापट यांना कायदेशीर नोटीस

गेल्या काही दिवसांपासून देवी-देवता आणि धार्मिक श्रद्धेविषयी कथित आक्षेपार्ह व अवमानकारक वक्तव्य केल्याप्रकरणी विद्यानंद बापट यांना मुंबई उच्च न्यायालयातील वकील प्रदीप नाईक यांनी कायदेशीर नोटीस बजावली आहे.