Jain Muni Nileshchandra Muni : मी कोणालाही घाबरत नाही, जैन मुनींचं राज ठाकरे यांना चॅलेंज, मला मारण्याची सुपारी पण..

जैन मुनी निलेशचंद्र मुनी यांनी अलीकडील एका मुलाखतीत अनेक गंभीर आरोप आणि आव्हाने दिली आहेत. आपल्याला मारण्याची सुपारी दिली गेली होती, असा धक्कादायक दावा त्यांनी केला. “मला मारण्याचीही लोकांनी सुपारी दिली होती. मी कुणालाही घाबरत नाही,” असे मुनींनी ठामपणे सांगितले. कबुतरांमुळे आजार होतात हे अद्याप सिद्ध झालेले नाही, या मतावर ते ठाम राहिले. या संदर्भात, “अजूनपर्यंत कोणीही हे सिद्ध केले नाही की कबुतरांमुळे कोणताही आजार झाला आहे,” असे त्यांनी म्हटले.

मनसे अध्यक्ष राज ठाकरे यांना मुनींनी थेट आव्हान दिले. “राज ठाकरे यांनी भेंडीबाजारात जाऊन दाखवावे,” असे ते म्हणाले. मुंबईत अंमली पदार्थांचा (ड्रग्स, गांजा, अफेम) सर्रास वापर आणि विक्री सुरू असताना नेत्यांना ते का दिसत नाही, असा प्रश्न त्यांनी उपस्थित केला. “तो नेत्यांना का दिसत नाही? ड्रग्स, गांजा, अफेम. इतक्या प्रमाणात आपल्या बॉम्बेमध्ये सुरू आहे, ते दिसत नाही का?” असे म्हणत त्यांनी समाज आणि प्रशासनावरही अप्रत्यक्षपणे निशाणा साधला. मुनींनी आपल्या समर्थनाबद्दल बोलताना सांगितले की, जेव्हा ते येतात, तेव्हा त्यांच्यासोबत महाराष्ट्रीयन लोक असतात, एकही जैन नसतो. त्यांनी राजेंद्र सुरी महाराजांच्या एका भक्ताचा संदर्भही दिला.