Bihar Election Results 2025 : काँग्रेस आता मुस्लिम लीग माओवादी काँग्रेस… पंतप्रधान मोदींचा घणाघात

पंतप्रधान नरेंद्र मोदी यांनी नुकत्याच झालेल्या विजयानंतर देशातील नारीशक्ती, प्रथमच मतदान करणारे नागरिक, तसेच प्रत्येक वर्ग, जात, समुदाय आणि क्षेत्रातील मतदारांनी एनडीएवर विश्वास दर्शविल्याचे सांगितले. भाजपा आणि एनडीए सरकारे २०-२० वर्षांनंतरही निवडून येत असल्याने हे लोककेंद्री, सुशासन आणि विकासकेंद्री राजकारणाचे द्योतक आहे, असे ते म्हणाले. याच आधारावर बिहारला विकसित बनवण्याचे आणि देशाच्या प्रगतीसाठी काम करण्याचे आश्वासन त्यांनी दिले.

मोदींनी बिहारसाठी विशेषत्वाने योजना आखल्या असून, बिहारमध्ये नवीन उद्योग येतील आणि तरुणांना बिहारमध्येच रोजगार मिळेल यासाठी सतत काम केले जाईल, असे सांगितले. बिहारमध्ये गुंतवणूक वाढवून अधिक नोकऱ्या निर्माण करण्यावर भर दिला जाईल आणि पर्यटन क्षेत्राचाही विस्तार होईल, असे त्यांनी नमूद केले. तसेच, काँग्रेसच्या नकारात्मक राजकारणावर टीका केली आणि काँग्रेस आता मुस्लिम लीग माओवादी काँग्रेस (MMC) बनल्याचे म्हटले. काँग्रेसच्या या धोरणामुळे तिच्यात अंतर्गत नाराजी असून मोठे विभाजन होण्याची शक्यताही त्यांनी वर्तवली.