Ajit Pawar NCP : सना मलिक यांच्याकडून वडील नवाब मलिक यांची पाठराखण, राष्ट्रवादी महायुतीत सामील होणार की स्वतंत्र लढणार? सगळं सांगितलं!

भाजपने नवाब मलिक यांच्यावरील देशद्रोहासारख्या गंभीर आरोपांमुळे त्यांच्यासोबत युती करणार नसल्याचे जाहीर केले आहे. यावर प्रतिक्रिया देताना आमदार सना मलिक यांनी सांगितले की, नवाब मलिक यांच्यावरील सर्व आरोप अजून सिद्ध झालेले नाहीत आणि हे प्रकरण न्यायालयात प्रलंबित आहे. भारतीय संविधानानुसार, जोपर्यंत आरोप सिद्ध होत नाहीत, तोपर्यंत संबंधित व्यक्तीला आरोपी मानले जाऊ शकत नाही, असे सनामलिक यांनी नमूद केले. मुंबई महानगरपालिकेच्या निवडणुकांसाठी राष्ट्रवादी काँग्रेसच्या समितीचे अध्यक्ष म्हणून नवाब मलिक यांच्या नेतृत्वाखाली इच्छूक उमेदवारांच्या फॉर्मचे वाटप गेल्या महिन्यापासून सुरू आहे. पक्षाचा एक अहवाल तयार असून, वरिष्ठ नेते सुनील तटकरे आणि प्रफुल्ल पटेल यांच्यासमोर तो लवकरच सादर केला जाईल. यानंतर युती किंवा स्वबळावर लढण्याबाबत अंतिम निर्णय घेतला जाईल, असे सनामलिक यांनी स्पष्ट केले. आशिष शेलार यांनी नवाब मलिक यांच्या उपस्थितीमुळे युती करणार नसल्याचे सांगितले असले, तरी हा त्यांचा किंवा भाजपचा वैयक्तिक अजेंडा असू शकतो, असेही सनामलिक म्हणाल्या.