Ajit Pawar Funeral LIVE : उपमुख्यमंत्री अजित पवार यांना शासकीय मानवंदना

सहा वेळा राज्याचे उपमुख्यमंत्रीपद भूषवलेल्या अजित पवार यांना आज बारामती येथे शासकीय मानवंदना देण्यात आली. या हृदयद्रावक प्रसंगी बारामती आणि काटेवाडी परिसर शोकाकुल झाला होता. दादा म्हणून ज्यांच्यावर प्रेम केले, त्या अजित पवारांना अखेरचा निरोप देण्यासाठी हजारो नागरिक उपस्थित होते. त्यांचे पार्थिव काटेवाडी येथील निवासस्थानाहून विद्या प्रतिष्ठान, बारामती येथे अंत्यसंस्कारासाठी नेण्यात आले.

यावेळी अनेकांच्या भावनांचा बांध फुटला होता. ग्रामस्थांनी आपल्या लाडक्या नेत्याला परत या, परत या अजित दादा परत या अशा घोषणा देत अखेरचा निरोप दिला. अत्यंत भावनिक आणि गंभीर वातावरणात, सर्व कुटुंबीय, चाहते आणि नागरिक त्यांच्या अंतिम दर्शनासाठी एकवटले होते. या महान आत्म्यास शांती लाभावी अशी प्रार्थना सर्व ग्रामस्थांकडून केली जात होती. रुग्णवाहिकेतून त्यांचे पार्थिव विद्या प्रतिष्ठानच्या मैदानावर नेण्यात आले.