Ajit Pawar Death Updates : पवार घराण्यातून नेतृत्व कुणाकडे? राजकीय वारसा कोण चालवणार?

महाराष्ट्राच्या राजकारणात अनेक दशके पॉवर सेंटर राहिलेल्या पवार कुटुंबासमोर अजित पवारांच्या निधनानंतर नेतृत्वाचा गंभीर प्रश्न निर्माण झाला आहे. अजित पवारांचे आकस्मिक निधन हे राज्यासाठी आणि त्यांच्या पक्षासाठी मोठा धक्का मानला जात आहे. त्यांच्या जाण्याने राष्ट्रवादी काँग्रेसचा एक महत्त्वाचा आधारस्तंभ निखळला आहे.

या परिस्थितीत पवार कुटुंबाचा राजकीय वारसा कोण चालवणार, यावर राजकीय वर्तुळात चर्चा सुरू आहे. शरद पवारांकडे सार्वजनिक जीवनाचा अनुभव असला तरी, वयामुळे नेतृत्वाची जबाबदारी घेण्यास मर्यादा आहेत. सुप्रिया सुळे यांना दिल्लीच्या राजकारणाचा अनुभव आहे, परंतु पक्ष नेतृत्वाचा अनुभव त्यांच्याकडे कमी आहे. रोहित पवारांनी तळागाळात आपला जम बसवला असला तरी, त्यांना अजूनही अजित पवार आणि शरद पवारांच्या उंचीपर्यंत पोहोचायला वेळ आहे. अजित पवारांच्या पत्नी सुनेत्रा पवार यांनी नुकताच संसदीय राजकारणात प्रवेश केला आहे, तर त्यांची मुले राजकीय अनुभवात अजूनही नवशिक्या आहेत.

बारामतीतील नागरिकांनी अजित पवारांच्या निधनावर तीव्र दुःख व्यक्त केले आहे. त्यांच्या कार्याचे स्मरण करत अनेकांनी त्यांना बारामतीचा बाप संबोधले आहे. त्यांच्या अनुपस्थितीने कार्यकर्ते सैरभैर झाले आहेत. कार्यकर्त्यांनी पवार कुटुंबाच्या पाठीशी खंबीरपणे उभे राहण्याची भूमिका घेतली आहे. आता या नेतृत्वाच्या पेचातून कोण पुढे येते आणि महाराष्ट्राच्या राजकारणावर याचे काय परिणाम होतात, हे आगामी काळात स्पष्ट होईल.