Marathi News Photo gallery Shivsena eknath shinde making fun of uddhav thackrey and sanjay raut with the help of vyangachitra cartoons
“कणा काढल्यामुळे वाकणे सोपे झाले” व्यंगचित्रांच्या माध्यमातून शिवसेना पुन्हा आक्रमक!
गिरीश गायकवाड प्रतिनिधी- टीव्ही 9 मराठी मुंबई | 6 नोव्हेंबर 2023: विरोधकांचा समाचार घेणारी व्यंगचित्र शिवसेनेच्या वतीने प्रसारित. हिंदुहृदयसम्राट शिवसेनाप्रमुख बाळासाहेब ठाकरे हे आपल्या व्यंगचित्रांच्या माध्यमातून विरोधकांचे कधी चिमटे काढत असत तर कधी वाभाडे. मार्मिक मात्र तितकाच स्पष्ट संदेश देणाऱ्या या व्यंगचित्रांची परंपरा पुढे नेत शिवसेनेने विरोधकांवर हल्लाबोल सुरू केल्याचे चित्र गेल्या काही दिवसांपासून दिसून येत आहे.
Rachana Bhondave |
Updated on: Nov 06, 2023 | 2:12 PM
Share
मार्मिक मात्र तितकाच स्पष्ट संदेश देणाऱ्या ही व्यंगचित्रे म्हणजेच शिवसेनेची परंपरा आहे. व्यंगचित्राने विरोधकांवर टीका करायची ही बाळासाहेब ठाकरेंची पद्धत आहे. हीच पद्धत, ही परंपरा आता एकनाथ शिंदे यांनी म्हणजेच शिवसेनेने पुढे नेलीये. याचा वापर करून त्यांनी टीकास्त्र सोडलंय.
1 / 5
बाळासाहेबांच्या विचारांचे अनुकरण करत मुख्यमंत्री आणि शिवसेना मुख्य नेते एकनाथ शिंदे यांच्या नेतृत्त्वाखाली शिवसेना पुन्हा एकदा आक्रमक झाल्याचे पाहायला मिळत आहे
2 / 5
या व्यंगचित्रात वरती बाळासाहेब ठाकरे दिसतील "मोडेन पण वाकणार नाही" असा संदेश ते देतायत. खाली एका बाजूला शरद पवार आणि दुसऱ्या बाजूला संजय राऊत आहेत. उद्धव ठाकरे शरद पवारांना जितकं शक्य असेल तितकं वाकून नमस्कार घालतायत. संजय राऊतांनी उद्धव ठाकरेंचा कणा हातात धरून ठेवलाय. थोडक्यात काय तर कणा बाजूला काढून उद्धव ठाकरे पाया पडताना दिसून येतायत. हा व्यंगचित्रांच्या माध्यमातून थेट हल्ला आहे.
3 / 5
या व्यंगचित्रात उद्धव ठाकरे आरश्यात पाहताना दिसतायत. आरशासमोर उभे असणारे उद्धव ठाकरे आणि आरश्यात दिसणारे उद्धव ठाकरे यात खूप फरक आहे. संजय राऊतांपासून ते उद्धव ठाकरेंपर्यंत या व्यंगचित्रांद्वारे सगळ्यांचाच समाचार घेण्यात आलाय.
4 / 5
"शाब्बास एकनाथ तुच माझा धनुष्यबाण सोडवलास!" असं खुद्द भगवान श्रीराम मुख्यमंत्री एकनाथ शिंदेंना म्हणतायत. हे व्यंगचित्र बरंच काही बोलून जातंय. या चित्रात एका बाजूला शिवसेनाप्रमुख बाळासाहेब ठाकरे उभे आहेत आणि त्यांच्या शेजारी आनंद दिघे. भगवान श्रीराम एकनाथ शिंदेंना "यशस्वी भवः" असा आशीर्वाद देतायत.
