Manoj Jarange Patil : …तिथेच खूनाचा कट शिजला, आता दादानं फक्त संभाळून रहावं, मुंडेंवर गंभीर आरोप करत जरांगेंचा अजित पवारांना इशारा

मनोज जरांगे पाटील यांनी मराठा आरक्षणाच्या मुद्द्यावर बोलताना, राजकारणात रस नसून समाजावरील अन्याय सहन करणार नसल्याचे म्हटले आहे. मराठवाड्यात २,५६,००० कुणबी प्रमाणपत्रे वितरित झाली असली तरी, अनेक ठिकाणी प्रमाणपत्र वितरणात अडथळे येत असल्याच्या तक्रारी त्यांनी मांडल्या. उपसमितीचे अध्यक्ष संजय शिरसाट यांना याबाबत माहिती दिल्याचे त्यांनी सांगितले.

जरांगे पाटील यांनी एका प्रकरणात नार्को चाचणीची मागणी केली असून, आपण स्वतः त्यासाठी तयार असल्याचे म्हटले आहे. या चाचणीमुळे अनेक लोकांची सत्यता समोर येईल, असा विश्वास त्यांनी व्यक्त केला. यावेळी जरांगेंनी धनंजय मुंडे यांच्यावर थेट कट रचल्याचा आरोप करत, अजित पवार यांनी मुंडे यांना दिलेले बळ थांबवावे अशी मागणी केली. सरकारकडून या कटाकडे कसे पाहिले जाते, यावर त्यांनी प्रश्नचिन्ह उपस्थित केले. बीडमधील सामाजिक सलोखा राखण्यासाठी सर्व समाज घटकांनी एकत्र येण्याचे आवाहनही त्यांनी केले.