हॉकी वर्ल्डकप 2026

हॉकी वर्ल्ड कप स्पर्धेचा इतिहास 50 वर्षांपेक्षा अधिक जुना आहे. या स्पर्धेला 1971 मध्ये सुरूवात झाली होती. यापूर्वी हॉकीसाठी ऑलिम्पिक ही सर्वात मोठी स्पर्धा मानली जात होती. पण हॉकीला जागतिक स्तरावर अधिक लोकप्रिय करण्यासाठी आंतरराष्ट्रीय हॉकी महामंडळाने (FIH) वर्ल्डकप स्पर्धेला सुरूवात केली. तर महिला हॉकी वर्ल्डकप स्पर्धेला 1974 मध्ये सुरूवात झाली. भारताने 1975 मध्ये एकदाच वर्ल्डकप जिंकला आहे. तर महिला संघाची झोळी रिती आहे. पुरुष हॉकीत पाकिस्तानने 4 वेळा, नेदरलँडने 3 वेळा, जर्मनीने 3 वेळा, ऑस्ट्रेलियाने 3 वेळा आणि बेल्जियमने एकदा वर्ल्डकप जिंकला आहे. तर महिला हॉकीत नेदरलँडने 9 वेळा आणि जर्मनी, ऑस्ट्रेलिया, अर्जेंटीनाने प्रत्येकी दोनदा वर्ल्डकप जिंकला आहे.