Marathi News Photo gallery Sarangkheda Horse Race Rani Horse Wins Bullet Race Thrilling Ghode Bazar Competition
घोडा विरुद्ध बुलेट; कोण जिंकलं? तुमच्या डोक्यातलं उत्तर चुकीचं
सारंगखेडा घोडे बाजारात घोडा आणि बुलेटची अनोखी शर्यत लक्षवेधी ठरली. यानंतर बाजारात रेवाल चाल, अश्व नृत्य यांसारख्या स्पर्धा सुरू होणार आहेत. या स्पर्धांमुळे विजेत्या घोड्यांची किंमत करोडोमध्ये जाते, ज्यामुळे घोडे खरेदी-विक्रीचा व्यवहार वाढतो.
सारंगखेडाचा जगात प्रसिद्ध असलेला घोडे बाजार नुकताच सुरू झाला आहे. या बाजारात दरवर्षी घोड्यांचे अनेक कार्यक्रम आणि स्पर्धा होतात. यंदा या ठिकाणी घोडा आणि बुलेट मोटरसायकल यांच्यात एक अनोखी शर्यत रंगली.
1 / 8
घोडा आणि बुलेट मोटरसायकल यांच्यातील अनोखी शर्यत पाहण्यासाठी तुफान गर्दी जमली होती. या शर्यतीत एका वेगवान घोडीने बुलेट मोटरसायकलला हरवले आणि दाखवून दिले की, घोडा आजही वेगाचा राजा आहे.
2 / 8
घोडे मालकांना त्यांच्या घोड्याचा वेग किती आहे हे बुलेटच्या वेगाशी तुलना करून पाहायचे होते. त्यामुळे त्यांनी आयोजकांना तशी विनंती केली. त्यानंतर ही खास शर्यत आयोजित झाली.
3 / 8
ही वेगवान घोडी मध्यप्रदेशातील महेश्वर येथील यादव स्टड फार्मची आहे आणि तिचे नाव राणी आहे. घोडा आणि बुलेटची शर्यत पाहण्यासाठी खूप लांबून लोक आले होते. लोकांनी रस्त्याच्या दुतर्फा गर्दी केली होती. प्रत्येकाला हा थरार आपल्या डोळ्यांनी पाहायचा होता.
4 / 8
या शर्यतीत राणी घोडीने बुलेट मोटरसायकलला मागे टाकून जिंकण्याचा मान मिळवला. यामुळे घोडी मालकाचा आणि उपस्थित लोकांचा आनंद गगनात मावेनासा झाला.
5 / 8
घोडे बाजारात आता खऱ्या स्पर्धांना सुरुवात झाली आहे. या स्पर्धांमुळेच सारंगखेड्याची यात्रा खरी रंगतदार होते. यावर्षीच्या स्पर्धांमध्ये भाग घेण्यासाठी ७०० पेक्षा जास्त घोडे आले आहेत.
6 / 8
या स्पर्धांमध्ये जो घोडा जिंकतो, त्याची किंमत खूप जास्त वाढते. अनेक वेळा विजेत्या घोड्यांची विक्री लाखो आणि करोडो रुपयांमध्ये होते. त्यामुळे प्रत्येक घोडे मालक आपला घोडा जिंकावा यासाठी खूप मेहनत घेतो.
7 / 8
त्यानंतर आज रेवाल चाल - घोड्याच्या विशिष्ट चालण्याची स्पर्धा, उद्या अश्व नृत्य - घोड्याच्या नाचण्याची आणि कला दाखवण्याची स्पर्धा आणि परवा नुकरा अश्व स्पर्धा खास जातीच्या घोड्यांची स्पर्धा आणि इतर स्पर्धा पार पडणार आहे. या स्पर्धांमुळे सारंगखेड्याच्या बाजारात खरेदी-विक्रीचा व्यवहार मोठ्या प्रमाणावर वाढणार आहे.
